ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ ဘၪထွ့ၫလၧ မိမိမၫရံၫ အဆၧဆၫ့လၩ့ၥုၪ့ဆၫ့လၩ့ၥၭအဂဲး

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪနီၪ မွဲဝ့ၫဒၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ ဘၪထွ့ၫလၧ မိမိမၫရံၫ အဆၧဆၫ့လၩ့ၥုၪ့ဆၫ့လၩ့ၥၭအဂဲး အကၠီၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မိမိမၫရံၫ အဆၧၥၭမၧၫ့ဖၧၩ့ ပကယိထဲၩ့စွါဘဲၫ ဆၧဆၫ့လၩ့ၥုၪ့ဆၫ့လၩ့ၥၭအကၠီၩ့ ဆၧကိၭမံၩ့ကိၭဆံၩ့ဒ့ၭနီၪ န့ထၪ့ဝ့ၫဒၪလၧ ကဆါယွၩအီၪအကၠီၩ့ ၥ့ၪယၫဝ့ၫနီၪလီၫႉ မွဲဆၧနီၪ အဝ့ၫယီၩ လၧဆၧပျီၩဖျ့ၭဖၧၩ့ ဖ့ၪဆၫ့လၩ့ၥၭလၧ ကဆါယွၩဒဲ ၦဂူၫဂၩၥံၪအဂး လူၬလူၬဆံၫ့ဆံၫ့နီၪလီၫႉ မိမိမၫရံၫယီၩ ယိလၩ့ဒၪန့ၫ အဝ့ၫအဂးအ့ၬနီၪလီၫႉ ဆၧလၧဆၧဆၫ့လၩ့ၥုၪ့ဆၫ့လၩ့ၥၭနီၪ မွဲဝ့ၫဒၪ ပယိလၩ့ဒၪန့ၫ ပဂးအ့ၬဂီၩ့ မွဲဝ့ၫလၧ ပယိထၪ့ ကဆါယွၩဒဲ ၦဂူၫဂၩၥံၪအဂးနီၪလီၫအကၠီၩ့ ၥၫ့ဎွၩဖရၫ့စ့ၭ ၥီၪ့ၥၫ့ထၬဝ့ၫ အီၪဝ့ၫဒၪ ဘဲၫယီၩၥိၭနီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ လၧပဆၧၥၭမၧၫ့ဖၧၩ့နးဆ့ၭ ပဆူနဲၩဒိၭနဲၩ့ၥၭလၧ ဆၧထီးအလူၬအဖၫ့ခိၪ မၩဝ့ၫကဲၪထၪ့ ကဆါယွၩအီၪဂီၩ့ ပကဘၪဖ့ၪဆၫ့လၩ့ထၬႇ ပကဘၪလုထၪ့ထၬ ဆၧၥၭမၧၫ့လၧ အဝ့ၫဒၪအီၪနီၪလီၫႉ ၦဂူၫဂၩ အဆၧထၪ့ထီၫႇ ဆၧအခိးအတၩလဖၪ ကဂုထၪ့အၪထၪ့အဂးနီၪ လၧဆၧဆၫ့လၩ့ၥုၪ့ဆၫ့လၩ့ၥၭအဖၧၩ့ ပကဘၪ ကျ့ၭစၨၭမၩဆၧၩ့ဝ့ၫ အၪနဲၪ့န့ ပအလိၪလဖၪၥံၪနီၪလီၫႉ မွဲဆၧနီၪ ပကဘၪ အၪ့န့ထၪ့ ဆၧဒီၩ့ဆၧထ့ၭလၧ မိမိမၫရံၫ အဆၧဆူနဲၩႇ ဆၫ့လၩ့ၥုၪ့ဆၫ့လၩ့ၥၭဒဲ အပၩရမံၫလဖၪၥံၪနီၪႉ ဆၧဆၫ့လၩ့ၥုၪ့ဆၫ့လၩ့ၥၭ ပၩရမံၫအယီၩ ပလီၩမၩဖိၬထွ့ၫ မုကိၭနံၩဂီၩ့ ပအီၪၥၭမၧၫ့လၧ ဆၧဖ့ၪဆၧၫ့လၩ့ၥၭ အဆၧမၩတၭ မွဲကဆါယွၩ အဆၧလၩဆၧဖၩ့ ကဎိၩထၪ့ဒိၪထၪ့အဂး ပကမၩကၠၭလါဆံၭႉ အဲၪကွံၩဘၪထၧၫ့ဖုဝဲထံၩၥိၭထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧဆိၪဂ့ၩဆိၪဘွၩလါဆံၭႉ