ဂၪ့ခိၪဖိၪၥံၪအ့ၪအီၪဎူၫဎူၫဎၩ့ဎၩ့ဒဲအီၪက့ၪထၬအၥၭဘဲၫထၧၫ့ဖုဝဲအဆၧ

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩယအဲၪဒိၭရၩလၩ့န့အ့ၪဘၪနၥံၪၥၫ့ဎွၩဖရၫ့စ့ၭ အဆၧၥီၪ့ဆၧၥၪ့နီၪ မွဲဝ့ၫဒၪခံၫ့ခၫဆၧၫ့ထီၩ့ဖၧၩ့ယီၩ ဂၪ့ခိၪဖိၪၥံၪဘၪဒၪခီၩ့ဆၧၫ့ယၫဆၧကၪဆၧဂဲၩၥံၪခၫ့ဂၬခွံၬကန့အဂးနီၪဂၪ့ခိၪဖိၪၥံၪကဘၪအီၪလၧ ဆၧဎူၫဆၧဎၩ့ဖၧၩ့ဂီၩ့ကဘၪအီၪက့ၪထၬအၥၭဘဲၫထၧၫ့ဖုဝဲအဆၧအဲၪၥိၭမၬဆၧဂၪဆၧဂဲၩလဖၪၥံၪနီၪ ခၫ့ဂၬခွံၬဝ့ၫဂန့အကၠီၩ့ၥၫ့ဎွၩဖရၫ့စ့ၭအဆၧၥီၪ့ဆၧၥၫ့အီၪဝ့ၫဒၪနီၪလီၫႉ ဆၧလၧဆၧဎူၫဆၧဎၩ့နီၪဘၪထွ့ၪလၧဂၪ့ခိၪဖိၪၥံၪထီးအလူၬအကၠီၩ့ ပကဘၪနဲၪဖျီၪထၪ့ ပဆၧဎူၫဆၧဎၩ့အကၠီၩ့ ပကဘၪအီၪလၧၦဘၪဒၪခီၩ့ဆၧၫ့ယၫ ဆၧကၪဆၧဂဲၩၥံၪ ဆၧနၭဆၧၡၪ့ၥံၪ အနဲၩ့ဎီၩ့အကၠီၩ့ လၧအဝ့ၫၥံၪအဖၫ့ခိၪ ပကဘၪအီၪက့ၪထၬပၥၭဘဲၫထၧၫ့ဖုဝဲၥိၭအကၠီၩ့ အနီၪမၬပခၫ့ဂၬ ကိၪရိၪနၪဆၧဆၫဆီၪ့ၥံၫဆီၪ့ယီၩကန့ဝ့ၫဒၪအကၠီၩ့ ၥၫ့ဎွၩဖရၫ့စ့ၭ ဆၪ့ထွ့ၪထၬဆၧချဲၩ့အီၪဝ့ၫဒၪဘဲၫယီၩၥိၭနီၪလီၫႉ

ကိၪရိၪနၪ ဆၧဆၫဆီၪ့ၥံၫဆီၪ့ ယီၩအ့ၪဖီၩ့ခွံၬဂီၩ့စွါဘဲၫပဆၧၥၭမၧၫ့လဖၪနီၪ ကထီၩ့လၧဆၧအဂ့ၩၧလးဖၧၩ့နၧၩ့ဝ့ၫ အ့ၪလမွဲဘၪ ကထီၩ့လၧဆၧအအၧၩ့အလးဖၧၩ့နၧၩ့ဝ့ၫနီၪလီၫႉ ၦၡၩၥံၪကိၭဂၩဒ့ၭပကဘၪအၪ့ဎၬထိၪတွၭလၩ့လၥၭကိၪဝ့ၫဒၪနီၪလီၫႉ လၧၦၡၩအဆၧၥၭမၧဖၧၩ့ အလူဒိၪဎွ့ၩဒိၪအီၪဝ့ၫအဒိၪထုၬနီၪမွဲဝ့ၫဒၪ လၧပန့ထၪ့ထၬဘၪပဆၧၥၭမၧၫ့အခံၫ့အထီဖၧၩ့ ပကဘၪအၪ့လဲၩၥၭမၧၫ့ထၪ့ ပၥၭလၧဆၧအဂ့ၩအလးဖၧၩ့နီၪလီၫႉ ဂၪ့ခိၪချိၫ့ဖၧၩ့ယီၩထံၫခးလနၩ့နၩ့ၥံၪဖၧၩ့ ဆၧဒုၭဆၧယၩၥံၪ ကဲၪထၪ့အကၠီၩ့ဖိၪၥၪဆံၭလဖၪၥံၪနီၪထၪ့ဆၧမၩလိၪလံၬလဲ လန့လၧၩ့ဘၪ ကအၪ့ကအီၪအဂးဆ့လအီၪလၧၩ့ဘၪဆၧကၪွဆၧဲၩဟံၪယီၩ ဘၪဒၪခီၩ့ဆၧၫ့ယၫဝ့ၫဒၪနီၪလီၫႉ ဆၧလဖၪၥံၪယီၩ အ့ၪဆုးကဲၪထၪ့စွါဘဲၫပကဘၪဒၪခီၩ့ဝ့ၫဒၪမွ ဆၧအစၪနီၪလီၫႉ