ဆၧအဲၪဆၧကွံၩဖၧၩ့ ဖ့ၪအ့ၪဆၧမုၬဆၧၡူၪအဂဲး

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪ နၥံၪၥၫ့ဎွၩ ဖရၫ့စ့ၭအဆၧၥီၪ့ဆၧၥၫ့နီၪမွဲဝ့ၫဒၪ “လၧဆၧအိၪဆၧကွံၩဖၧၩ့ဖ့ၪအ့ၪဆၧမုၬဆၧၡၪအဂဲး“ အကၠၩ့နီၪလီၫႉ အကၪ့ထံၭအရ့ၩဒိၪထုၬနီၪ မွဲဝ့ၫလၧဂံၪ့ဒီၪ့ဖီၪၥံၪအီၪဆုးကျိၭလိၬၥၭနီၪ ကဘၪအီၪၥုၪ့လၩ့ထၬအၥၭလၧ ဆၧအဲၪဆၧကွံၩဖၧၩ့နီၪလီၫႉ လၧံဒီၪဖၧၩ့ပလကြၨၭမၩဒံၭဘၪဆၧလမံၩ့မံၩ့ပကဘၪအၪ့စၪ့ ပဂံၪ့ဒီၪ့ဖိၪၥံၪ “အ့ၪယမၩဆၧမၩယီၩစွါဘဲၫဆၧဘၪထံၭဘၪနဲၪ့ ကအီၪနၧၩဧၪႉ လၧဆၧမၩယီၩအဖၫ့ခိၪနၥၭလၩ့ဎိၭအီၪဧၪႉ ပကဘၪအၪ့စၪ့ပဂံၪ့ဒီၪ့ဖိၪၥံၪ ပကဘၪ အၪ့ကံၩ့ဆၧကိၪ့ဆၧတဲၩ့ ဘဲၫယီၩၥိၭနီၪလီၫႉ ဆၧမၩယီၩနီၪ မွဲဝ့ၫပယူၭယၫ့ ပဂံၪ့ဒီၪ့ဖိၪၥံၪ ပအီၪက့ၪထၬဆၧအဲၪဆၧကွံၩလၧ ပဂံၪ့ဒီၪ့ဖိၪၥံၪအီၪမွဲဝ့ၫဒၪနီၪလီၫႉ

ၦအၪ့န့ထၪ့ဆၧအီၪဎုၬမုၬ စကရမ့ၫတူၩဂီၩ့ ဂံၪ့ဒီၪ့ဖိၪၥံၪလဖၪနီၪ အ့ၪဘၪဒၪခီၩ့ဆၧၫ့ယၫလၧဆၧအၪ့ထၩအခံၫ့ကဘၪနၪ့ထၪ့ဒီၪနါခိၭနၪ ၥုၪ့ၥၭလၧအၥ့ၪယၫ ကြၨၭလကြၨၭ တီၩလတီၩဆၧၥ့ၪယၫနၪၥ့ၪအီၪၥုုၥၭ နီၪလီၫႉ ပၥၭနၪ့ထးခွံၬ လန့ဘၪနီၪလီၫႉ ဘဲၫဆၧၥ့ၪယၫနၪၥ့ၪအီၪၥုၪ့ၥၭ အဆအၪ့မၧၫ့ အ့ၪပ လမၩဘၪစွါဘဲၫ ဆၧဘၪထံၭဘၪနဲၪ့ ကအီၪပၧၩဂီၩ့ ပကယဲၩ့ထၪ့လၧကွၩအခိးအတၩဖၧၩ့ မွဲဝ့ၫဒၪနီၪလီၫႉ

ဒီၪနါခိၭနၪဆၧဂၩ့မၧၫ့လါဆံၭ