ပကဘၪယိဂ့ၩယိဘၪလဂၩဘၪလဂၩဒဲဂၪ့ခိၪအဂဲး

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ  ပကဘၪ ယိဂ့ၩယိဘၪ လဂၩဘၪလဂၩဒဲ  ဂၪ့ခိၪအဂဲး အကၠီၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ  ဆၧလၧပကဲၪၦၡၩနီၪ  ၦလၧအီၪလဆီၫဘၪမွဲဂ့ၩႇ ၦလၧအၥုၪ့လၩ့ဆံၭ ၥၭလၩ့ဆံၭမွဲဂ့ၩႇ   ၦလၧအဂဲးဆံၭမွဲဂ့ၩ  ပကဘၪယိဂ့ၩယိဘၪ လိၪဝ့ၫဒၪနီၪလီၫႉ လၩ့ဆၫ့ဒၪဆၧႇ  ပကဘၪယိဂ့ၩယိဘၪ  ၦၥၭၡါၥံၪအဂး လိၪဝ့ၫအၪမၬဒ့ၭနီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ  ပဂံၪ့ဒီၪ့ဖၧၩ့ၦၥၭၡါၥံၪအီၪစွါဘဲၫႇ  ပမိခွံၬၡိၬပၥၭလူအီၪဝ့ၫဒၪနီၪလီၫႉ  ဆၧအယီၩနီၪ  ပလကြၨၭမၩဘၪအကၠီၩ့ ပကဘၪ  ဆီၫ့မီၪလၩ့ပၥၭလိၪ ဝ့ၫဒၪနီၪလီၫႉ  ဆၧလၧပယိဂ့ၩယိဘၪ  ၦၡၩလမံၩ့နီၪ ကဲၪထၪ့ အပျီၩ့အ့ၬ ပကန့ဘၪ လၬဆီၫ့လၧ ကဆါကၠဲၭ အီၪနီၪလီၫႉ ၦလၧအၥၭလုအီၪ ယိဂ့ၩယိဘၪ  ၦအၥၭၡါၥံၪႇ ၦလၧအဘၪထိးအီၪပဲၩ့ၥၭၥံၪလဖၪနီၪစွါဘဲၫ  ပကိၭဝ့ၫလၧ ၥၭဂ့ၩၥၭဘွၩအီၪ ဎရံၬဖိၪလဂၩနီၪလီၫႉ

 အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပယိဂ့ၩယိဘၪလဂၩဒဲလဂၩ လကၭဒ့ၭဘၪ ပကဘၪ ယိဂ့ၩယိဘၪ  ပအီၪဂၪ့ခိၪအဂး လိၪဝ့ၫဒၪနီၪလီၫႉ   ဘၪမနီၪလဲၫစွါဘဲၫႇ ၦၡၩဒဲဂၪ့ခိၪနီၪ ဆုးကျိၭလိၬၥၭနီၪလီၫႉ  ဆၧလၧပကဲၪၦၡၩနီၪ ပကဘၪယိဂ့ၩယိဘၪ ပနဲၩ့ပဎီၩ့လိၪဝ့ၫဒၪ အၬမၬဒ့ၭ  နီၪလီၫႉ  ထီးလကၭဒ့ၭဘၪႇ  ပကဲၪၦၡၩနီၪ    ပကဘၪယိဂ့ၩယိဘၪ ဆၧၥၭမၧၫ့ဂီၩ့ ပဆၧမုၬဆၧလၩ  ကဘၪအီၪဝ့ၫလၧ အဝ့ၫၥံၪအဖၫ့ခိၪနီၪအကၠီၩ့  ကဆါကၠဲၭကိၭဖံၭၥိၭပၧၩနီၪလီၫႉ

 အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါကၠဲၭဖ့ၪလၫ့ထၭပၧၩ အဆၧန့ၬၥၫထီးအလူၬနီၪ ပကဘၪယိဂ့ၩယိဘၪဒဲ  ပကဘၪပဒၩ့ထၬ  ပတၩလၫ့အီၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၪ့ အီၪဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉအဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ