ခးလယၩ့ဆၧဎူၫဆၧဎၩ့ဒဲ ဆၧတီၩဆၧလီၩ့ ကမၧၫ့ထၪ့ထဲၩ့အဂး ပၪတံၫကၫ့အဆၧဆၪ့ထွ့ၪ

ထၧၫ့ဖုဝဲထံၩၥိၭထီးလူၬၥံၪဧ့ႉ မုကနံၩယီၩ ယအဲၪဒိၭရၩလၩ့န့အ့ၪဘၪနၥံ ၥၫ့ဎွၩဖရၫ့စ့ၭအဆၧၥီၪ့ဆၧၥၫ့နီၪမွဲဝ့ၫဒွ ဘၪထွ့ၪလၧ ခးလယၩ့ဆၧတုၩ့ထၪ့တုၩ့လၩ့ ကဲၪထၪ့အခံၫ့ဖၧၩ့ယီၩ ခးပယၩ့ဖၧၩ့ဆၧဎူၫဆၧဎၩ့ဒဲဆၧတီၩဆၧလီၩ့ ကမၧၫ့ထၪ့ထဲၩ့အဂး ၥၫ့ဎွၩဖရၫ့စ့ၭအဆၧဆၪ့ထွ့ၪဆၧချဲၩ့ မွဲဝ့ၫဒၪနီၪလီၫႉ ခးပယၩ့ထံၫခးခိၪနါအဆၧပၧၩ့နီၪ ခးပယၩ့ ၥုၭခိၪနါၥံၪအၪ့ဂူၬအၪ့န့ဝ့ၫဒၪလၧ ၂၀၂၁ နံၪ့ လၩဖ့ၫဖဝၫရံၫ ၁ ၥၫ့အိၩမွဲဝ့ၫတၭ ဆၧတီၩဆၧလီၩ့လအီၪဘၪ ၥုၭခိၪနါၥံၪ အၪ့ဂူၬခးပယၩ့အဆၧပၧၩ့ဖၧၩ့ ဖီၪ့ထၬထံၫခးဖိၪၥံၪရွံထၪ့ထၬထံၫခးခိၪနါၥံၪအီၪဝ့ၫဒၪတၭ ဘဲၫထံၫခးခိၪနါၥံၪဒဲ ၦအဘၪထိးဖီၪ့ထၬအၥၭလဖၪၥံၪ ကန့ထၪ့ဘၪဆၧဖီၩ့ဖျ့ၭအဂး ထံၫခးဖိၪၥံၪ ထီးအလူၬဆါဆါီၪ ထုၬဖျီၪထၪ့လၩ့ဲၥၭလၧ ဆၧၡူၪဆၧၡီၩ့ဖၧၩ့အီၪဝ့ၫဒၪခးပယၩ့အလးဎံၩ့ဎံၩ့လ့ၬနီၪလီၫႉ လၧခးပယၩ့ဖိၪၥံၪထုၬဖျီၪထၪ့လၩ့အၥၭလၧ ဆၧၡူၪဆၧၡီၩ့အလးဖၧၩ့ၥုၭခိၪနါၥံၪလနၩ့နၩ့ဒဲ ဒူၩယၪ့ဖိၪလနၩ့နါနီၪ မၩၥံၫမၩဆၫ ၦအထုၬဖျီၪထၪ့လၩ့အၥၭအီၪဝ့ၫဒၪအကၠီၩ့ဘဲၫလဆုးမၩဘၪဆၧမၩဘဲၫယီၩၥိၭအဂး ၥၫ့ဎွၩဖရၫ့စ့ၭဒဲ ကုလါၥၭမကခိၪနါၥံၪ အဆၧဆၪ့ထွ့ၪအီၪဝံၫဒၪဘဲၫယီၩၥိၭနီၪလီၫႉ