ၦဖျိၩ့ၡိအဂဲး ကဆံၭကခ့ၭ

ဆၧလၧဖျိၩ့ၡိနီၪ အီၪဝ့ၫနံၫမံၩ့မွဲဝ့ၫ ဖျိၩ့ၡိၬမုနုၬဒဲ ဖျိၩ့ၡိမုထၪ့နီၪလီၫႉ ဖျိၩ့ဆၨၩခးဒီၪ့ ပၧၩအီၪလၧၥၫ့လွ့ၫအဖၫ့လၬကကဲၩ့ ဖျိၩ့ၡိၬလဖၪနီၪ ကိၭဝ့ၫလၧ ဖျိၩ့ၡိမုထၪ့ဒဲ ဖျိၩ့ၡိအီၪလၧ ထံၫထၪကျိၩ့လဖၪနီၪ ကိၭဝ့ၫလၧဖျိၩ့ၡိမုနုၬနီၪလီၫႉ

ၦဖျိၩ့ဆၨၩဆၧချဲၩ့လဖၪနီၪ ပကဲၪဖျိၩ့ၡိမီၪ့ဎီၩ့လါနၫ့ ပအီၪအလးလမီၪ့ဎီၩ့ဘၪအကၠီၩ့ ဆၧချဲၩ့နးဆ့ မွဲလမီၪ့ဎီၩ့ဘၪတၭ ထီးပနၪလိၭၥၭအဆၧချဲၩ့လၥ့ၪလၧၩ့ဘၪနီၪလီၫႉ ၦဖျိၩ့ၡိအီၪလၧ ထံၫထၪကျိၩ့လဖၪ ပဘၪအီၪဎုၬလၧ ပယၩ့ၥံၪအကၠီၩ့ ၦဖျိၩ့အတဝၫ့လနၩ့နၩ့နီၪ အီၪထးဝ့ၫဒၪမွဲ အမံၩ့လီၫဒဲ ဆၧချဲၩ့လဖၪ လၩ့မၬခွံၬယူၭနီၪလီၫႉ

ၦဖျိၩ့ၡိအီၪလၧ ထံၫထၪကျိၩ့လဖၪနီၪ ပအီၪဒၪလၧ ပလံၬလဲ ပဆၧချဲၩ့ ပလုၫလါထူၪရူၪၥံၪလဖၪနီၪလီၫႉ ဆၧအၪ့ထုၪဎွံၪ ဆၧအၪ့ဘုၪၥၫ့အဲၩၥၫ့ နံၪ့ထၪ့ၥၫ့ ဒဲ လၩခူၭခဲးစူၪလဖၪ မၩလၩမၩဖၩ့ၡီၩ့ဒံၭထီးမုဆၫကနံၩယီၩဒံၭနီၪလီၫႉ

ၦဖျိၩ့ၡိ လံၬလဲနီၪ မွဲ ဒီၫ့တၫ ဘရ့ၫတၫ့ ဖိၬလိၬထၬနီၪလီၫႉ