ပကဘၪထိးဆၧၫ့ၦၡၩၥံၪ လၧ ဆၧတီၩဆၧလီၩ့ဖၧၩ့အဂဲး

လၧဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧႉႇ မုကနံၩယီၩ ယအဲၪဒိၭရၩလၩ့န့အ့ၪ ဘၪနၥံၪ ၥၫ့ဎွၩ ဖရၫ့စ့ၭအဆၧၥီၪ့ဆၧၥၫ့နီၪမွဲဝ့ၫဒၪ ပကဘၪထိးဆၧၫ့ ၦဂူၫဂၩၥံၪလၧ ဆၧတီၩဆၧလီၩ့  ဖၧၩ့ အဂဲးအကၠီၩ့နီၪလီၫႉ လၧလံၬဆံၫ့ဎံၪဖၧၩ့ ကဆါဎြံၬနီၪ ၦဂူၫဂၩၥံၪ ထိးဆၧၫ့အဝ့ၫဂ့ၩဂ့ၩဘၪဘၪ လါနၫ့ အဝ့ၫအီၪအလးဝံးဒီၪ့ဖၧၩ့ ၦၡၩ လဖၪၥံၪနီၪ လထိးဆၧၫ့ဘၪအဝ့ၫအကၠီၩ့ ဒုၭၥ့ၪယၫထၬအ့ၪ ပၧၩနီၪလီၫႉ ကဆါဎြံၬၥီၪ့ထဲၩ့ၥၫ့ထဲၩ့ဆၧလၧ အဝံး ဒီၪ့ၥရိၬလးဖၧၩ့ကကၠၪ ၦနါဂၧၫ့ဆၧအၪဂၩနီၪ အၥၭထီၫမံၫထီၫမၪ  တၭ ႇ  စံၭဒၪဝ့ၫ ႇ အဝ့ၫလဂၩယီၩႇ မွဲအန့ဘၪ ဆၧလဖၪယီၩခီၫခီၫလဲၪႉ ဆၧကိၪ့ၥ့ၪကိၪ့ ဘၪလၧ ဆၧဖ့ၪလၫ့ဝ့ၫနီၪ ႇ မွဲဆၧနီၪလဲၪႉ ဆၧလၩ့လၭလၧ အမၩအၥၭလၧ အစူၪဖၧၩ့ယီၩ မွဲအဆံၭဒိၪ လဲၪႉ ၦယီၩမွဲ ၦလဲၬၥမါ ႇ နးမၫရံၫအဖိၪခွၫမွဲအ့ၬဧၪ ႉ အထၧၫ့ဖုဝဲမုၪ ႇ အထၧၫ့ဖုဝဲခွၫ ၥံၪနီၪ အီၪလၧ ပၥိၭထီးယီၩမွဲအ့ၬဧၪႉ အဝ့ၫၥံၪ အၥၭဂၭဂီၩ့လၧ ကဆါဎြံၬ အဖၫ့ခိၪနီၪလီၫႉ

          ထၧၫ့ဖုဝဲထံၩၥိၭၥံၪဧႉ ႇ အ့ၪပကယိထဲၩ့ လံၬဆံၫ့ဎံၪယီၩစွါဘဲၫ ကဆါဎြံၬအဝံးဒီၪ့ဖၧၩ့ ၦၡၩလ ဖၪၥံၪနီၪ ၥ့ၪယၫကဆါဎြံၬ ဂ့ၩဂ့ၩဘၪဘၪလါနၫ့ ကဆါဎြံၬ အဆၧဖံၭဆၧမၩ မၩကဲၪထၪ့ဝ့ၫအဂဲးနီၪ လထိးဆၧၫ့ဘၪ ဝ့ၫ နီၪလီၫႉ ပၥ့ၪယၫၦၡၩဒဲ ပထိးဆၧၫ့ၦၡၩနီၪ လမီၪ့ဎီၩ့ဘၪနီၪလီၫႉ လၧပနဲၩ့ပဎီၩ့ ၦၡၩၥံၪအဂဲး ပၥ့ၪယၫဝ့ၫဒၪလါနၫ့ ပလထိးဆၧၫ့ဘၪ အဝ့ၫၥံၪ အီၪဝ့ၫဒၪ အၪမၬဒ့ၭနီၪလီၫႉ လၧပနဲၩ့ ပဎီၩ့ ၦၡၩၥံၪ အဂဲး ပၥ့ၪယၫဝ့ၫဒၪ ကမံၩ့လီၫဂီၩ့ အ့ၪပလထိးဆၧၫ့ဘၪ အဝ့ၫၥံၪစွါဘဲၫ ဆၧလၧၫ့ဆၧ ဎွ့ၩ လအီၪဘၪနီၪလီၫႉ ၦၡၩလဂၩနီၪ ဂဲၫဎိၩထၪ့ဒိၪထၪ့ ဆၧအၪ့ လဲၩထၪ့ထဲၩ့အၥၭ အီၪဝ့ၫဒၪယူၭလါ နၫ့ ပလအၪ့လဲၩထၪ့ဘၪ ပဆၧယိအကၠီၩ့ လၧအဝ့ၫ အဆၧအၪ့လဲၩထၪ့ၥၭ အဖၫ့ခိၪ ပထိးဆၧၫ့အဝ့ၫ လနႉဘၪနီၪလီၫႉ ပအီၪၥၭမၧၫ့ထၪ့ဝ့ၫဒၪ ဘဲၫပၥၭအီၪထၬအၥိၭ ဒဲ လၧ ပမ့ၬလဲၩၥၭ ကဲၪ့အီၪ ထၬ ၦၡၩ လဂၩဂၩအဖၫ့ခိၪ ပလအၪ့လဲၩထၪ့ဘၪ ပဆၧယိအကၠီၩ့ ကဆါဎြံၬတခၩဒၪ ကမၩဆၧလၩ့ဆၫ့ နးမံၩ့ လၧအဝ့ၫၥံၪ အဆၧၥ့ၪယၫနၪၥ့ၪဖၧၩ့နီၪ လထိးဆၧၫ့ဘၪ ကဆါဎြံၬလၧ ဆၧထိးထဲၩ့တၩ့ထဲၩ့ အကဆါနီၪ လီၫႉ လၧပဆၧၥ့ၪယၫဒၪမ့ၬ ယံၫယါအဖၫ့ခိၪ ပဖီၪ့ဂုးထၬၦဂူၫဂၩၥံၪအကၠီၩ့ ၦဂူၫဂၩၥံၪ ဆၧအၪ့လဲၩထၪ့ထဲၩ့အၥၭ အီၪလါနၫ့ ပလဒၪလၧၩ့ဘၪ အဝ့ၫၥံၪ အဆၧအၪ့လဲၩထၪ့အၥၭနီၪလီၫႉ

          ထၧၫ့ဖုဝဲထံၩၥိၭၥံၪဧႉ ႇ    ကဆါဎြံၬအီၪအလးဖၧၩ့ ဝံးဒီၪ့ဖိၪၥံၪနးဆ့ ကဆါဎြံၬ ဂဲၫလၩ့အၪ့န့ ထၪ့ ၦၡၩအ ဆၧၥၭမၧၫ့ ႇ ဆၧလၩ့ဆၫ့အဂဲးယီၩ အဝ့ၫၥံၪလထိးဆၧၫ့ဘၪ ႇ အဝ့ၫၥံၪ ထိးဆၧၫ့ကန့ အဂး လဝဲထၪ့ထၬ ဘၪ အၥၭ ႇ စီၩ့မၩ့ဎိၩဒိၪ ကဆါယွၩနီၪ ဂဲၫကဲၪထၪ့လၧ ၦၡၩၥံၪအကျၩအဂဲးန့နီၪ ဆၧၥ့ၩယၫနၪၥ့ၪကအီၪအဂး လဝဲထၪ့ ဘၪ ၥုၪ့ၥၭအကၠီၩ့ ထိးဆၧၫ့လန့ဘၪဝ့ၫ ဘဲၫယီၩၥိၭနီၪလီၫႉ ယွၩနီၪ ဂဲၫအၪ့န့ထၪ့ၦၡၩအဆၧၥၭမၧၫ့ဂီၩ့ အီၪလၧ ပဝ့ၫ ၦၡၩၥံၪကၠၧၫ့ကၠၧၫ့ ႇ ဖ့ၪအ့ၪပၧၩဆၧမၩဆၧၩ့ လၧ ပဆၧအၪ့ကံၩ့အၪ့ယၫလဖၪႇ ဂဲၫအီၪလၧ ဆၧဆၪ့လၩ့ၥုၪ့ ဆၪ့လၩ့ ၥၭ ႇ အီၪလၧပၧၩကၠၧၫ့ကၠၧၫ့ ဘဲၫ ထံၩၥိၭအဂ့ၩထုၬႇ ကွဲၪဖျါအ့ၩပၧၩပဆၧမၪ ႇ ဖ့ၪအ့ၪပၧၩ အဆၧအဲၪ ႇ ဖ့ၪအ့ၪပၧၩ အဆၧၥ့ၪ ယၫနၪၥ့ၪ လၧ ပဆၧၥၭမၧၫ့ဖၧၩ့ ကိၭနံၩဒ့ၭနီၪလီၫႉ ပဝ့ၫၦၡၩလဖၪၥံၪယီၩ ယွၩအဆၧၥၭမၧၫ့ ဂဲၫအီၪၥူၪၥၭလၧ ပဆၧၥၭ မၧၫ့ ဖၧၩ့နီၪ ပလကြၨၭမီၪ့ဘံၭခွံၬဘၪအဂး ပကဘၪဝဲထၪ့ထၬ ပၥုၪ့ၥၭအဂဲး ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ အီၪဝ့ၫဘဲၫယီၩ ယရၩလၩ့ဖ့ၪၥ့ၪယၫအ့ၪဘၪနၥံၪလၧ ဆၧအဲၪဆၧကွံၩဎိၩဒိၪဖၧၩ့နီၪ လီၫႉ