ၦလၧမွဲဝ့ၫ ကၭၥလ့ၭ တီၩလီၩ့ဖိၪလဂၩအဂဲး

ဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ၦလၧမွဲဝ့ၫ ကၭၥလ့ၬ တီၩလီၩ့ဖိၪလဂၩအဂဲး အကၠီၩ့နီၪလီၫႉ အဲၪကွံၩဘၪထၧၫ့ဖုဝဲ ထံၩၥိၭထီးအလူၬၥံၪဧ့ႇ ၥၫ့ဎွၩဖရၫ့စ့ၭ လီၩထၬဆၧ ဆၧလမံၩ့နီၪ ယမွဲလီၩထဲၩ့အ့ၪဘၪနၥံၪနီၪလီၫႉ ၦၡၩလဂၩဂၩနီၪ အ့ၪမွဲလီၩလၩ့အၥၭလၧ ယကမၩဆၧအဂ့ၩအဂး မွဲဝ့ၫယၩယီၩ ၦၡၩအဂ့ၩလဂၩနီၪလီၫႉ ဆၧဒဲၩဘၭ ဎိၩဒိၪနးဆ့ ယလမၩဖျီးလၨၪဘၪနီၪလီၫႉ ၦၡၩလီၩထဲၩ့ဆၧ ဘဲၫၥိၭလဂၩနီၪ စီၪလၩ့အၥၭလၧ ၦလၧဆၧလၧၫ့ဆၧဎွ့ၩအီၪ ၦၡၩလဂၩနီၪလီၫႉ ဆၧဆီၫ့ဆၧမၬဆၧယီၩ ဖၧၩ့ၥၭအဂ့ၩလဘီၩ့ လမွဲဘၪနီၪလီၫႉ
ဆၧလၧဆၧမၩ အကၠီၪ့အဖျီၩ့ယီၩ မွဲဝ့ၫၦၡၩလၧ ဆၧဘၪလိၬဎွ့ၩဎီၩ့အီၪႇ ဆၧတီၩဆၧလီၩ့အီၪလဂၩ ပလီၩဝ့ၫ လန့ဘၪနီၪလီၫႉ ဆၧအယီၩနီၪ မွဲဝ့ၫလၧ ဆၧၥၭထၪ့ထီၫ အဆၧမၩနီၪအကၠီၩ့ လမွဲဘၪ ကၭၥလ့ၬအကၠီၪ့အဖျီၩ့ လၩ့ထံၭလၩ့ဆ့ၭဂီၩ့ လကၭဒံၭဘၪ ဆၧလၩ့ထံၭလၩ့ဆ့ၭ လမွဲဘၪ ကၭၥလ့ၬဖိၪနးဆ့ ကဲၪထၪ့ကၭၥလ့ၬ ဆံၫ့ဖျ့ၪ ဂ့ၩဒိၪဖိၪလဂၩ လၥ့ၪဘၪနီၪအကၠီၩ့ ၥၫ့ဎွၩဖရၫ့စ့ၭ အဆၧလီၩဖျီၪထၪ့ အီၪဝ့ၫဒၪ ဘဲၫယီၩၥိၭနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭ ထီးအလူၬၥံၪဧ့ႇ ၦလၧမွဲဝ့ၫ ကၭၥလ့ၬ တီၩလီၩ့ဖိၪလဂၩနီၪ အဲၪဒိၭ ထိးဆၧၫ့ ဒိၭန့ဘၪ ကဆါဎြံၬလၧ အၥၭခံဖၧၩ့ဂီၩ့ လၧဆၧလဖၪၥံၪနီၪအဖၧၩ့ အၥၭထၧၫ့ဖျိၪ့ယၫ အၪ့လဲၪထၪ့အၥၭဂီၩ့ လၧဆၧအၪ့လဲၪထၪ့ၥၭနီၪအဖၧၩ့ အီၪၥၭမၧၫ့ဝ့ၫ မွဲဝ့ၫၦၡၩနီၪလီၫႉ
လၧခံၫ့ခၫဆၧၫ့ထီ မုကနံၩယီၩ ၥၫ့ဎွၩဖရၫ့စ့ၭ အၪ့စၪ့ထၬပဝ့ၫၥံၪ ထီးအလူၬ ဘဲၫယီၩၥိၭနီၪလီၫႉ
- ပနၫ့ဆါဒၪပဝ့ၫအဂး ကဆါဎြံၬနီၪ ကဲၪဝ့ၫၦၡၩ ဘဲၫၥ့ၪလဲၪႉ
- ပအီၪက့ၪထၬ ကဆါဎြံၬလၧ ပၥၭခံဖၧၩ့ယူၬဂၩႉ
- အ့ၪလမွဲဘၪ ကဆါဎြံၬ အီၪလၧပၥၭခံဖၧၩ့ လန့ဘၪအဂး ပစဲၪ့ဖီၩ့ခွံၬပၥၭဂၩႉ
- ပနၫ့ဆါဒၪပဝ့ၫ ကဆါဎြံၬ အဆၧအၪ့လဲၪထၪ့အၥၭ ကအီၪလၧပဂး ပထိးအၪ့လဲၪထၪ့ ပၥၭဂၩႉ
- အ့ၪလမွဲဘၪ ကဆါဎြံၬယီၩ မွဲဝ့ၫဒၪဘဲၫ ဆၧၥီၫ့ဆၧၥၪ့ ဆၧမၩလိၪဒဲ ကဲၪထၪ့ယံၩယၭ ဆၧဆီၫ့မီၪ့ဆီၫ့မၬ ဆၧလမံၩ့လၧၫ့ဂၩႉ
မုကနံၩယီၩ ၥၫ့ဎွၩဖရၫ့စ့ၭ အၪ့စၪ့ပဝ့ၫၥံၪယူၬနီၪလီၫႉ မွဲဆၧနီၪ ပဆၧၥၭမၧၫ့မုကိၭနံၩဒ့ၭဖၧၩ့ ပကအီၪၥၭမၧၫ့လၧ ဆၧထုၪ့ၥုၪ့ထုၪ့ၥၭဖၧၩ့ဂီၩ့ ပကအၪ့စၪ့လၩ့ပၥၭလၧ ဆၧအၪ့စၪ့လဖၪၥံၪယီၩလါဆံၭႉ အဲၪကွံၩဘၪထၧၫ့ဖုဝဲ ထံၩၥိၭထီးအလူၬ မွဲနၥံၪ အီၪၥၭမၧၫ့ၥ့ၪဝ့ၫဒၪ ဘဲၫကၭၥလ့ၬ တီၩလီၩ့ဖိၪလဂၩၥိၭလါဆံၭႉ