ပကဘၪယိထၪ့ မူၭခိၪဘၩ့မုးလၧ ပယၫ့ၥၭမၩဆၧၩ့ ပနဲၩ့ပဎီၩ့ၥံၪအဖၧၩ့အဂဲး

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪယိထၪ့ မူၭခိၪဘၩ့မုးလၧ ပယၫ့ၥၭမၩဆၧၩ့ ပနဲၩ့ပဎီၩ့ၥံၪအဖၧၩ့အဂဲး အကၠီၩ့နီၪလီၫႉ ထၧၫ့ဖုဝဲထံၩၥိၭထီးအလူၬၥံၪဧ့ႇ ၥၫ့ဎွၩဖရၫ့စ့ၭ လီၩထၬဝ့ၫနီၪ ပဝ့ၫဎြံၬဖိၪၥံၪယီၩ ဆၧတတုၬတနၭ အဆူအယိၬ အလၩ့ၡၩ အီၪဝ့ၫဒၪအ့ၬနီၪလီၫႉ ပဝ့ၫဎြံၬဖိၪၥံၪယီၩ လၧဆၧဆူဆၧနဲၩဖၧၩ့ ပယိထၪ့ပမ့ၬလၧ ကဆါကၠဲၭအီၪဂီၩ့ ဆၧတတုၬတနၭ ဒၨၭလၩ့ထၬၥၭဖၧၩ့ ပဒိၭနဲၩ့ၥၭလၧ ကဆါဎြံၬအီၪဂီၩ့ ၦဘၪဒၪဆၧၫ့ယၫ ဆၧကၪဆၧဂဲၩႇ ဆၧၡၪ့ဆၧယၬၥံၪအဂး အၪ့က့ၩဘၩဆိၪဖၪဆၧ မွဲဝ့ၫဒၪ ၦၡၩၥံၪနီၪလီၫႉ ဎြံၬဖိၪၥံၪယီၩ အမ့ၬနီၪ ယိထၪ့ဝ့ၫလၧ မူၭခိၪဘၩ့မုးလါနၫ့ အစူၪနီၪ ဖ့ၪဆၧၫ့လၩ့ၥၭလၧ အနဲၩ့အဎီၩ့ၥံၪအဂး ပၠၪလၩ့ထၬၥၭလၧ ဂၪ့ခိၪချိၫ့ဖၧၩ့နီၪအကၠီၩ့ ၥၫ့ဎွၩဖရၫ့စ့ၭ အဆၧလီၩဖျီၪထၪ့ အီၪဝ့ၫဒၪ ဘဲၫယီၩၥိၭနီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၦလၧအဖိၬထၪ့ ကဆါဎြံၬအခဲၫ့ ပမွဲဝ့ၫဎြံၬဖိၪ ကိၭဂၩဒ့ၭယီၩ ပဘၪဒၪဆၧၫ့ယၫ ဆၧကၪဆၧဂဲၩ ထီးအလူၬ အဆၧဒီၩ့လၩ့ မွဲဝ့ၫထုၪ့စူၪယၫနီၪ လၧကဆါဎြံၬကၠၧၫ့ကၠၧၫ့ ထိးဆၧၫ့ဒိၭန့ဝ့ၫဒၪနီၪလီၫႉ အဲၪဒိၭမၩ အဂုထုၬ ဆၧဆူနဲၩႇ ဆၧယိလါဒဲ ဆၧအဲၪဆၧကွံၩဖၧၩ့ မၩဂုထၪ့အၪထၪ့ ပၩရမံၫအကၠီၩ့ ၦၡၩလဂၩဘၪလဂၩ ယၫ့ၥၭမၩဆၧၩ့လိၬၥၭ အဆၧမၩဆၧၩ့ဖၧၩ့ န့ထၪ့ဘၪ ဆၧၥုၪ့ဎွံၪၥၭထိၬနီၪလီၫႉ လါနၫ့ ဆၧၥုၪ့ဎွံၪၥၭထိၬ လၩ့ဆိၩလၩ့ကၠၪနီၪ အီၪဝ့ၫဒၪလၧ မူၭခိၪဘၩ့မုးဖၧၩ့နီၪလီၫႉ မွဲဆၧနီၪ ဘဲၫၥၫ့ဎွၩဖရၫ့စ့ၭ ၥီၪ့ၥၫ့ထၬၥိၭ ပကယိထၪ့ပမ့ၬလၧ မူၭခိၪဘၩ့မုးတၭ ပနဲၩ့ပဎီၩ့ၦၡၩလဖၪ ပယၫ့ၥၭမၩဆၧၩ့ဆၧအဖၧၩ့ ပကမၩဂုထၪ့အၪထၪ့ ပၩရမံၫအဂး ပကကျ့ၭစၨၭလါဆံၭႉ အဲၪကွံၩဘၪထၧၫ့ဖုဝဲထံၩၥိၭထီးအလူၬ မုကိၭနံၩဒ့ၭ နၥံၪအဆၧၥၭမၧၫ့ဖၧၩ့ မူၭခိၪဘၩ့မုးအဂး နၥံၪအီၪကျ့ၭစၨၭၥၭမၧၫ့ န့ဝ့ၫဒၪ ကိၭဒံၩကိၭဂၩလါဆံၭႉ