လၩဒံၫစဲၩ့ဘၧၫအဂး ၥၫ့ဎွၩဖရၫ့စ့ၭ အဆၧဘၩဆိၪဖၪ မွဲဝ့ၫဒၪ ၦလၧမိၡါလလၧၫ့ဎွ့ၩဘၪၥံၪအဂးအဂဲး

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ လၩဒံၫစဲၩ့ဘၧၫအဂး ၥၫ့ဎွၩဖရၫ့စ့ၭ အဆၧဘၩဆိၪဖၪ မွဲဝ့ၫဒၪ ၦလၧမိၡါလလၧၫ့ဎွ့ၩဘၪၥံၪအဂးအဂဲး အကၠီၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၦလၧမိၡါလလၧၫ့ဎွ့ၩဘၪၥံၪနီၪ ပဝ့ၫၥံၪအကျၩ အဂဲးဆါဘၭဆါႇ အဘၪထံၭဘၪနဲၪ့အယီၫထုၬ မွဲဝ့ၫဒၪအကၠီၩ့ ၥၫ့ဎွၩဖရၫ့စ့ၭ ဘိၭဘၪၥ့ၪယၫထၪ့ဝ့ၫလၧ လၩနိၫဝ့ၩ့ဘၧၫ ၂၈ၥၫ့အိၩနီၪလီၫႉ ၦၡၩၥံၪနီၪ အဝံဆဲၩလၩ့ၥၭလၧ အီၪပဲၩခွံၬၦဂူၫဂၩ အဆၧမၩႇ မ့ၬလဲၩၥၭဂဲၫ့ အဆၧမၩအကၠီၩ့ ၦၡၩလနၩ့နၩ့နီၪ ဘၪထိးအီၪပဲၩထၬၥၭႇ ဘၪထိးခွံၬၡိၬထၬၥၭနီၪအကၠီၩ့ ၥၫ့ဎွၩဖရၫ့စ့ၭ လီၩထၬဝ့ၫ အီၪဝ့ၫဒၪ ဘဲၫယီၩၥိၭနီၪလီၫႉ မွဲဆၧနီၪ ၥၫ့ဎွၩဖရၫ့စ့ၭ ဆၪ့ထွ့ၫထၬ ၡၩခရၧၫ့ၥံၪနီၪ ၦလၧမိၡါလလၧၫ့ဎွ့ၩဘၪၥံၪအဂး ဆၧကိၪ့ဘၪကိၪ့ၥ့ၪႇ ဆၧဖံၭဆၧမၩ အခွးအယါ ကန့ဝ့ၫဒၪအဂးဒဲ အဝ့ၫၥံၪ အဆၧကိၪ့ဆၧတဲၩ့ ထုၭဖျီၪ့ထၪ့ဝ့ၫဒၪအလးႇ လၧဆၧအလးယီၩကဆၫ့ အဝ့ၫၥံၪအဆၧဖံၭဆၧမၩလဖၪ ကဘၪမၩဆၧၩ့ဝ့ၫဒၪအဂး ၥၫ့ဎွၩဖရၫ့စ့ၭ ဆၪ့ထွ့ၫထၬ ၡၩခရၧၫ့ၥံၪနီၪလီၫႉ ၦလၧမိၡါလလၧၫ့ဎွ့ၩဘၪလဖၪပၪထဲၩ့ဎုၬ အဆၧမၩ ကထၪ့ထီၫအဂး ဆၧထံၫလၩ့ဒီၪလၩ့လဖၪဒဲ ဆၧထၪ့ထီၫအဆၧမၩ ကဘၪစႇထၪ့ဝ့ၫအဂး လိၪဝ့ၫဒၪနီၪလီၫႉ လကၭဒံၭဘၪ လၧအဝ့ၫၥံၪကၠၧၫ့ကၠၧၫ့ ကဘၪပၪဎုၬအဂး ကဘၪအီၪက့ၪထၬၥုၪ့ၥၭ ကဖျိၪ့ဎးလီၫအဂး လိၪဝ့ၫဒၪ အၪမၬဒ့ၭနီၪအကၠီၩ့ ၥၫ့ဎွ့ၩဖရၫ့စ့ၭ လီၩထၬဝ့ၫဒံၭနီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၦၡၩၥံၪအၥုၪ့အၥၭ ကအၪ့လဲၩထၪ့ၥၭ ကဆံၭကခ့ၭအဂး မွဲလၧၡၩခရၧၫ့မွဲဂ့ၩႇ လၧဆၧအီၪကီၪ့ဖၧၩ့ လမီၪ့ဎီၩ့ဘၪ ဆၧၥ့ၪဆၧဘၪလဖၪ ပၧၩ့ထၬဝ့ၫဒၪ ၦလၧမိၡါလလၧၫ့ဎွ့ၩဘၪလဖၪဒဲ အဝ့ၫၥံၪ အဆၧၥ့ၪဆၧဘၪလဖၪ ပနၫ့ဆါဒၪပဝ့ၫၥံၪ ပကဘၪထိးဆၧၫ့အဂး ၥၫ့ဎွ့ၩဖရၫ့စ့ၭ အဆၧဆၪ့ထွ့ၫ အီၪဝ့ၫဒၪ ဘဲၫယီၩဆ့ၭနီၪလီၫႉ ၦလၧမိၡါလလၧၫ့ဎွ့ၩဘၪလဖၪနီၪ လၧၡၩခရၧၫ့အကျၩ ကန့ဘၪ ၥၭဆုးလီၩ့အၥၭ အရ့ၩဒိၪလိၪဝ့ၫဒၪအကၠီၩ့ႇ ၡၩခရၧၫ့ၥံၪနးဆ့ၭ ၦလၧမိၡါလလၧၫ့ဎွ့ၩဘၪၥံၪ ပၬဎုၬဆၧမၩ ၥုၪ့ဂဲးၥၭဂဲးလဖၪ မၩထၪ့ထီၫန့ဝ့ၫဒၪ ဆၧထံၫလၩ့ဒီၪလၩ့လဖၪ ဖ့ၪဝ့ၫဒၪကန့အဂး လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ လီၩဖျီၪ့ထၪ့ဝ့ၫဂီၩ့ အၪ့က့ၩဘၪဆိၪဖၪအ့ၪ အဝ့ၫၥံၪအဂးဆ့ၭနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ ဘၪထွ့ၪလၧ ၦလၧမိၡါလလၧၫ့ဎွ့ၩဘၪၥံၪအဂဲး ယရၩလၩ့န့အ့ၪဘၪနၥံၪ ထၨၪယီၩနီၪလီၫႉ ထၧၫ့ဖုဝဲထံၩၥိၭထီးအလူၬ မွဲကဆါယွၩ အဆၧဆိၪဂၩဆိၪဘွၩ လၧၫ့ဎွ့ၩဝ့ၫဒၪလၧ နၥံၪအဖၫ့ခိၪကိၭဒံၭကိၭဂၩလါဆံၭႉ