၂၀၂၄နံၪ့နီၪ ၥၫ့ဎွၩဖရၫ့စ့ၭ ကဘိၭဘၪၥ့ၪယၫထၪ့လၧ ဆၧအၪ့ကံၩ့ဘၩဆိၪဖၪဆၧအနံၪ့ အဂဲး

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဘၪထွ့ၫလၧဆၧအဂဲးအယီၩနီၪ ၥၫ့ဎွၩဖရၫ့စ့ၭ ဘိၭဘၪၥ့ၪယၫထၪ့လၧ လၩနိၫဝံၩဘၧၫ ၁၁ၥၫ့ႇ အဝ့ၫဒၪဎိၭလၩ့လိၬၥၭလၧ ၥၫ့မုၥၫ့ခၫလဖၪ အခံၫ့နီၪလီၫႉ ဆၧဘၩဆိၪဖၪအနံၪ့ ထၧၫ့နံၪ့ယၫဖၧၩ့ ပကဘၪမၩကၠၭဝ့ၫဘဲၫၥ့ၪလဲၪအဂးနီၪ ကထုၬထၪ့အၪ့နၩ့လၩ့ ကၠီၪ့ဖျီၩ့ လံၬစီၩ့နီၪလီၫႉ  ဘဲၫယီၩအၥိၭနံၪ့ ၂၀၂၄နံၪ့အထးဖၧၩ့ ပကအီၪက့ၩတဲၩ့ဝဲၩဆိၫထၬပၥၭ လၧဆၧဘၩဆိၪဖၪဖၧၩ့မၬ နံၪ့၂၀၂၅နံၪ့ကိ ပမၩလၩမၩဖၩ့ ယူၩဘလံၫဖၭဒိၪ ကန့ဝ့ၫဒၪ ဂ့ၩဂ့ၩဘၪဘၪအကၠီၩ့ ၥၫ့ဎွၩဖရၫ့စ့ၭ လီၩထၬဝ့ၫဒံၭနီၪလီၫႉ လကၭဒံၭဘၪ ၥၫ့ဎွၩဖရၫ့စ့ၭ ဆၫ့ထွ့ၪဘၪ ဆၧအီၪကီၪ့ ၦမုၪၦခွၫလဖၪ ကိၭနံၩဒ့ၭ လၧဆၧၥုၪ့ဎွံၪၥၭယီၫအဖၧၩ့ ကဖ့ၪဆၧၫ့ လၩ့ၥၭအဂးႇ ဂီၩ့နီၪ ကိၭနံၩဒ့ၭ ကအၪ့ဎၬလၩ့ထဲၩ့ၥၭဒဲ ကအီၪက့ၪ ၥၫ့ထၪ့ထဲၩ့အၥၭအဂးနီၪလီၫႉ ၥၫ့ဎွၩဖရၫ့စ့ၭ လီၩထၬဝ့ၫဒၪနီၪ ဆၧဘၩဆိၪဖၪလၧ အအီၪဂဲၫလၧပၥၭခံဖၧၩ့နီၪ လမွဲဘၪခိၭ ထိၪရွံဂၪ့ကိၭအၥိၭအ့ၬနီၪလီၫႉ ဘၪန့လဲၪနီၪစွါဘဲၫ မွဲအီၪဂဲၫဝ့ၫဒၪလၧ ပၥၭခံဖၧၩ့အကၠီၩ့နီၪလီၫႉ ဆၧနီၪအကၠီၩ့ မွဲနၥံၪအၪ့ကံၩ့ဘၩဆိၪဖၪဆၧန့ဒၪဝ့ၫ လၧဆၧချဲၩ့ဖျိၪ့ အအီၪဂဲၫလၧ နၥံၪအၥၭလၬဖၧၩ့အကၠီၩ့ ၥၫ့ဎွၩဖရၫ့စ့ၭ အဆၧလီၩဖျီၪထၪ့ အီၪဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪ ထၨၪယီၩနီၪလီၫႉ အဲၪကွံၩဘၪထၧၫ့ဖုဝဲ ထံၩၥိၭထီးအလူၬႇ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧဆိၪဂ့ၩဆိၪဘွၩလါဆံၭႉ