Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ပၥုၪ့လၩ့ဆါၥၭလၩ့ဆါ ကဲၪထၪ့အခံၫ့ ပကဘၪဒိၭနဲၩ့ၥၭလၧ ကဆါဎြံၬအီၪအဂဲး
ဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ပၥုၪ့လၩ့ဆါၥၭလၩ့ဆါ ကဲၪထၪ့အခံၫ့ ပကဘၪဒိၭနဲၩ့ၥၭလၧ ကဆါဎြံၬအီၪအဂဲး အကၠီၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပနးၥၭဂဲးဘၭ လၩ့ဆါနီၪ ၥၭမဲၪလဂ့ၩႉ ဒၪဆၧၫ့ယၫခွံၬလၧ ဆၧၥုၪ့ဆုးလၩ့ၥၭဆုးလၩ့ဖၧၩ့နီၪလီၫႉ စဲၪ့ထၪ့ခွံၬလၧ ဆၧလဖၪၥံၪနီၪလဂ့ၩႉ ပနးၥၭဂဲးဘၭဂဲၫလၩ့ဆါအခံၫ့ ကဆါဎြံၬ အၥၭဆံၫ့ဎံၪနီၪ မွဲပလီၩ့ဎွၬထၪ့ကန့အဂး ပကဘၪကျ့ၭစၨၭနီၪလီၫႉ ပလီၩ့ဎွါထၪ့ ဘဲၫနီၪၥိၭကကၠၪ မွဲပကန့ဘၪ ဆၧစံၭဆၧၫ့လၧ ကဆါဎြံၬအီၪ ကိၭကၠၪဒ့ၭနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧကၪဆၧဂဲၩဒဲ ဆၧမၩထံၬထၬဆၧလဖၪနီၪ ပဘၪဒၪဆၧၫ့ယၫအခံၫ့ ပကဘၪအီၪက့ၪထၬပၥၭ ၥုၪ့လၩ့ဆါၥၭလၩ့ဆါ လအီၪဘၪဂီၩ့ ပကဘၪခၪ့ဂၬထိးဆၧၫ့ခွံၬလၧ ဆၧၥုၪ့ဆီၪ့ၥၭဆီၪ့ဖၧၩ့နီၪလီၫႉ ကဆါဎြံၬအခိးအတၩနီၪ ဆၧမၩဆၧၩ့ပဂး ကအီၪကိၭကၠၪဒ့ၭအကၠီၩ့ ၥၫ့ဎွၩဖရၫ့စ့ၭ ၥီၪ့ၥၫ့ထၬဝ့ၫနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ လၧပဆၧၥၭမၧၫ့ဖၧၩ့ ဆၧၥုၪ့လၩ့ဆါၥၭလၩ့ဆါ ကဘျၩ့မၬလအီၪဘၪဂီၩ့ ဆၧၥုၪ့ဎွံၪၥၭမုၬ ကိၭကၠၪဒ့ၭၦၡၩ လအီၪဘၪနီၪလီၫႉ မွဲဆၧနီၪ ဆၧအဂဲးအမံၩ့မံၩ့အကၠီၩ့ ပၥုၪ့လၩ့ဆါၥၭလၩ့ဆါဂီၩ့ ပနးၥၭဂဲးဘၭဂဲၫလၩ့ဆါအခံၫ့ ပကဘၪဒိၭနဲၩ့ပၥၭလၧကဆါဎြံၬအီၪ အၪန့ကိၪလဘျၩ့ဘျၩ့ အိၩနီၪလီၫႉ တခၩဒၪဆၧအထၧးအလၧး ကဲၪထၪ့လါနၫ့ ကဆါဎြံၬအခိးအတၩနီၪ ဖ့ၪဂဲးဖ့ၪဘၭအ့ၪပၧၩနီၪလီၫႉ မွဲဆၧနီၪ လၧပဆၧၥၭမၧၫ့ဖၧၩ့ အ့ၪပဘၪဒၪဆၧကၪဆၧဂဲၩႇ ဆၧမၩထံၬထၬဆၧအၪစွါဘဲၫ ပကဘၪဒိၭနဲၩ့ၥၭလၧ ကဆါဎြံၬအီၪအၪ လိၪဝ့ၫဒၪနီၪလီၫႉ ပကဘၪဒိၭနဲၩ့ၥၭလၧ ကဆါဎြံၬအီၪကန့အဂး ပကကျ့ၭစၨၭလါဆံၭႉ အဲၪကွံၩဘၪထၧၫ့ဖုဝဲထံၩၥိၭထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩ ကိၭနံၩကိၭဂၩလါဆံၭႉ
Add new comment