KNDO ခိၪနါ မၩ့ဘၭဇၫ့

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ KNDO ခိၪနါ မၩ့ဘၭဇၫ့နီၪ အီၪဖျဲၪဝ့ၫဒၪလၧ ဝံးဒနုဖၠုၫ နံၪ့ ၁၉၁၆နံၪ့ လၩ ဖ့ၫဖီၫဝၫရံၫ (၁၀) ၥၫ့ အဖါဖါၥၭဘီၩ့ မၩ့စံၫ့ပွ့ၭ ဒဲ အမိမိၥၭဘီၩ့ ဂါခၠီၩ နီၪလီၫႉ အထၧၫ့ဖုဝဲအီၪဝ့ၫ လံဂၩႇ အဝဲမုၪအီၪနံၫဂၩဒဲ အဖုမုၪအီၪကဂၩနီၪလီၫႉ

အဝ့ၫဆံၫဖုၫဖျီၪ့လၧ ၦဖျိၩ့ဆၨၩ တၩ့ထီၫ့ဆၧမၩလိၪလးနီၪတၭ အဝ့ၫယီၩ ၥီၪ့လိၪထဲၩ့လံၬလၧ ဝံးဒနုဖၠုၫ အ့ၫဘံၫအၪ့ တၩ့ကျၩဆၧမၩလိၪလးနီၪလီၫႉ မၩ့ဘၭဇၫ့ယီၩ ထၪ့ဘျၪ့ကိၪ့ဒိၪအထီနီၪ နုၬလၩ့ပၫဝ့ၫလၧ ဎီးဆၧကိၪ့ၥ့ၪဒုၭထၪ့ဆၧဖၧၩ့နီၪလီၫႉ

၁၉၃၉နံၪ့နီၪ အဝ့ၫန့ဘၪ ဝံၭဆၫ ဆၧနဲၪ့လၩဖၩ့နီၪလီၫႉ အဝ့ၫယီၩ မွဲဒံၭ အဆိၪထုၬ ၦဖျိၩ့ဆၨၩဆၧပဒၩ့ဆၧခရၧၫ့ (ခ့ၫအၫ့ဒံၫအိၫ) ပဖီၪ့ထၪ့စူၪဝဲၩ့ခရၧၫ့ခိၪနါနီၪလီၫႉ မၩ့ဘၭဇၫ့ လီၩ့ထၬဝ့ၫဒၪ အဆၧချဲၩ့နီၪ -

ယၧၩနီၪမွဲ ဖျိၩ့လဂၩလီၫ ၦဖျိၩ့ဆၨၩဖိၪလဖၪယီၩ ဘၪကဲၪထၪ့ ဆၧဘၪထိးမၩနၧၩ့မၩဆၫပဎီးလဖၪလီၫႉ ယၧၩနးဆ့ ယကဲၪထၪ့ပဎီးလဂၩလီၫႉ ဆၧလၧဖျိၩ့ၥံၪနီၪ မွဲဝ့ၫ ၦၡၩလဖၪအကျၩ ၦၡၩအကၠီၩ့ ၦၡၩအခွးအယါ အလၧၫ့အဎွ့ၩ ကဘၪန့ဘၪဝ့ၫလီၫႉ ပကဲၪထၪ့ ပဎီးနီၪ ပန့ဘၪ ၦၡၩအခွးအယါ နၩ့မံၩ့အ့ၬႉ

ဆၧဖီၩ့ဖျ့ၩကန့အဂး ဖျိၩ့ဖိၪလဖၪ ပဎီးအဆၧၥၭမၧၫ့အခၪ့ထံၭခၪ့ဎၧၩ့ယီၩ ပကဘၪဒုၬထၪ့ခွံၬ နီၪလီၫႉ KNDO ခိၪနါဒိၪ မၩ့ဘၭဇၫ့ယီၩ ၁၉၆၃နံၪ့နီၪ ကဲၪထၪ့ထဲၩ့ က့ၫအၪ့ယူၫခိၪနါဒိၪဒဲ ၁၉၈၂နံၪ့ လၩမ့ၫ ၃၁ၥၫ့နီၪ အဝ့ၫမံၫမၪထဲၩ့ဝ့ၫလၧ ဎရံၬနီၪလီၫႉ