ဆၧယၫ့ၥုၪ့ယၫ့ၥၭဒဲ ဆၧအဲဆၧကွံၩနီၪ ဖ့ၪလၫ့အ့ၪၦဂူၫဂၩၥံၪ ဆၧယိလါန့ဝ့ၫဒၪအဂဲး

ဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭ ထီးအလူၬၥံၪဧ့, မုကနံယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ဆၧယၫ့ၥုၪ့ယၫ့ၥၭဒဲ ဆၧအဲၪဆၧကွံၩနီၪ ဖ့ၪလၫ့အ့ၪ ၦဂူၫဂၩၥံၪ ဆၧယိလါန့ဝ့ၫဒၪအဂဲးအကၠီၩ့နီၪလီၫႉ

ထၧၫ့ဖုဝဲထံၩၥိၭထီးအလူၬၥံၪဧ့, ပကဘၪအီၪက့ၪပဲၩထၬ ပၥုၪ့ခိၥၭဂီၩၥံၪ, ပၥၭဆုးလီၩ့အီၪ ဆၧဖံၭဆၧမၩၥံၪ အဖၫ့ခိၪဂီၩ့ ပကဘၪအီၪက့ၪထၬ ၥုၪ့ဆုးလီၩ့ ၥၭဆုးလီၩ့လၧ ၦဂူၫဂၩၥံၪအီၪ, ပကဘၪဖ့ၪအ့ၪ ၦဂူၫဂၩၥံၪ ဆၧနံမွံၫမွဲဝ့ၫဒၪနီၪလီၫႉ ဘဲၫၦဂူၫဂၩၥံၪ ဆၧန့ဂဲးန့ဘၭဆၧချဲၩ့လဖၪ ပကြၨၭချဲၩ့ဝ့ၫဒၪနီၪလီၫႉ လၧဆၧလမီၪ့ဎီၩ့ဘၪၥံၪအကျၩ, ဆၧလၩ့ဖၭၥံၪအကျၩ ပကဘၪမၩကဲၪထၪ့ ဆၧခိၭနၪအလး မွဲဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ အီၪဝ့ၫဘဲၫယီၩၥိၭနီၪလီၫႉ

ထၧၫ့ဖုဝဲထံၩၥိၭထီးအလူၬၥံၪဧ့, ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ အီၪဝ့ၫဘဲၫယီၩၥိၭအကၠီၩ့ ပဖ့ၪအ့ၪၦဂူၫဂၩၥံၪ ဆၧယိလါကန့အဂးနီၪ လိၪပကကဲၪဒိၪကဲၪမုမၬမွဲအ့ၬႉ လိၪဝ့ၫဒၪ ၥုၪ့ၥၭအတီၩအလီၩ့, ဆၧယၫ့ၥုၪ့ယၫ့ၥၭဒဲ ဆၧအဲၪဆၧကွံၩ မွဲဝ့ၫဒၪနီၪလီၫႉ မွဲဆၧနီၪ, လၧပဆၧကၪဆၧဂဲၩၥံၪ, ပဆၧၡၪ့ဆၧနၭၥံၪအကျၩ ပလဘၪထိးစၪဘၪပၥၭ, ပကဘၪအၪ့န့ထၪ့ နးၥၭအဂဲးအဘၭလၧ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ဖၧၩ့ဂီၩ့ ၦဂူၫဂၩၥံၪအဂးန့ဆ့ၭ ပဖ့ၪအ့ၪ ဆၧဒီၪနါခိၭနၪအခံၫ့ဒဲ ပဖ့ၪအ့ၪဂဲးဘၭကန့ဝ့ၫအဂး ပကကျ့ၭစၨၭကိၭနံၩကိၭဂၩလါဆံၭႉ အဲၪကွံၩဘၪထၧၫ့ဖုဝဲထံၩၥိၭထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါဎြံၬအဆၧဆိၪဂ့ၩဆိၪဘွၩလါဆံၭႉ