ဂံၪ့ဒီၪ့ၥံၪအဂး ၥၫ့ဎွၩဖရၫ့စ့ၭ အဆၧဖ့ၪဂဲးဖ့ၪဘၭဆၧချဲၩ့

ထၧၫ့ဖုဝဲထံၩၥိၭထီးအလူၬၥံၪဧ့ၪႇ လၧဂံၪ့ဒီၪ့ဆံၫဎံၪအဘိၪ့မုနံၩအိၩ ဂံၪ့ဒီၪ့ၥံၪဆါၥံၪထီးအလူၬအဖၫ့ခိၪ ၥၫ့ဎွၩဖရၪ့စ့ၭဖ့ၪဂဲးဖ့ၪဘၭအ့ၪ ဆၧချဲၩ့အီၪဝ့ၫဒၪနီၪလီၫႉ ပအၪ့န့ဆၧအဒီၩ့အထ့ၬလၧ ဂံၪ့ဒီၪ့ဆံၫ့ဎံၪအလးဖၧၩ့အခံၫ့ ဂံၪ့ဒီၪ့ဖၧၩ့ဖ့ၪအ့ၪမၧၩ ဆၧလ့ၪယၫနၪၥ့ၪဆၧအလူဒိၪဎွ့ၪအဂဲးပကဘၪလီၩ့ဎွါ အၪ့န့ထၪ့ထဲၩ့လိၪဝ့ၫဒၪအကၠီၩ့နီၪလီၫႉ ဂံၪ့ဒီၪ့ဖိၪၥံၪ လဂၩဘၪလဂၩအီၪဆုးကျိၭလိၬၥၭနီၪ ကဘၪအီၪက့ၪ ၥုၪ့လၩ့ထၬအၥၭလၧ ဆၧအဲၪဆၧကွံၩဖၧၩ့ဆ့လိၪဝ့ၫဒၪ တၡါဒ့ၭနီၪလီၫႉ ဂံၪ့ဒီၪ့ဖိၪၥံၪအၪ့ကၩ့ဘၩဆိၪဖၪဆၧကၠၧၫ့ကၠၧၩ့အခံၫ့ ဆၧအဲၪဆၧကွံၩအီၪယိၬယိၬအခံၫ့ ပအီၪက့ၪထၬဆၧကွဲၪဖျါၥၭန့ အခံၫ့ လၧ ပဂံၪ့ဒီၪ့ ဖိၪၥံၪအီၪဖၧၩ့ ပချဲၩ့ဒုၪ့လိၬၥၭ ချံၫ့ချံၫ့ၡူၪၡူၪန့အခံၫ့ ပအီၪၥၭမၧၫ့လၧ ယွၩအလိၪဂီၩ့ လဒုၭဆၧၫ့ဆၧကၪဆၧဂဲၩနၧၩ့အခံၫ့ စွါဘဲၫ ပဂံၪ့ဒီၪ့ဖိၪၥံၪနီၪ အီၪဝ့ၫဒၪလဖျိၪ့ဎးအဂဲး ပၥ့ၪယၫထၪ့ ကန့ဝ့ၫဒၪနီၪလီၫႉ

ဂံၪ့ဒီၪ့ဖၧၩ့နီၪ လကၠၪကၠၪ ဆၧကၪဆၫဂဲၩၥံၪအီၪဝ့ၫဒၪ ဆၧဂဲးလိၬတ့ၭလိၬၥၭ ကဲၪထၪ့ဝ့ၫဒၪ အီၪနီၪလီၫႉ လဝ့ၫၦၡၩလဖၪၥံၪယီၩ ပအီၪဝ့ၫဒၪလၧ ဂဲးဆါဘၭဆါဖၧၩ့ အကၠီၩ့ ဆၧလဖၪၥံၪယီၩ ကကဲၪထၪ့ဝ့ၫဒၪ တၡါဒ့ၭနီၪလီၫႉ လါနၫ့ လၧပဂံၪ့ဒီၪ့ဖၧၩ့အ့ၪပဂဲးလိၬတ့ၭလိၬၥၭ ကဲၪထၪ့စွါဘဲၫ မုနံၩအခံၫ့လလုၬဘၪ လအီၪထဲၩ့လၧ ဆၧဎူၫဆၧဎၩ့ဖၧၩ့ ကန့အဂး ပကဘၪ ခိးဂဲးခိးဘၭနီၪလီၫႉ အ့ၪပလခိးဂဲးခိးဘၭဘၪ ဘဲၫယီၩၥိၭစွါဘဲၫ ဆၧဂဲးလိၬတ့ၭလိၬ ၥၭယီၩ ကကဲၪထၪ့ဝ့ၫဆၧလၩ့ဖၭအဎိၩဒိၪန့ဝ့ၫဒၪနီၪလီၫႉ

ဒီၪနါခိၭနၪ ဆၧဂၩ့မၧၫ့လါဆံၭ