လၧထၧၫ့ဖုဝဲဆၧဘိၪ့ဆၧဘၪ အဂူၫဂၩၥံၪအဖၫ့ခိၪ ပကဘၪအီၪဂ့ၪထၬၥုၪ့လဲၥၭလဲအဂဲး

ထၧၫ့ဖုဝဲထံၩၥိၭထိးအလူၬၥံၪဧ့ႇ မုကနွံၫယီၩ ယအဲၪဒိၭရၩလၩ့န့အ့ၪဘၪ နၥံၪ ၥၫ့ဎွၩ ဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ၦဎြံၬဖီၪၥံၪယီၩ ပကဘၪအီၪလၧ ထၧၫ့ဖုဝဲ ဆၧဘိၪ့ဆၧဘၩ အဂူၫဂၩၥံၪ ၥုၪ့ၥၭလဲလဲအကၠီၩ့ နီၪလီၫႉ ၥၫ့ဎွၩဖရၫ့စ့ၭနီၪ ဘၪအၪ့န့ထၪ့အတၩဧလၫ့ဘဲၫကဆါယ့ၫၡူၬဎြံၬအလးၥိၭ ၦယူၬၥိၪအဂ့ၩလဂၩၥိၭအကၠီၩ့အဝ့ၫအဆၧအၪ့ကံၩ့ဘၩဆိၪဖၪလဖၪနီၪ လမွဲဘၪ ကၭၥလံၬဆၧအီၪကီၪ့အဂးလီၫဂီၩ့လၧဂၪ့ခိၪဖၧၩ့ၦၡၩၥံၪထီးအလူၬအဂး ဆၧဘိၪ့ဆၧဘၩမီၪ့ဎီၩ့မွဲဂ့ၩ လမီၪ့ဎီၩ့ဘၪမွဲဂ့ၩ ၦၡၩၥံၪထီးအလူၬအဂး မုကိၭနံၩဒ့ၭ မုကိၭနွ့ၫဒ့ၭ လၩကိၭဘံၪ့ဒ့ၭ အုကံၩ့ဘၩဆိၪဖၪအ့ၪလ့ၫဒၪနီၪလီၫႉ မွဲဆၧနီ ပဝ့ၫၥံၪနးဆ့ ပကဘၪအၪ့ကံၩ့ဘၩဆိွဖၪထဲၩ့အ့ၪၥၫ့ဎွၩအဂးလိၪဝ့ၫဒၪနီၪလီၫႉ

လၩ ဇၫ့နဝၫရံၫယီၩ ၥၫ့ဎွၩဖရၫ့စ့ၭ အီၪက့ၪထၬ ဆၧဘၩဆိၪဖၪနီၪ မွဲဝ့ၫဒၪ လၧၡၩခရၧၫ့ ဖၧၩ့မွဲဂ့ၩ ထံၫခးကခးဒဲ ကခးအကျၩမွဲဂ့ၩ ၦၡၩၥံၪ ကဂၩဒဲ ကဂၩ ပကဘၪအီၪယ့ၪထၬ ပၥၭဘဲၫ ထၧၫ့ဖုဝဲၥိၭအကၠီၩ့ အနီၪမၬယွၩကဖ့ၪအ့ၪပၧၩၥုၪ့ၥၭအီၪဘၪလိၬဎွ့ၩဎီၩ့န့ဝ့ၫဒၪ လၧ ထၧၫ့ဖုဝဲ ဆၧဘိၪ့ဆၧဘၩအဂူၫဂၩၥံၪအကၠီၩ့ ပဆၧဘိၪ့ဆၧဘၩလမီၪ့ဎီၩ့ဘၪလါနၫ့ ဆၧဘိၪ့ဆၧဘၩ ကမံၩ့ဒဲကမံၩ့ ကလၩ့ဖၭအဂး ဆၧတုၩ့ ထၪ့တုၩ့လၩ့ကကဲၪထၪ့အဂး ပလကြၨၭမၩကဂဲၪထၪ့ဘၪအကၠီၩ့ ပကဘၪဖ့ၪအ့ၪလိၬၥၭ ဆၧဘၩဆိၪဖၪ အကၠီၩ့ ဆၧဘိၪ့ဆၧဘၩမီၪ့ဎီၩ့ဘၪလၧပၧၩထၧၫ့ဖုဝဲၥံၪအဖၫ့ခိၪ ပအီၪက့ၪထၬၥုၪ့လဲၥၭလဲ ကန့အဂးပကဘၪအၪ့ကံၩ့ဘၩဆိၪဖၪအကၠီၩ့ ၥၫ့ဎၩဖရၫ့စ့ၭ အဆၧဆၪ့ထွ့ၪဆၧချဲၩ့အီၪဝ့ၫဒၪလၧ က့ၭၥၭလဲ ကန့အဂးပကဘၪ အၪ့ကံၩ့ဘၩဆိၪဖၪအကၠီၩ့ၥၫ့ဎွၩဖရၫ့စ့ၭအဆၧဆၪ့ထွ့ၪဆၧချဲၩ့အီၪဝ့ၫဒၪလၧ က့ၭၥလံၬ ဎြံၬဆၧဘိၪ့ဆၧဘၩဖိၪၥံၪအီၪနီၪလီၫႉ

ဒီၪနါခိၭနၪဆၧဂၩ့မၧၫ့လါဆံၭ