နံၪ့၂၀၂၄နံၪ့လၩစဲတံၫ့ဘၧၫ၁၃ၥၫ့နီၪ ၥၫ့ဎွၩဒၪလၩ့ဎိၭလိၬၥၭလၧ ခးစံၫကပူၫၥၭဘၪ့ဖိၪလဖၪ နီၪလီၫႉ ၥၫ့ဎွၩယီၩဆၫ့ထွ့ၫဘၪ ၥၭဘၪ့ဖိၪလဖၪ ကမၩ့ဎိၭလၩ့ဆၧယံၩယံၩၡီၩ့ၡီၩ့အဂးႇ ကကဲၪထၪ့ ၥၭဘၪ့လၧအၥ့ၪယၫအၪ့န့မူၩဒၩလဖၪအဂး ဒဲ အဝ့ၫၥံၪၥီၪ့လိၪထၬအၥၭ ဆၧကိၪ့ဘၪကိၪ့ၥ့ၪလဖၪ ကဆုးထဲၩ့ဖ့ၪလၫ့ဘၪ ဖိၪဒံၪဖိၪၥၪအဂးနီၪလီၫႉ
လၧအဖီၩ့ခွံၬနံၫၥၧၫ့လံၥၫ့အိၩ ခးထဲၩ့လံၩခံၫကကဲၩ့ခီၫ အလးလနၩ့နၩ့နီၪ ဆၧဆၧၩ့ဎိၩဝ့ၫဒၪအ ကၠီၩ့ ထံၫဎိၩလၩ့ဒဲ ဖံၭလၩ့ဎီးဂီၩ့ ဆၧၥုၪ့ဆၧဒီၩ့လဖၪ လၩ့ဎီးဝ့ၫဒၪနီၪလီၫႉ လၧဆၧကဲၪထၪ့ဘဲၫနီၪၥိၭ အလးလဖၪအကျၩ ချင်းရိုင်ကၭၥလံၬဆၧအီၪကီၪ့ဆ့ မွဲပၫထဲးဆ့အကၠီၩ့ ချင်းရိုင်ကၭၥလံၬဆၧ အီၪကီၪ့ၥၫ့ခိၪဒိၪ ဒဲ ၥၫ့မုၥၫ့ခၫလဖၪ စံၫစတၫလဖၪနီၪ လ့ၩလီၩ့ယိထွ့ၫထဲၩ့ ဆၧအီၪကီၪ့ဖိၪၥံၪအဂဲး ပၥ့ၪယၫဘၪနီၪလီၫႉ
ဘၪထွ့ၫလၧ ၥၫ့ဎွၩဖရၫ့စံအဆၧလ့ၩဆၧထဲၩ့လၧ Asia ဒဲ Oceania အဖၧၩ့နီၪ ၦဎြံၬဖိၪၥံၪလဖၪ ကန့ထၪ့ဘၪ ဆၧဆူနဲၩအဆၧၥ့ၪယၫဒဲ ဂဲးဘၭအဂဲး ကၫဒံၫနဲၫ ခၠၩစဘိၫနီၪ စံၭဝ့ၫဒၪနီၪလီၫႉ
ဆလေးရှင်းခရၧၫ့ခိၪနါဒိၪ ၥၫ့ခၫ Fr.Alfred Maravilla (SDB) ဂဲၫစိၩလၧခးပယၩ့အဂဲး
နံၪ့ ၂၀၂၄နံၪ့ လၩအီဂၭ၄ၥၫ့ ထီၩ့စိၩလၧ ၇ၥၫ့အထီနီၪ ဆလေးရှင်းခရၧၫ့ခိၪနါ ဒိၪ ၥၫ့ခၫ Fr.Alfred Maravilla (SDB) ဂဲၫစိၩလၧခးပယၩ့အဂဲး ပၥ့ၪယၫဘၪနီၪလီၫႉ
ပၥၭဂဲၫၡါထၪ့နီၪ မွဲလၧကဆါယွၩအဆၧဆိၪဂ့ၩဆိၪဘွၩအဂဲး လၧဂၪ့ခိၪထၧၫ့ဘံၪ့ယၫ ၥၭၡါလဖၪအဘိၪ့ မုနံၩဖၧၩ့ ဝံးတခိၩ့ ကၭၥလံၬၥၫ့ခိၪဒိၪခရၧၫ့ ခိၪနါဒိၪကၫဒံၫနဲၫခၠၩဘိၫ စံၭဝ့ၫဒၪနီၪလီၫႉ
ဂၪ့ခိၪထၧၫ့ဘံၪ့ယၫ ၦဆူနဲၩဖိၪလဖၪအဆၧအၪ့ကံၩ့ဘၩဆိၪဖၪအကၠီၩ့ ၥၭဘၪ့ဖိၪ ကာလိုအာကူးတစ်နီၪ ၥၫ့ဎွၩဖရၫ့စ့ ကထံၭလၫ့ၦဆံၫ့ဎံၪလဂၩအလးအလၩအဂဲး ပၥ့ၪယၫဘၪနီၪလီၫႉ လၧအဖီၩ့ခွံၬ လၩယူၫလဲၫ့(၁)ၥၫ့ ဒၪအိၩ ကထံၭလၫ့ၦဆံၫ့ဎံၪလဖၪအဂး ၥၫ့ဎွၩဒဲ ကၫဒံၫနဲၫလဖၪ မၩဎိၭလၩ့ဆၧအီၪကီၪ့အဖၧၩ့ အီၪက့ၪဂုးခၧၫ့ဝ့ၫနီၪ လီၫႉ
မြစ်ကြီးနားဝံးဖၧၩ့ ထံၫဎိၩလၩ့အဂဲး ကၫဒံၫနဲၫ Charles Bo ၥ့ၪယၫဝ့ၫအကၠီၩ့ ၂၀၂၄နံၪ့ လၩယူၫလဲၫ့၃ၥၫ့အဂၫလၩ့နီၪ အဝ့ၫယီၩ လ့ၩထီၩ့စိၩလၧ မြစ်ကြီးနားဝံး ၦဘၪကၪဘၪဂဲၩဖိၪလဖၪ အအီၪ ဒဲ IDPs Camp လဖၪအအီၪဂီၩ့ လ့ၩဖ့ၪဂဲးဖ့ၪဘၭမၩဆၧၩ့ဝ့ၫနီၪလီၫႉ
ခးAmerica ကိၪဘိၪ့ဆံၪ့ဎံၫအဘိၪ့မုနံၩအဂး ၥၫ့ဎွၩ Francis ရွံန့အီၪက့ၪထၪ့ဘၪ အၥီၫ့ခိၪနါလဂၩနီၪ မွဲကၫဒံၫနဲၫ တၭဂလဲ နီၪလီၫႉ ကၫဒံၫနဲၫ လူးဝစ် အန်တိုးနီယို တၭဂလဲ နီၪ မွဲလၧ ခးPhilippinesဖိၪ ကဂၩဂီၩ့ လၧအခီၩ့ဒၪအိၩဘၪလ့ၩကဲၪထၪ့ၥၫ့ခိၪဒိၪလၧ Germany ထံၪခးနီၪလီၫႉ လၧကိၪဘိၪ့ဆံၫ့ဎံၪအဘိၪ့မုနံၩ လခဲၫ့ထုၬကနံၩအဖၧၩ့ ကၫဒံၫနဲၫတၭဂလဲ ကလ့ၩခိၪလ့ၩနါဂီၩ့ ကလုထၪ့မံဆၩဆၧလုထၪ့ဆံၫ့ဎံၪနီၪလီၫႉ လၧမံဆၩဆၧလုထၪ့ဖၧၩ့နီၪ ၦကၭၥလံၬဖိၪ ကဂဲၪထၪ့ ကအီၪဝ့ၫဒၪ ဖိၭဘိၭအဂၩ ၅၀၀၀၀အဂဲး ထယၬကၠၬဝ့ၫဂီၩ့ ဆၧထံၫလၩ့ဒီၪလၩ့နီၪ ကမၩဝ့ၫဒၪလၧ Lucas Oil Stadium အဖၧၩ့နီၪလီၫႉ ၥၫ့ခိၪဒိၪ Archbishop Timothy P.Broglio နီၪ လၧကိၪဘိၪ့ဆံၫ့ဎံၪ အဘိၪ့မုနံၩဖၧၩ့ န့ထၪ့ဘၪအၥီၫ့ခိၪနါကဂၩအကၠီၩ့ စံၭ
ဘၪထွ့ၫလၧဂၪ့ခိၪထၧၫ့ဘံၪ့ယၫ ကၭၥလံၬဆၧပရၧၫ့လဖၪအဂး ကျ့ၭစၨၭကၠၭဝ့ၫဒၪ မံၫဒံၫ ယၫအၪအၪအဖၧၩ့ Shalom World News မံၫဒံၫယၫယီၩ မွဲပၫဝ့ၫဒၪဆ့ဂီၩ့ ကန့ထၪ့ ကၭၥလံၬ မံၫဒံၫယၫခိၪဖၭနီၪလီၫႉ ခိၪဖၭနီၪ အမံၩ့မွဲလၧ‘Prestigious Catholic Media Association Award 2024’ (၂၀၂၄နံၪ့အထးဖၧၩ့ အလၩအဖၩ့အအီၪထုၬ ကၭၥလံၬမံၫဒံၫယၫခိၪဖၭ) နီၪလီၫႉ
ကဘိၭဘၪၥ့ၪယၫထၪ့ခိၪဖၭယီၩ လၧAtlantaဝံးနီၪဂီၩ့ ဝံးယီၩနီၪ မွဲဒံၭလၧ ခးအမ့ရံကၫ့ Georgia ဆၨၩခးဒီၪ့ဖၧၩ့ အဎိၩထုၬဝံးကဝံးနီၪလီၫႉ မံၫဒံၫယၫအယီၩနီၪ လၧအဖီၩ့ခွံၬနံၪ့လဖၪအိၩ မွဲလၧဆၧပရၧၫ့အမံၩ့မံၩ့ဖၧၩ့ ဂဲၫထဲၩ့န့ထၬဘၪ ခိၪဖၭအီၪ၅မံၩ့ယူၭနီၪလီၫႉ
ဝံးမၠီၩ့မၠၭ ကၭၥလံၬဆၧအီၪကီၪ့ဆရၫ ဆရၫမုၪ အဆၧမၩလိၪလး မွဲဝ့ၫဒၪ စံၫ့မၫတ့ၩကၠီးနီၪ ဝဲထၪ့ထဲၩ့ ၂၀၂၄နံၪ့ ဆၧ မၩလိၪအနံၪ့လၧလၩယူၫ၁၅ၥၫ့ဒၪအိၩနီၪလီၫႉ ဆၧမၩလိၪလးယီၩနီၪ အီၪဝ့ၫဒၪလၧ ဝံးမၠီၩ့မၠၭ ဆၧဝံ(၃) ယ့ၫၡူၬအၥၭဆံၫ့ဎံၪၥရိၬ လးဝၩ့ဖၧၩ့နီၪလီၫႉ
Sign up to our newsletter and get latest news and updates straight to your inbox!
