ဂီအထီနီၪ ဖၧၩ့ၥၭလဘီၩ့မွဲဝ့ၫလီၫ

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪ နၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ကၬၥလ့ၬဎြံၬဖိၪၥံၪအဂး ဂီအထီယီၩနီၪ ကဘၪဂဲၫ ထဲၩ့ထဲၩ့လၧ ဖါဖါကဆါ ဖိၪကဆါ ၥၭမုဆံၫ့ဎံၪကဆါအီၪအဂး ဖၧၩ့ၥၭလဘီၩ့ မွဲဝ့ၫအကၠီၩ့ ဆၪ့ထွ့ၪထၬ ဎြံၬဖိၪၥံၪ ဆၧချဲၩ့အီၪဝ့ၫဘဲၫယီၩၥိၭနီၪလီၫႉ ဂီအထီယီၩ ၦထၧၫ့ဖုဝဲ ၦၡၩၥံၪထီး အလူၬအဖၫ့ခိၪ ပကဘၪအီၪက့ၪထၬပဆၧအဲၪယိၪယိၪဆ့ အခွးအယါ အခံၫ့မွဲအကၠီၩ့ အဆၧလီၩဖျီၪထၪ့ အီၪဝ့ၫဒၪနီၪလီၫႉ

                ယွၩနီၪ ဘဲၫၦၡၩၥံၪအၥုၪ့အၥၭထၧၫ့ဖျိၪ့ယၫ ကအီၪဆုးလၩ့ၥၭလၧ အဝ့ၫအီၪအဂး အၥၭလုအီၪဝ့ၫဒၪနီၪလီၫႉ ဂီအခံၫ့ယီၩ ပဝ့ၫၦၡၩၥံၪဒဲယွၩ အီၪဆုးကျိၭလိၬၥၭအီၪဝ့ၫဘဲၫၥ့ၪလဲၪ ပကဘၪအၪ့ဎၬလၩ့ပၥၭ အခံၫ့မွဝ့ၫဒၪဒံၭနီၪလီၫႉ ပဆၧၥၭမၧၫ့ယီၩ ပအီၪၥၭမၧၫ့ဖၧၩ့ၥၭ ထၧၫ့ဘီၩ့ဘီၩ့လဲၪ ဆၧအဎီးအၡၩဖၧၩ့ၥၭဧၪႉ ဆၧဖီၩ့ဖျ့ၭဖၧၩ့ၥၭဧႉ ပကဘၪအၪ့ဎၬထၪ့ထဲၩ့ အကၠီၩ့ဆ့ ၥီၪ့ၥၫ့ထၬအီၪဝ့ၫဒၪနီၪလီၫႉ ဂီအထီယီၩနီွ ပကဖီၩ့ဖျ့ၭပၧ ဆၧအဎီးအၡၩ အလးဖၧၩ့အဂး ပစဲၪ့ထၪ့လၧဎီးၡၩအလးဖၧၩ့အခံၫ့ မွဲဝ့ၫဒၪနီၪလီၫႉ

            လၧဖီၩ့ခွံၬအခံၫ့ ပဆၧၥၭမၧၫ့အိၩ ပအီၪၥၭမၧၫ့ဘၪလၧ ဆၧဒဲၩဘၭဖၧၩ့လါနၫ့ ပကလီၩ့ဎွါ ဒီၪနါခိၬနၪထဲၩ့ယွၩအလူအထၫစွါဘဲၫ ပကဒၪထဲၩ့ ဖၧၩ့ၥၭအတီၩတၡါဒ့ၭ အကၠီၩ့ လၧဂီအထီယီၩ ပကဘၪလီၩလၩ့ ပဆၧဒဲၩဘၭဂီၩ့ ဂုးဂုးခၧၫ့ခၧၫ့ကန့အဂး ဂဲးဘၭမွဲဝ့ၫ အကၠီၩ့ ပကဘၪခ့ၭဂဲၫထဲၩ့ထဲၩ့လၧ ယွၩအီၪလိၪဝ့ၫ ဒၪအကၠီၩ့ ဘဲၫၦခံၫထုၬဆၧဆၫဆါ လဂၩဂဲၫထဲၩ့ စံၭခိးစံၭတၩဘၪ ကဆါဎြံၬၥိၭ ပဝ့ၫၦၡၩလဖၪဟံၪ ယီၩနးဆ့ ပဆၧဆၫလဖၪမွဲဝ့ၫ ပဆၧဒဲၩဘၭလဖၪၥံၪနီၪ ပကဘၪထုၬလီၩဖျီၪထၪ့လၧ ကဆါဎြံၬအီၪ လီၪဝၫဒၪအကၠီၩ့ဆ့ ဆၪ့ထွ့ၪထၬဆၧချဲၩ့အီၪဝ့ၫ ဒၪနီၪလီၫႉ

            ယွၩအဖိၪခွၫကဆါဎြံၭ အမ့ၬယၫ ပကဘၪလ့ၩဖ့ၪနဲၪလၥၭ ပဆၧဒဲၩဘၭအဂဲး လၧဆၧဒဲၩဘၭ ဖၧၩ့ယီၩအကၠီၩ့ ပၥုၪ့အုၭၥၬအုၭ အီၪဝ့ၫဘဲၫၥ့ၪလဲၪအဂဲး အကၠီၩ့ ကဆၧဎြံၬနီၪ မွဲဝ့ၫဒၪ ၦအဘျၩ့ဘျၪ ၦၡၩၥံၪ အဆၧဆၫ ၥံၫဎွံၪဆရၫ လၩမွဲဝ့ၫတၭ မၩဖီၩ့ဖျ့ၭခွ့ၭအ့ၪလၧၩ ပဆၧဒဲၩဘၭန့ဝ့ၫအကၠီၩ့ ဖ့ၪထဲၩ့ အ့ၪပၧၩ့ ပၥုၪ့ၥၭ အဆၧဆီၪဆၧချဲၫ့ န့ဝံၫဒၪတၭ ဆၧလဖၪၥံၪယီၩ ပကန့ထၪ့ထဲၩ့ဘၪအဂး ပကဘၪလ့ၩအၪ့ကံၩ့အၪ့ယၫလၧအဝ့ၫအီၪ လိၪဝ့ၫဒၪအကၠီၩ့ ဂီအထီ စၭထၪ့အခံၫ့အိၩပထံၬထၪ့ဖံၫ့ချၫလၧ ပခိၪ ဎွံၪဖၧၩ့ အခီၫပယီၫနီၪ ပဝ့ၫၦၡၩလဖၪၥံၪယိၩ ပမွဲဝ့ၫ ဖ့ၬလီၫအဂဲး ဖ့ၪအ့ၪပၧၩ ဆၧထုၪ့ၥုၪ့ထုၪ့ၥြ မွဲဝ့ၫအကၠီၩ့ ပကဘၪဂဲၫထဲၩ့ထဲၩ့လၧ ယွၩအီၪအဂး ယွၩကိၭဖံၭၥိၭပၧၩယီၩနီၪ ပထိးဆၧၫ့ အဂဲး ပကဘၪထုၬဖျီၪထၪ့လၧပဆၧဖံၭဆၧမၩဖၧၩ့ အကၠီၩ့ ဆၧလၧဆၧထိးထဲၩ့တၩ့ထဲၩ့နီၪ ပကဘၪလ့ၩထၪ့လၧ ဆၧအစီၩ့မၩ့ဎိၩဒိၪ အီၪအလးဖၧၩ့ လမွဲဘၪတၭ ပကဘၪစဲၪ့လၩ့လၧ ဆၧအဲၪဆၧကွံၩ့ အဆၧမၩဖၧၩ့ အကၠီၩ့ ဆၧဒဲၩဘၭဖိၪၥံၪ ကဂဲၫထဲၩ့ထဲၩ့လၧ ကဆါဎြံၬအီၪ အဂးနီၪ ဝဲထၪ့ထၬဖၧၩ့ၥၭ ကိၭအဆၧၫ့ကိၭအထီဒ့ၭအကၠီၩ့ ဂီအထီယီၩ ပကဘၪဂဲၫထဲၩ့ထဲၩ့လၧ အဝ့ၫအီၪဘဲၫၥ့ၪလဲၪအဂဲးလၧအဆၧဘိၪ့ဆၧဘၩဖိၪၥံၪအီၪ ၥၫ့ဎွၩဖရၫ့စ့ၭအဆၧၥီၪ့ ဆၧၥၫ့ အီၪဝ့ၫဘဲၫယီၩၥိၭအဂဲး ယရၩလၩ့ဖ့ၪၥ့ၪယၫအ့ၪဘၪနၥံၪဘဲၫယီၩၥိၭနီၪၥီၫႉ

  

Add new comment

10 + 5 =