ဆၧဘၩဆိၪဖၪဖၧၩ့ နဲၪဒီၩ့ဂၩ့အဂ့ၩထုၬ နီၪ မွဲဝ့ၫကဆါဎြံၬနီၪလီၫႉ

ထၧၫ့ဖုဝဲထံၩၥိၭ ထီးအလူၬၥံၪဧႉ ႇ မုကနံၩယီၩ အအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ ့ဆၧၥၫ့နီၪ မွဲဝ့ၫဒၪ ကဆါဎြံၬနီၪ ဆၧဘၩဆိၪဖၪဖၧၩ့ နဲၪဒီၩ့ဂၩ့ အဂ့ၩထုၬ အဂဲးအကၠီၩ့နီၪလီၫႉ ကဆါဎြံၬ အဆၧၥၭ မၧၫ့အခံၫ့အိၩ လရွံထၪ့ဒံၭဘၪ အထံၩအဖျဲၥံၪအခံၫ့ လ့ၩအၪ့ကံၩ့ဘၩဆိၪဖၪဆၧ လၧ ခိၪလီၩ့ လဖျိၪ့အလးဖၧၩ့အကၠီၩ့ ဆၧကွ့ၭထုၬထၪ့ အီၪထၬလၧ လံၬဆံၫ့ဎံၪဖၧၩ့ ပဒၪဘၪနီၪလီၫႉ အီၪဆုးကျိၭလိၬၥၭလၧ အထံၩအဖျဲၥံၪ အခံၫ့နးဆ့ ဆၧဘၩဆိၪဖၪနီၪ အရ့ၩဒိၪ ထၨၪမုလဲၪအဂဲး ဖ့ၪနဲၪအ့ၪအထံၩအဖျဲၥံၪနီၪလီၫႉ လၧအဝ့ၫအထံၩအဖျဲၥံၪအဖၫ့ခိၪ အီၪ ဘဲၫ ဆရၫလဂၩၥိၭ ႇ အထံၩ ၥိၭလဂၩၥိၭဂီၩ့ ဘဲၫအထံၩအဖျဲၥံၪ အဆၧအၪ့လဲၩထၪ့ထဲၩ့အၥၭကန့အဂး ကဆါဎြံၬ အီၪက့ၪထၬ ဆၧၥုၪ့ဆၧၩ့ၥၭဆၧၩ့ ဎိၩဒိၪဒ့ၭနီၪလီၫႉ

          အထံၩအဖျဲၥံၪ အဂဲးဆါဘၭဆါကဲၪထၪ့အခံၫ့ ႇ အထံၩအဖျဲၥံၪ လထိးဆၧၫ့ဘၪအဝ့ၫအခံၫ့ အီၪက့ၪထၬ အဝ့ၫအဆၧအဲၪလၧ အထံၩအဖျဲၥံၪအဖၫ့ခိၪနီၪ လလၩ့ၡၩ လကၭဒံၭဘၪ ဘဲၫအထံၩ အဖျဲၥံၪ လခွံၬၡိၬထးဘၪ အဆၧဆူနဲၩအဂးဂီၩ့ ဆၧနီၫ့ယါလၩ့ထဲၩ့ၥၭ ကအီၪထၪ့ထဲၩ့အဂး အၪ့ကံၩ့ ဘၩဆိၪဖၪ န့အ့ၪ အထံၩအဖျဲအဂးလၧ ဖါကဆါယွၩအအီၪနီၪလီၫႉ ပဝ့ၫၦၡၩလဖၪၥံၪယီၩကဆါ ဎြံၬ အီၪက့ၪထၬပၧၩလၧ အဝ့ၫအဆၧဘၩဆိၪဖၪ အရ့ၩ ဒိၪ ထုၬအလးဖၧၩ့နီၪလီၫႉ ၦၡၩအီၪလၧ ဆၧဒဲၩ ဘၭ အဎိၩဒိၪထုၬဖၧၩ့လါနၫ့ ကဆါဎြံၬဆုးဖ့ၪအ့ၪအဆၧအဲၪ ၦၡၩနီၪ အဖၫ့ခိၪနီၪလီၫႉ ဆုးဖ့ၪအ့ၪအ ဝ့ၫ အဆၧအၪ့ကံၩ့ဘၩဆိၪဖၪနီၪလီၫႉ ပဝ့ၫၦၡၩလဖၪအဂး ကဆါဎြံၬ အီၪက့ၪထၬအဆၧအဲၪဒဲ အဆၧဘၩဆိၪဖၪနီၪ အထုၬလ အီၪဘၪ လကၭ လၧၩ့ အီၪဝ့ၫဒၪလၧ ဆၧဂဲးဆီၪ့ဘၭဆီၪ့ဖၧၩ့ ႇ ဆၧဎိၩထၪ့ဒိၪထၪ့ဖၧၩ့နီၪလီၫႉ ဆၧဖၩ့ဒဲ ဂဲးဘၭဆၧအခိးအတၩ ကန့ ထၪ့အဂး ဆၧဘၩဆိၪဖၪနီၪ မွဲဝ့ၫဒၪ ဆၧအဝံလမံၩ့ဒ့ၭနီၪလီၫႉ ဆၧအၪ့ကံၩ့ဘၩဆိၪဖၪဆၧဖၧၩ့ၥၭယီၩ ခိၪလီၩ့အဖၧၩ့ ၥၭမွဲဝ့ၫတၭ ဆၧကၪဆၧဂဲၩ အီၪဝ့ၫဒၪ အကၠီၩ့ ပကဘၪ အၪ့ကံၩ့ဘၩဆိၪဖၪဆၧဆ့ လိၪဝ့ၫဒၪနီၪ လီၫႉ ဘဲၫအဝ့ၫ အၪ့ကံၩ့ဘၩဆိၪဖၪဆၧၥိၭ  အၥၭဆိၫ့မုလါအီၪဝ့ၫလၧ ၦဝ့ၫၥံၪ အဖၫ့ခိၪ ပကဘၪအၪ့ကံၩ့ဘၩဆိၪဖၪဆၧ ဘဲၫအဝ့ၫ ၥိၭ နီၪလီၫႉ ပဆၧအၪ့ကံၩ့ဘၩဆိၪဖၪလဖၪနီၪ လၧၫ့ဎွ့ၩထၪ့ထီးအလူၬလကဲၪဘၪလါနၫ့ ကဆါဎြံၬအဲၪဒိၭပၧၩ ပက ဘၪ ဒိၭနဲၩ့ပၥၭလၧ အဝ့ၫအဆၧဘၩဆိၪဖၪဖၧၩ့အဂးနီၪလီၫႉ ပကဘၪအီၪက့ၪထၬ ပဆၧၥ့ၪယၫနၪၥ့ၪ လမံၩ့နီၪမွဲဝ့ၫဒၪ ကဆါဎြံၬနီၪ ဖ့ၪအ့ၪပၧၩ အဆၧဘၩဆိၪဖၪလၧ ဖါကဆါယွၩအီၪ ကိၭမုနံၩမုနၩဒ့ၭအကၠီၩ့နီၪလီၫ ႉ ပဆၧကၪဆၧဂဲၩ အီၪအခံၫ့ႇ ပၥုၪ့ၥၭလ့ၩဝံၩ့ဝၩ့အခံၫ့ ကဆါဎြံၬနီၪ အၪ့ကံၩ့ဘၩဆိၪဖၪန့အ့ၪပၧၩပဂးအကၠီၩ့ ႇ လၧပဆၧၥၭမၧၫ့ဖၧၩ့ ပအီၪၥၭမၧၫ့ ဂုးဂုးခၧၫ့ခၧၫ့ ကန့အဂးနီၪ မွဲဝ့ၫဒၪ ကဆါဎြံၬ အဆၧဘၩဆိၪဖၪအီၪက့ၪထၬဝ့ၫလၧ ပဂးအကၠီၩ့နီၪလီၫႉ ပကန့ဘၪ ဆၧထိးထဲၩ့တၩ့ထဲၩ့အဂး ကဆါ ဎြံၬ ဘၪထိးထၬ ဆၧနိၫ့ဆၧနၭ အဎိၩ့လးလဖၪနီၪ ဖ့ၪနဲၪအ့ၪဖါကဆါယွၩဂီၩ့ အၪ့ကံၩ့ဘၩဆိၪဖၪန့အ့ၪပၧၩ ပဂးနီၪလီၫႉ ပဆၧဆူဆၧ နဲၩ လဂုးခၧၫ့ဘၪအကၠီၩ့ ပဆၧအၪ့ကံၩ့ဘၩဆိၪဖၪလဖၪနီၪ လလၧၫ့ဎွ့ၩဘၪလါနၫ့ ပဆၧဆူနဲၩအီၪ ထၬဝဲၩလၧ ကဆါဎြံၬအဖၫ့ခိၪနီၪ ပလအီၪဖျါထုၬခွံၬဘၪအဂး လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ အီၪဝ့ၫဒၪဘဲၫယီၩၥိၭအဂဲး ယရၩလၩ့ဖ့ၪၥ့ၪယၫအ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ