Shalom World News နီၪ ကန့ထၪ့ဘၪ ကၭၥလံၬမံၫဒံၫယၫခိၪဖၭအဂဲး

ဘၪထွ့ၫလၧဂၪ့ခိၪထၧၫ့ဘံၪ့ယၫ ကၭၥလံၬဆၧပရၧၫ့လဖၪအဂး ကျ့ၭစၨၭကၠၭဝ့ၫဒၪ မံၫဒံၫ ယၫအၪအၪအဖၧၩ့ Shalom World News မံၫဒံၫယၫယီၩ မွဲပၫဝ့ၫဒၪဆ့ဂီၩ့ ကန့ထၪ့ ကၭၥလံၬ မံၫဒံၫယၫခိၪဖၭနီၪလီၫႉ ခိၪဖၭနီၪ အမံၩ့မွဲလၧ‘Prestigious Catholic Media Association Award 2024’ (၂၀၂၄နံၪ့အထးဖၧၩ့ အလၩအဖၩ့အအီၪထုၬ ကၭၥလံၬမံၫဒံၫယၫခိၪဖၭ) နီၪလီၫႉ  

ကဘိၭဘၪၥ့ၪယၫထၪ့ခိၪဖၭယီၩ လၧAtlantaဝံးနီၪဂီၩ့ ဝံးယီၩနီၪ မွဲဒံၭလၧ ခးအမ့ရံကၫ့ Georgia ဆၨၩခးဒီၪ့ဖၧၩ့ အဎိၩထုၬဝံးကဝံးနီၪလီၫႉ မံၫဒံၫယၫအယီၩနီၪ လၧအဖီၩ့ခွံၬနံၪ့လဖၪအိၩ မွဲလၧဆၧပရၧၫ့အမံၩ့မံၩ့ဖၧၩ့ ဂဲၫထဲၩ့န့ထၬဘၪ ခိၪဖၭအီၪ၅မံၩ့ယူၭနီၪလီၫႉ

Shalom World News ဆၧပရၧၫ့ယီၩနီၪ အီၪၥုၪ့လၩ့ထၬအၥၭလၧ ခးအမ့ၫရံကၫ့ တဲၭက ဆဲၭဆၨၩခးဒီၪ့ဖၧၩ့ဂီၩ့ ဂၪ့ခိၪထၧၫ့ဘံၪ့ယၫအဂး ကွ့ၭထံၭလၫ့ဆၧပရၧၫ့လဖၪ လၧခိၪလၩဘွၩႇ စပံၫ့ႇ ဒဲ ဂၠၫမၫ့အလၨလဖၪနီၪလီၫႉ Shalom World News အခိၪနါဒိၪထုၬနီၪ မွဲဝ့ၫဒၪ Rev. Dr. Roy Palatty CMI (Spiritual Director)ဂီၩ့ အဝ့ၫယီၩနီၪ မွဲဒံၭလၧ Santo Thomas (Chief Excecutive Officer) ဒံၭနီၪလီၫႉ မံၫဒံၫယၫယီၩနီၪ စၭထၪ့ရၩလၩ့ ဆၧပရၧၫ့လဖၪလၧ အဖီၩ့ခွံၬ၂၀၁၄နံၪ့ လၩအ့ၫဖြ့ၫ၂၇ၥၫ့ ဒၪအိၩနီၪလီၫႉ မံၫဒံၫယၫအယီၩနီၪ ဘဲၫကွ့ၭထံၭလၫ့ဆၧပရၧၫ့အၥိၭဆၧပရၧၫ့အကဲၪထၪ့ဘဲၫယီၩ ဆၧဂၩ့မၧၫ့လဖၪဆ့ ဒိၪဖ့ၪနဲၪအ့ၪၦယိဖၧၩ့ဆၧပရၧၫ့လဖၪနီၪလီၫႉ

News and photos courtesy : SW News

နးအဲၪဖီၫဘွၩ

Add new comment

10 + 2 =