အီၪတဲၩ့ဝဲၩကဆါဎြံၬကဂဲၫလၩ့အခံၫ့အဆၧၫ့အထီ ပကဘၪယိထွ့ၫမၩဆၧၩ့ ၦဂူၫဂၩၥံၪအဂဲး

ဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ အီၪတဲၩ့ဝဲၩကဆါဎြံၬကဂဲၫလၩ့အခံၫ့အဆၧၫ့အထီ ပကဘၪယိထွ့ၫမၩဆၧၩ့ ၦဂူၫဂၩၥံၪအဂဲး အကၠီၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါဎြံၬအီၪဖျဲၪမုနံၩအဂး အီၪတဲၩ့ဝဲၩအခံၫ့ယီၩ မၩနၪ့ထၪ့အ့ၪပၧၩ ပကဘၪအီၪၥၭမၧၫ့ မုကိၭနံၩ လၧဆၧထုၪ့ၥုၪ့ထုၪ့ၥၭ ကိၭကၠၪဒ့ၭအဂးနီၪလီၫႉ လၧပၥၭခံ အတရၫ့ ၦအဂဲၫဒိၪထိၬ မွဲဝ့ၫလၧ ဂဲးဆါဘၭဆါ ၦၡၩလဖၪၥံၪနီၪ ပကယိထွ့ၫမၩဆၧၩ့ အဝ့ၫၥံၪဂီၩ့ ကဆါဎြံၬကဂဲၫလၩ့အခံၫ့နီၪ ပကအီၪခိၭယိလါလါဆံၭႉ လၧဆၧဆၫ့လၩ့ၥုၪ့ဆၫ့လၩ့ၥၭဖၧၩ့ ၦအလိၪဆၧမၩဆၧၩ့ လဖၪၥံၪနီၪ ပကဖ့ၪအ့ၪအခံၫ့ ဂ့ၩဂ့ၩဘၪဘၪႇ ပကဖ့ၪအ့ၪ ဆၧမၩဆၧၩ့အကၠီၩ့ မွဲပကအီၪလၧ ဆၧထုၪ့ၥုၪ့ထုၪ့ၥၭဖၧၩ့ကန့အဂး ပကဘၪအၪ့က့ၩဘၩဆိၪဖၪလၧ ကဆါဎြံၬအီၪအကၠီၩ့ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ အီၪဝ့ၫဘဲၫယီၩၥိၭနီၪလီၫႉ

ထၧၫ့ဖုဝဲထံၩၥိၭထီးအလူၬၥံၪဧ့ႇ ပဘၪဒၪၦအလိၪဆၧမၩဆၧၩ့ လဖၪၥံၪႇ ပဘၪဒၪ ဆၧမၩနၧၩ့ဆၧ လတီၩလဘၪၥံၪကကၠၪ ဆၧထုၪ့ၥုၪ့ထုၪ့ၥၭဖၧၩ့ ပမၩဆၧၫ့ လီၩပျၩ့ထၪ့အဂး လၧပၥၭခံဖၧၩ့ ဂဲၫကဲၪထၪ့ဘိၩ့ယီၩနီၪလီၫႉ ဘဲၫဆၧအထၧးအလၧးယီၩ ၦအလိၪဆၧမၩဆၧၩ့ လဖၪၥံၪဒဲ ၦဘၪထိးမၩနၧၩ့မၩစၪ လဖၪၥံၪနီၪ မွဲဝ့ၫဒၪ ဂဲၫဒိၪထိၬပၥၭခံအတရၫ့နီၪလီၫႉ မွဲဆၧနီၪ အီၪတဲၩ့ဝဲၩ ကဆါဎြံၬဂဲၫလၩ့ ခံၫ့ခၫဆၧၫ့ထီယီၩ ပၧၩနးဆ့ လကၭဒံၭဘၪ ပနဲၩ့ပဎီၩ့ၦၡၩၥံၪနးဆ့ ဆၧထုၪ့ၥုၪ့ထုၪ့ၥၭဖၧၩ့ ပယိထွ့ၫမၩဆၧၩ့ ကန့အဂး ပကကျ့ၭစၨၭလါဆံၭႉ အဲၪကွံၩဘၪ ထၧၫ့ဖုဝဲထံၩၥိၭထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩလါဆံၭႉ