ကဆါဎြံၬအီၪဖျဲၪမုနံၩအဂး အီၪတဲၩ့ဝဲၩလၩ့ၥၭအခံၫ့နီၪ ပကယိလါအၪ့ဂၬလၧ ဆၧဆူနဲၩအမ့ၪဖၩ့အဂဲး

ဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ကဆါဎြံၬအီၪဖျဲၪမုနံၩအဂး အီၪတဲၩ့ဝဲၩလၩ့ၥၭအခံၫ့နီၪ ပကယိလါအၪ့ဂၬလၧ ဆၧဆူနဲၩအမ့ၪဖၩ့အဂဲး အကၠီၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါဎြံၬအီၪဖျဲၪမုနံၩအဂး ဆၧအီၪတဲၩ့ဝဲၩထၬအခံၫ့ယီၩ ပဆၧၥၭမၧၫ့ဖၧၩ့ ဆၧဆူနဲၩ အဆၧဖၩ့ ကဖၩ့ထၪ့အဂးႇ ပကဒိၭန့ ကဆါဎြံၬဂီၩ့ ပကအီၪတဲၩ့ဝဲၩထၬပၥၭအဂးဒဲ ကဆါဎြံၬ ကမၩလၧၫ့ဎွ့ၩထၪ့ပၧၩလၧ ဆၧၥုၪ့ဎွံၪၥၭထိၬဒဲ ဆၧဎူၫဆၧဎၩ့အဂး ပကဘၪအၪ့က့ၩဘၩဆိၪဖၪလၧ ကဆါဎြံၬအီၪအကၠီၩ့ ၥၫ့ဎွၩဖရၫ့စ့ၭ ၥီၪ့ၥၫ့ထၬဝ့ၫနီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါဎြံၬအီၪဖျဲၪမုနံၩအဂး အီၪတဲၩ့ဝဲၩထၬၥၭအခံၫ့ယီၩ ပကဖိၭလိၬဖိၭဆံၫ့ႇ ပကအၪ့လဲၪထၪ့ ပဆၧၥၭမၧၫ့ ဂ့ၩဘၪစဲၪအဂး ပကဘၪကျ့ၭစၨၭနီၪလီၫႉ အီၪတဲၩ့ဝဲၩကဆါဎြံၬ ကဂဲၫလၩ့အခံၫ့ အဆၧၫ့အထီယီၩ ဖိၪၥၪယ့ၫၡူူဎြံၬ မွဲလၧဂဲၫလၩ့လၧမူၭခိၪႇ အီၪဖျဲၪထၪ့ဘဲၫၦၡၩနီၪ ပကဒိၭန့အၪ့ဂၬအဂး မွဲဝ့ၫပကဘၪ အီၪတဲၩ့ဝဲၩလၩ့ပၥၭအခံၫ့ၥိၭ အခံၫ့အဆၧၫ့အထီယီၩ ပဘၪအီၪခိၭယိလါဝ့ၫဒၪ ကဆါဎြံၬလၧကစ့ၩရၫ့တီၩ ပၥံၪဒဲပမၧၫ့လဖၪအဂး ကဂဲၫလၩ့ထဲၩ့ဝ့ၫဒၪ နံၫဘျၩ့လဘျၩ့အထီနီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဖိၪၥၪယ့ၫၡူူၬဎြံၬ အီၪဖျဲၪမုနံၩအဂး ပကအီၪခိၭယိလါဝ့ၫဒၪလၧ ဆၧအီၪတဲၩ့ဝဲၩဒဲ ဆၧဆူနဲၩအမ့ၪဖၩ့ၥိၪနီၪ ပမၩထၬလၧၫ့လၧၫ့ဎွ့ၩဎွ့ၩမၬ ကဆါဎြံၬနးဆ့ ကဂဲၫလၩ့လၧ ပဆၧၥၭမၧၫ့ဖၧၩ့ဂီၩ့ ဖ့ၪနဲၪအ့ၪပၧၩ ဆၧၥုၪ့ဎွံၪၥၭထိၬဒဲ ဆၧဎူၫဆၧဎၩ့ကန့ဝ့ၫဒၪနီၪလီၫႉ မွဲဆၧနီၪ လၧပဆၧၥၭမၧၫ့ မုကိၭနံၩဒ့ၭဖၧၩ့ႇ လၧပၥၭခံဖၧၩ့ ကဆါဎြံၬ မွဲအအီၪလၧအခိးအတၩအကၠီၩ့ ပၥုၪ့ပၥၭ ဆၧဆံၫ့ဆၧဖျ့ၪကအီၪအဂး ပကကျ့ၭစၨၭလါဆံၭႉ အဲၪကွံၩဘၪထၧၫ့ဖုဝဲထံၩၥိၭထီးအလူၬ မွဲနၥံၪအီၪတဲၩ့ဝဲၩထၬ နၥံၪအၥၭလၧ ဆၧဆူနဲၩအမ့ၪဖၩ့န့ဝ့ၫဒၪ ကိၭဒံၭကိၭဂၩလါဆံၭႉ