ၦမၩလၩမၩဖၩ့ၡီၩ့ထၪ့ လၩခူၭခဲးစူၪအခၫ လိၫဝ့ၫဒၪ ဆၧလဖၪဒဲ အခီၫပယီၫ

လၩခူၭခဲးစူၪအဖၧၩ့ ပၫဝ့ၫဒၪဆၧပိၭဆၧလၫ့လဖၪနီၪ မွဲဝ့ၫ နိၪဝါ ႇ ဆံၫဖိၬႇ ၥၭကျုၩၥၪႇ မ့ၩဒူၪႇ ဖီၫဝံႇ မ့ၩအဲၩႇ ထံၫဒဲ လူၪဘွၩနီၪလီၫႉ 

ဆၧပိၭဆၧလၫ့ၥံၪလဖၪယီၩ အခီၫပယီၫအီၪဝ့ၫဒၪ အဆိၪထုၬ နိၪဝါနီၪ ၦခမျၧးလဖၪ ဘဲၫၥိၭပၥၭကမၧၫ့အဂး ကဘၪအၪ့ထံၩ့အၪ့ဖီၪ့အၪ့ကိၭနံၩဒ့ၭအကၠီၩ့ႇ

ဆံၫဖိၭနီၪ အခီၫပယီၫအီၪဝ့ၫ ဆၧလၧဆံၫဖိၬနီၪ ပမၩလၩ့ဘျ့ၭလၩ့နူၬလါနၫ့ အဝ့ၫအဆၧၫ့ထံၫလလူၬဘၪဒဲ အဆၧၫ့လဖၪ ဆုးၥၭမၧၫ့ထၪ့ဝ့ၫန့အကၠီၩ့ႇ

ၥၭကျုၩၥၪအခီၫပယီၫနီၪ ဆၧလၧၥၭကျုၩၥၪနီၪ မွဲလအီၪဘၪကထံၭလီၫဒဲ အထံၭၥံၪလဖၪစူၭကီၪ့မၧၫ့ထၪ့ဝ့ၫဒၪ လကၭဘၪ ၥၪအခၫနးဆ့ ၥၪဝ့ၫဒၪလၧအဎံၫအဆူၭနီၪလီၫႉ

ဂီၩ့နီၪ မ့ၩဒူၪအခီၫပယီၫနီၪ ဆၧလၧမ့ၩနီၪ မွဲၦၡၩၥံၪထီးအလူၬအဆၧအၪ့အကၠီၩ့

ဖီၫဝံနီၪ အခီၫပယီၫမွဲဝ့ၫ အဆၨၩၥံၫလန့ဘၪဒဲ အထံၭဂဲၫမၧၫ့ထၪ့ထဲၩ့ဝ့ၫအကၠီၩ့

မ့ၩအဲၩနီၪ အခီၫပယီၫအီၪဝ့ၫ ဘူၭထၭလိၬၥၭ နဲၪဖျီၪ့ဝ့ၫဒၪလၧ ပကဘၪအီၪလၧ ဆၧယံၩဆၧၡီၩ့

လခဲၫထုၬ ထံၫနီၪ ချံၫ့ဝ့ၫဒၪဒဲ လူၫဘွၩနီၪ ဘွၩဝ့ၫဒၪကိၭကၠၪ နဲၪဖျီၪ့ထၪ့ပဖျိၩ့ဆၨၩအဆၧအီၪက့ၪၥုၪ့အီၪက့ၪၥၭနီၪလီၫႉ