ၦအလုထၪ့လၩ့ၥၭလဖၪအဂး ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့

လၧဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထိးအလူၬၥံၪဧႉႇမုကနံၩယီၩ ယအဲၪဒိၭရၩလၩ့န့ အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪၦအမၩ ယွၩအဆၧမၩလဖၪ ကဘၪအီၪၥၭမၧၫ့ဘဲၫၥ့ၪလဲၪ အဂဲးအကၠီၩ့နီၪလီၫႉ ၦအလုထၪ့လၩ့အၥၭလၧ ယွၩအဆၧ ဖံၭဆၧမၩလးဖၧၩ့လဖၪၥံၪနီၪ ပကဘၪအၪ့ဎၬထၪ့ထဲၩ့ ပအီၪက့ၪထၬ ပဆၧဆူနဲၩလၧ ယွၩအဖၫ့ခိၪ အီၪဝ့ၫ ဘဲၫၥ့ၪလဲၪအဂဲး ႇ ထုၪ့စူၪယၫ အစီၩ့အမၩ့အဂဲးဒဲ ဆၧအီၪကီၪ့ အဖၫ့ခိၪ အီၪက့ၪထၬ ဆၧဆူနဲၩ ဘဲၫၥ့ၪလဲၪအဂဲး ဆၧအၪ့လဲၩ့ထၪ့ၥၭအၥၫ့ ကဘၪအီၪ ဝ့ၫ အကၠီၩ့နီၪလီၫႉ

          ဆၧလၧ ၦကဲၪဎြံၬဖိၪၥံၪနီၪ ပကဘၪနဲၪဖျီၪထၪ့အ့ၪ ကဆါဎြံၬ အဆၧအဲၪအဂဲး ကဆါဎြံၬရွံထၪ့ထၬပၧၩမွဲဝ့ၫအကၠီၩ့ႇ ၦအလုထၪ့လၩ့အၥၭ ကဆါယွၩ အီၪလဖၪၥံၪနီၪ ကဘၪထိးဆၧၫ့ ကဆါဎြံၬ အဆၧမုၬဆၧလၩ နီၪၥီၪကၠဲၪအီၪဝ့ၫဒၪအ ကၠီၩ့ ႇ ကဆါဎြံၬ ဘၪထိးၡၪ့ထိးနၭအကၠီၩ့ႇ ပကဘၪအီၪက့ၪထၬ ပဆၧယိလါအကၠီၩ့ ႇ ပက ဘၪထိး ဆၧၩ့အ့ၪ ကဆါဎြံၬ အဆၧၡၪ့ဆၧနၭအကၠီၩ့နီၪလီၫႉ လၧပဆၧၥၭမၧၫ့ဖၧၩ့ ပဘၪဒၪခီၩ့ ပဆၧအၪ့ထၩလဖၪၥံၪနီၪ ဎိၩဝ့ၫဒၪလါနၫ့ လၧယွၩအဆၧဖံၭဆၧမၩအဖၫ့ခိၪ ပလကြၨၭ အီၪက့ၪထၬဘၪ ဂဲးဆံၭဘၭဆါနီၪလီၫႉ ဘၪမနီၪလဲၪစွါဘဲၫ ပကဒုၭဆၧၫ့ ဆၧအၪ့ထၩ ၥံၪအဂး ယွၩဖ့ၪထၬအ့ၪပၧၩ ပဂဲးပဘၭ ဂီၩ့ဝ့ၫဒၪယူၭအကၠီၩ့နီၪလီၫႉ ဂဲးဆီၪ့ ဘၭဆီၪ့က အီၪအဂး ယွၩဖ့ၪထၬအ့ၪပၧၩလဖၪၥံၪနီၪမွဲဝ့ၫဒၪ ဆၧဘၩဆိၪဖၪဒဲ ဆၧယိလါ နီၪလီၫႉ ဆၧလဖၪၥံၪယီၩဖ့ၪအ့ၪပၧၩ ဂဲးဘၭတၡါဒ့ၭနီၪလီၫႉ

          လၧဖျိၩ့ဖျိၩ့အိၩဎြံၬဖိၪလဖၪၥံၪနီၪ အီၪက့ၪထၬအဆၧဆူနဲၩလၧ ကဆါဎြံၬအဖၫ့ခိၪ အီၪဝ့ၫဎိၩဒိၪဒ့ၭ နီၪလီၫႉ အဝ့ၫၥံၪအီၪက့ၪထၬဆၧဆူနဲၩလၧ ယွၩအဖၫ့ခိၪ ဎိၩဒိၪအကၠီၩ့ ၦဂူၫဂၩၥံၪဆ့ ဆၧဆူနဲၩ ဂဲၫအီၪထၪ့ဝ့ၫဒၪလၧ ယွၩအဖၫ့ခိၪ အီၪဝ့ၫဒၪအၪမၬဒ့ၭနီၪလီၫႉ ဆၧလၧဆၧဆူနဲၩနီၪ အၪ့လဲၩထၪ့ထဲၩ့ ဂၪ့ခိၪချိၫ့န့ဝ့ၫဒၪနီၪလီၫႉ လၧပဆၧၥၭမၧၫ့ဖၧၩ့ ဆၧဒူၭဆၧခၭဆၧကဲၪထၪ့လါနၫ့ ႇ ဆၧမၩနၧၩ့မၩစၪဆၧကဲၪထၪ့လါနၫ့ ႇ ခီၫ့ၡၩဂဲးဆၧကၪ ဆၧဂဲၩအီၪလါနၫ့ ႇ ဆၧဒူၩဆၧယၪ့လအီၪဘၪလါနၫ့ ၦဂူၫဂၩၥံၪ ဆၧမၩဆၧၩ့ကန့အဂး ပက ဘၪလုထၪ့လၩ့ပၥၭလိၪဝ့ၫဒၪအကၠီၩ့ ႇ ပက ဘၪကဲၪၥိၭ ဘၪအၥၪချံၫၥိၭအကၠီၩ့ ႇ ဘၪအၥၪချံၫနီၪဆံၭလါနၫ့ အမုမၧၫ့ထၪ့ကကၠၪ ၦၡၩၥံၪအဂး ဖ့ၪအ့ၪအခိးအတၩ အီၪဝ့ၫ ဒိၪမၬဒ့ၭအကၠီၩ့ ႇ ပလုထၪ့လၩ့ပၥၭဂီၩ့ ပမၩယွၩအဆၧဖံၭဆၧမၩအခံၫ့ လဂၩ ဘၪ လဂၩ ၥၭအဆၧလၩ့ဖၭကဲၪထၪ့အီၪဝ့ၫလါနၫ့ လၧဆၧအဲၪဆၧကွံၩဖၧၩ့ ႇ ဆၧၥုၪ့ဆၧၩ့ၥၭ ဆၧၩ့ဖၧၩ့ ႇ ဆၧအၪ့ကံၩ့ ဘၩဆိၪဖၪဖၧၩ့ ပက ဘၪထိးဆၧၫ့လိၬၥၭလိၪဝ့ၫအကၠီၩ့ လၧၦအ လုထၪ့လၩ့ၥၭလဖၪ အဖၫ့ခိၪ ၥၫ့ဎွၩဖရၫ့စ့ၭ အဆၧၥီၫ့ဆၧၥၪ့ အီၪဝ့ၫ ဘဲၫယီၩၥိၭအဂဲး ယရၩလၩ့ဖ့ၪၥ့ၪယၫအ့ၪ ဘၪထၧၫ့ဖုဝဲထံၩၥိၭၥံၫလၧ ဆၧအဲၪဆၧကွံၩဎိၩဒိၪဖၧၩ့နီၪလီၫႉ

  •  

Add new comment

5 + 10 =