လၧဎီးၡၩအဆၧမၩဖၧၩ့ ပကဘၪနဲၪဖျီၪထၪ့ ၦထိးၥၭ လၧကဆါဎြံၬအီၪအဂဲး

လၧဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧႉ ႇ မုကနံၩယီၩ ယအဲၪဒိၭ ရၩလၩ့န့အ့ၪဘၪ နၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪနဲၪဖျီၪထၪ့ ကဆါဎြံၬ လၧပဆၧဖံၭဆၧမၩ ဎီးၡၩ အဆၧမၩဖၧၩ့ အဂဲးအကၠီၩ့နီၪလီၫႉ ပဎြံၬဖိၪ ၦၡၩလဖၪၥံၪယီၩ ဘဲၫၦဂူၫဂၩၥံၪ ကဒၪကဆါဎြံၬကန့ဝ့ၫအဂး ႇ ကထိးဆၧၫ့ ကဆါဎြံၬ ကန့ အဂး ပကဘၪဖ့ၪၥ့ၪယၫ နဲၪဖျီၪထၪ့အ့ၪနီၪ ပတၩလၫ့ မုၩဒၩ မွဲဝ့ၫဒၪနီၪလီၫႉ ပကၥ့ၪ ယၫကဆါဎြံၬအဂး ႇ ပကနၪၥ့ၪကဆါဎြံၬအဂးစွါဘဲၫ ပကဘၪယိထၪ့ထုၪ့စူၪယၫအ ကၠီၩ့ ၥၫ့ဎွၩ ဖရၫ့စ့ၭ လီၩဖျီၪထၪ့ဝ့ၫဒၪနီၪလီၫႉ

          ထုၪ့စူၪယၫနီၪ ဎြံၬဖိၪၥံၪအဂး မွဲဝ့ၫဆၧအလၩ့ဆၫ့လီၫႉ ၦၡၩၥံၪအၪဒၪဆၧနီၪ ဒၪကဆါဎြံၬလၧ ထုၪ့စူၪယၫဖၧၩ့အကၠီၩ့ ႇ ၦၡၩလၥ့ၪယၫဘၪ ဎြံၬဆၧဘၩဖိၪၥံၪ အီၪအ လး လါနၫ့ အ့ၪဒၪစူၪယၫထုၪ့စွါဘဲၫ ၥ့ၪယၫဝ့ၫဒၪလၧ ဎြံၬဖိၪၥံၪလီၫအကၠီၩ့ ႇ စူၪယၫထုၪ့ နီၪ အၪဒၪဆၧ ပကဒၪလၧ ၥရိၬလးဖၧၩ့ၥံၪ ႇ ဎြံၬဖိၪ အဂံၪ့ဖၧၩ့ၥံၪ ဒဲ ဎြံၬဖိၪၥံၪ လံၬထၬ ပကဒၪဘၪဝ့ၫအကၠီၩ့ ႇ ဘၪထွ့ၪလၧစူၪယၫထုၪ့အဂဲး အရ့ၩဒိၪထုၬနီၪ ကဘၪ မီၪ့ဎီၩ့ဝ့ၫဒၪဘဲၫ ဆၧၥၭထိၬအပရၧၫ့ၥိၭဂီၩ့ ကဘၪနဲၪဖျီၪထၪ့ ဆၧအဲၪဆၧကွံၩ ႇ ဆၧလု ထၪ့ဖ့ၪ လၫ့လၩ့ၥၭ အဆၧမၩမွဲဝ့ၫ “ ဆၧၥၭမၧၫ့အမု” ၥိၭအကၠီၩ့ ၥၫ့ဎွၩဖရၫ့စ့ၭ ၥီၪ့ၥၫ့ထၬ အီၪဝ့ၫ ဘဲၫယီၩၥိၭနီၪလီၫႉ

          ထီဘဲၫယီၩၦၡၩလဖၪၥံၪနီၪ အဲၪဒိၭၥ့ၪယၫ ကဆါဎြံၬ အၪထၪ့ဝ့ၫတၭ ဎြံၬဖိၪၥံၪနီၪ ကဘၪနဲၪဖျီၪထၪ့ အ့ၪဝ့ၫလၧ အဆၧဖံၭဆၧမၩဖၧၩ့နီၪလီၫႉ ပကဲၪဎြံၬဖိၪၥံၪနီၪ ပကဘၪနဲၪ ဖျီၪထၪ့လၧ ပဆၧချဲၩ့ဖၧၩ့လီၫ လမွဲ ဘၪ ဂီၩ့ လၧပဆၧၥၭမၧၫ့ဖၧၩ့ ႇ ပဆၧဖံၭဆၧမၩဖၧၩ့ ပကဘၪနဲၪဖျီၪထၪ့အဂး  ပဘၪထိးကိၭဖံၭၥိၭ ထၬပၥၭ မွဲဝ့ၫအကၠီၩ့ ၥၫ့ဎွၩဖရၫ့စ့ၭ ၥီၪ့ၥၫ့ ထၬ အီၪဝ့ၫ နီၪလီၫႉ

          ဆၧကၪဆၧဂဲၩ အီၪဝ့ၫဒၪ ႇ ဆၧမၩနၧၩ့မၩစၪဆၧ အီၪဝ့ၫဒၪလါနၫ့ လၧယွၩအခိးအ တၩဖၧၩ့ ပဂုးထၪ့ အၪထၪ့ န့ဝ့ၫဒၪနီၪလီၫႉ ပဝ့ၫၥံၪယီၩ ဘဲၫကဆါဎြံၬ အီၪၥၭမၧၫ့ဖ့ၪနဲၪ ထၬပၧၩၥိၭ ဆၧအဲၪဆၧကွံၩ ႇ ဆၧယၫ့ ၥုၪ့ယၫ့ အဆၧမၩ ပကဘၪ အီၪၥၭမၧၫ့နီၪလီၫႉ ကဆါဎြံၬအဆၧအဲၪနီၪ  မွဲဝ့ၫဆၧဖၩ့တၭ အဝ့ၫအဆၧဖၩ့ယီၩ ၦၡၩၥံၪ ကဒၪအဝ့ၫအဂး မွဲဝ့ၫအကၠီၩ့ လၧပဆၧဖံၭဆၧမၩဖၧၩ့ ပကဘၪနဲၪဖျီၪထၪ့ ကဆါဎြံၬ ဘဲၫၥ့ၪလဲၪ အဂဲး ယရၩလၩ့ဖ့ၪၥ့ၪယၫအ့ၪဘၪနၥံၪ လၧဆၧအဲၪဆၧကွံၩဎိၩဒိၪဖၧၩ့နီၪလီၫႉ

Add new comment

2 + 9 =