လီၩ့ဎွါကဆါဎြံၬလၧ နဆၧၥၭမၧၫ့ဖၧၩ့ ကိၭအဆၧၫ့ကိၭအထီလါဆံၭ

လၧဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧႉႇ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ၦဎြံၬဖိၪၥံၪနီၪ ပကဘၪ လီၩ့ဎွါကဆါဎြံၬလၧ ၦဆၧၥၭမၧၫ့ ကိၭအဆၧၫ့ ကိၭအထီဖၧၩ့ အကၠီၩ့နီၪလီၫႉ လၧလံၬဆံၫ့ ဎံၪ မၫကၧၭ ( 4:35-41) ဖၧၩ့ ဘၪဆၧကွ့ၭထၪ့ထၬဝ့ၫ ကဆါဎြံၬ ဒုၭအီၪ ဂုးထၪ့ထဲၩ့ လံၩမုလဖုၬလၧ ပၪ့လဲၪဖၧၩ့အဂဲးနီၪလီၫႉ ကဆါဎြံၬဒဲအထံၩအဖျဲၥံၪ လ့ၩခၪ့ဂၬၡီၩ့လၧ ဝါလခီၫ့အခံၫ့ လံၩမုလဖုၬဖၭဒိၪ ဘၪဝ့ၫတၭ အဝ့ၫၥံၪဆၧၥၭမဲၪၥၭဖျဲၩကဲၪထၪ့ဝ့ၫဂီၩ့ ကိၭဂဲထုၪ့ကဆါဎြံၬ ကဆါဎြံၬ မၩဂုးထၪ့ထဲၩ့ အ့ၪအဝ့ၫၥံၪ လံၩမုလဖုၬနီၪလီၫႉ

          ၦဎြံၬဖိၪၥံၪကိၭဂၩ အဆၧၥၭမၧၫ့ဖၧၩ့နးဆ့ ဆၧကၪဆၧဂဲၩ မီၪ့ဎီၩ့ဒၪဝ့ၫလၧ လံၩမုလဖုၬယီၩ အီၪဝ့ၫဒၪနီၪလီၫႉ အခံၫ့အနီစွါ ဘဲၫ ပအၪ့စံၭအၪ့စၪ့ ကဆါဎြံၬၥ့ၪဝ့ၫဒၪ ဆၧချဲၩ့ “ကဆါဧႉႇလၧယဆၧကၪဆၧဂဲၩၥံၪယီၩ အဖၫ့ခိၪ နယိလၩ့ခွါလၩ့ယၧၩအ့ၬနီၪ ဘၪနီလဲၪ” ပအၪ့စၪ့ၥ့ၪဝ့ၫဒၪ ဘဲၫယီၩၥိၭနီၪလီၫႉ ဆၧအဲၪဆၧကွံၩၥံၪအဂဲးမွဲဂ့ၩႇ ပအီၪ က့ၪထၬ ပဆၧယိလါအီၪဝ့ၫဒၪ အဎိၩဒိၪအဖၫ့ခိၪ လၩ့မါခွံၬအခံၫ့မွဲဂ့ၩ ႇ ပၥုၪ့ခိၥၭဂီၩကဲၪ ထၪ့အခံၫ့မွဲဂ့ၩ ႇ ပဆၧဖံၭ ဆၧမၩၥံၪ လအီၪလၧၩ့ ဘၪဂီၩ့ ပဆုးလ့ၩအမ့ၬယၫ လန့လၧၩ့ ဘၪအခံၫ့မွဲဂ့ၩ ႇ ဆၧစူၭဆၧဆၫ ဘၪပၧၩအခံၫ့မွဲဂ့ၩ ဆၧအခံၫ့လဖၪၥံၪယီၩ ပစံၭလၩ့ပၥၭ ပ ဘၪအီၪလၧ လံၩမုလဖုၬ ဖၧၩ့နီၪလီၫႉ

          အဲၪကွံၩ ဘၪထၧၫ့ဖုဝဲထံၩၥိၭၥံၪဧႉႇ အ့ၪပ ဘၪဒၪခီၩ့လၧ ဆၧလဖၪၥံၪယီၩအခံၫ့စွါ ဘဲၫ ပဝ့ၫၥံၪယီၩ ပမီၪ့ဎီၩ့ ဝ့ၫဒၪလၧ ကဆါဎြံၬအထံၩအဖျဲ ဘၪဒၪခီၩ့ဆၧၫ့ယၫ လံၩမုလ ဖုၬအခံၫ့ၥိၭနီၪလီၫႉ လံၩမုလဖုၬလၩ့အခံၫ့ ကဆါ ဎြံၬနီၪ မံၫမၪဝ့ၫလၧချံၫဖၧၩ့လါနၫ့ လၧချံၫဖၧၩ့နီၪ အဝ့ၫအီၪအကၠီၩ့ အထံၩအဖျဲၥံၪ လ့ၩကိၭၡါထၪ့အလူလၧ အဝ့ၫအီၪ အခၫ အဝ့ၫဖ့ၪအ့ၪဆၧမၩဆၧၩ့ လဖၪၥံၪနီၪ ကဲၪထၪ့ဝ့ၫဒၪ ဆၧအလၩ့ဆၫ့ အဎိၩဒိၪထုၬနီၪလီၫႉ ပဝ့ၫၥံၪနးဆ့ တခၩ ဒၪ ကမွဲ ပဆၧကၪဆၧဂဲၩနး မံၩ့နီၪ ပက ဘၪကိၭၡါထၪ့အဝ့ၫ ႇ ပက ဘၪအီၪဆုးကျိၭလိၬၥၭလၧအဝ့ၫ ႇ ပက ဘၪကိၭဖံၭၥိၭအဝ့ၫ ႇ ပက ဘၪအီၪက့ၪထၬ အဝ့ၫလၧ ပဆူၭပကျၩတၡါဒ့ၭနီၪလီၫႉ လံၩမုလဖုၬအကျၩ ချံၫဖၧၩ့ ကဆါဎြံၬမံၫမၪနီၪ အထံၩအဖျဲ ၥံၪအဂး ကဲၪထၪ့ဝ့ၫဆၧဂဲၩဝၭ နီၪလီၫႉ ဘၪနီၪလဲၪစွါ ဘဲၫ ပကဒိၭနဲၩပၥၭ ဒၪလၧ ပဂဲးပဘၭဖၧၩ့လီၫစွါ ဘဲၫဆၧလၧၫ့ ဆၧဎွ့ၩ လအီၪ ဘၪအကၠီၩ့ နီၪလီၫႉ

          မွဲဆၧနီၪ ထၧၫ့ဖုဝဲထံၩၥိၭထီးအလူၬၥံၪဧႉႇ ပဆၧကၪဆၧဂဲၩၥံၪမွဲဂ့ၩႇ ပဂံၪ့ဒီၪ့ အဆၧကၪဆၧဂဲၩၥံၪမွဲဂ့ၩ ႇ ပနး ၥၭ အဆၧကၪဆၧဂဲၩၥံၪမွဲဂ့ၩ ႇ ဆၧလဖၪၥံၪ ထီးအလူၬ ယီၩနီၪ ပက ဘၪကိၭၡါ ထၪ့ ကဆါဎြံၬ ႇ ပက ဘၪလီၩဖ့ၪ ၥ့ၪယၫအ့ၪအဝ့ၫ ႇ ပက ဘၪဒိၭနဲၩ့ပၥၭလၧ အဝ့ၫအီၪ ႇ ပက ဘၪအၪ့ကံၩ့ ဆၧယၫ့ၥုၪ့ယၫ့ၥၭလၧ အဝ့ၫအီၪအကၠီၩ့ နီၪလီၫႉ ပက ဘၪအီၪက့ၪထၬပၥၭ ဆုးလၩ့ ၥၭလၧ ကဆါဎြံၬအီၪလီၫႉ ပၥၭဆုးလၩ့နီၪ ပက ဘၪအီၪက့ၪထၬလၧ ပဆၧကၪဆၧဂဲၩအဖၫ့ခိၪဖၧၩ့မွဲအ့ၬႉ ဆၧလၧ ဆၧၥၭမဲၪၥၭဖျဲၩ နီၪ ၥိၪ့ပၧၩလၧ ဆၧကၪဆၧဂဲၩအီၪလီၫႉ ပဝ့ၫၦၡၩ လဖၪၥံၪယီၩ အၪဒၪဆၧ ပအီၪက့ၪပဲၩ ထၬ   ကဆါဎြံၬဂီၩ့ ပထိးၡၪ့ ထိးနၭပၥၭလၧ ပဆၧကၪဆၧဂဲၩ ဖၧၩ့နီၪလီၫႉ မွဲၬ ဘဲၫယီၩ ၥိၭအ့ၬ ႉ ပက ဘၪအၪ့ကံၩ့ ဆၧဆူဆၧနဲၩလၧ ကဆါဎြံၬ အီၪဂီၩ့ ပက ဘၪ လီၩ့ဎွါ ကဆါဎြံၬ လၧ ပဆၧၥၭမၧၫ့ ကိၭအဆၧၫ့ကိၭအထီဖၧၩ့ အကၠီၩ့ ယရၩလၩ့အ့ၪ ဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့လၧ ဆၧအဲၪဆၧကွံၩဎိၩဒိၪဖၧၩ့ ဘဲၫယီၩၥိၭနီၪလီၫႉ