ပဆၧယိလါ လၩ့မါခွံၬထီးလူၬ ပၥၭခံဖၧၩ့ပဒိၭန့ဘၪဝ့ၫစွါဘဲၫ ပကဘၪအၪ့က့ၩဘၩဆိၪဖၪလၧ ကဆါကၠဲၭအီၪလီၫႉ ပလကြၨၭ မၩၥၭနၪ့ခွံၬလၧ ဂၬထံၫလလိၪဘၪအဂဲး

လၧြဎံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ပဆၧယိလါလၩ့မါခွံၬထီးလူၬယုၬ ပၥၭခံဖၧၩ့ပဒိၭန့ဘၪဝ့ၫစွါဘဲၫ ပကဘၪအၪ့က့ၩဘၩဆိၪဖၪလၧ ကဆါကၠဲၬအီၪနီၪလီၫႉ ပလကြၨၭ မၩၥၭနၪ့ခွံၬလၧ ဂၬထံၫ  လလိၪဘၪ အဂဲးအကၠီၩ့နီၪလီၫႉ

အဲၪကွံၩဘၪထၧၫ့ဖုဝဲထံၩၥိၭ ထီးအလူၬၥံၪဧ့ႇ ပၥုၪ့လၩ့ဆါၥၭလၩ့ဆါမွဲဂ့ၪႇ ပၥၭဝံၩလၫ့ဘၧၩ့လၫ့မွဲဂ့ၩႇ ပဆၧထိးဘၪၥၭ ထီးအလူၬနီၪ ပလကြၨၭမၩလၩ့မါခွံၬလၧ ဂၬထံၫနီၪလီၫႉ ဆၧလၧ ဂၬထံၫနီၪ ကမၩအၪ့လဲၩ့ ၥၭဆုးလီၩ့ထၪ့ ပဆၧကၪဆၧဂဲၩ့ကန့ဝ့ၫဒၪ ကဆိကလးနီၪလီၫႉ အ့ၪပကဖီၪ့န့ထၬ ဆၧဘၩဆိၪဖၪနီၪစွါဘဲၫႇ ပဆၧကၪဆၧဂဲၩ့ႇ ပဆၧထိးဘၪၥၭႇ ပၥုၪ့လၩ့ဆါၥၭလၩ့ဆါၥံၪ ထီးအလူၬအဂး ပမၩနၧၩ့ခၪ့ဖျီၪ့ကန့ ၡူၪၡူၪဘၩဘၩနီၩလီၫႉ

အဲၪကွံၩဘၪထၧၫ့ဖုဝဲထံၩၥိၭ ထီးအလူၬၥံၪဧ့ႇ ဆၧလၧပၥုၪ့ပၥၭလမံၩ့နီၪ ပဘၪဒၪ  ၥၭဘၪထံၭဆၫဎိၩၥံၪႇ ဆၧၥၭထၪ့ၥံၪစွါဘဲၫ ပၥၪကၭထၪ့ဝ့ၫဒၪနီၪလီၫႉ ပကယိလၧ ဆၧနးၥၭ ခီၫ့စွါဘဲၫ ဆၧလၧပၥုၪ့လၩ့ဆါၥၭလၩ့ဆါ လမံၩ့နီၪ မၩခၭဘျ့ၭခၭနုၬပၥုၪ့ပၥၭဂီၩ့ မၩပြၩခွံၬ ပဆၧမၩနၧၩ့ခၪ့ဖျီၪ့ ထီးအလူၬနီၪလီၫႉ ပကဲၪၦၡၩၥံၪလဖၪ ပဆၧၥၭမၧၫ့ ထီၧၫ့ဘီၩ့ယၪနီၪ  ဆၧကၪဆၧဂဲၩ့ႇ ၥၭအုၭၥၭလၩ့ႇ   ဆၧၥၭမဲၪ့ၥၭဖျဲၩ့ႇ လဘျၩ့လမွဲဘၪလဘျၩ့ ပကဒၪဘၪနီၪလီၫႉ ထီးလကၭဒံၭဘၪႇ အ့ၪပဒၪဂီၩ့အခံၫ့နီၪ ၦၡၩလၧ ဘၪဒၪဆၧကၪဆၧဂဲၩ့မွဲဂ့ၩႇ ၦလၧအၥုၪ့လၩ့ဆါၥၭလၩ့ဆါမွဲဂ့ၩႇ ပလ့ၩဖ့ၪဂဲးဖ့ၪဘၩအဝ့ၫၥံၪ အ့ၪလမွဲဘၪ ပကအီၪအ့ၪလၧအနဲၩ့အဎီၩ့ လိၪဝ့ၫဒၪနီၪလီၫႉ ဆၧအယီၩမွဲဝ့ၫဒၪ  ပမၩဆၧၩ အဝ့ၫၥံၪလၧ  ဆၧအဲၪဆၧကွံၩ့နီၪလီၫႉ

အဲၪကွံၩဘၪထၧၫ့ဖုဝဲထံၩၥိၭ ထီးအလူၬၥံၪဧ့ႇ  ပကဆါဎြံၬနီၪ ဘၪဒၪခီၩ့ဆၧၫ့ယၪ အခံၫ့နီၪ ဘၪအၪ့က့ၩ ဘၩဆိၪဖၪဝ့ၫလၧ ကဆါကၠဲၭအီၪနီၪလီၫႉ ဆၧနီၪအကၠီၩ့ႇ ပကဲၪကဆါဎြံၬအဖိၪၥံၪလဖၪဆ့ၭ အ့ၪပဒၪခီၩ့ဆၧၫ့ယၪစွါဘဲၫ ပကဘၪ အၪ့က့ၩ ဘၩဆိၪဖၪဘဲၫၥိၭ ကဆါဎြံၬနီၪ  အကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၪ့အီၪဝ့ၫဒၪ ဘဲၫယီၩၥိၭအဂဲး  ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ  အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ