Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ၦဖျိၩ့လံၬလဲဒဲ ၦဖျိၩ့ဆၧကိၪ့ဘၪကိၪ့ၥ့ၪ - ၂
ဆၧအီၪကီၫၪ့ဆရၫလဖၪ ဆၨၩဒီၪ့ဖိၪၥံၪနီၪ လၧဎရံၬဆၧဘိၪ့ဆၧဘၩကၠၧၫ့ကၠၧၫ့ စၭထၪ့ဎွံၪလၩ့ ဆၧကိၪ့ဘၪကိၪ့ၥ့ၪအချံၫ့အၥၪနီၪလီၫႉ ဆၧကိၪ့ဘၪကိၪ့ၥ့ၪၡၩဝ့ၫဒၪ ဆၨၩဒီၪ့လဖၪ ဆၧလုအၪ့ၥၭမၧၫ့ ၥီၪ့လိၪအ့ၪဝ့ၫ ဆၧကိၪ့ဘၪကိၪ့ၥ့ၪႉ လံၬလဲလအီၪဒံၭဘၪ ဆၨၩဒီၪ့လဖၪ ဖိၬလိၬထၪ့အ့ၪဝ့ၫႉ စံၭမၬချၭ- ကခၠ့ၫႇ ခၠ့ၩႇ ဖျိၩ့ဆၨၩလဖၪ ဒီၭတၫ ဂၠိၫနၥၫ့ဝံၭ ၦဖျိၩ့ခိၪနါမွဲဝ့ၫ စီၩကၠဲၥ့ၫ စီၩကီၫတူၫၥံၪအဆၧမၩဆၧၩ့အဖၧၩ့ ၁၈၃၂နံၪ့အထီနီၪ ၦဖျိၩ့ၡၩ့လံၬလဲနီၪ မၩထၪ့ဖျီၪ့ထဲၩ့ဝ့ၫန့ ဂ့ၩဘၪစဲၪ့နီၪလီၫႉ စၭထၪ့လၧအထီနီၪ စကီၩကရ့ၫစၫပ့ၫ ဖျိၩ့ၡၩ့လံၬလဲနီၪ လ့ၩထၪ့ထီၫ့ထၪ့ကဆံၭဆံၭနီၪလီၫႉ နံၪ့ ၁၈၄၂နံၪ့နီၪ ဆၫထူၫဝီၫ (အရုဏ်ကြယ်လစဉ် မဂ္ဂ ဇင်း) စဲၪ့ထၪ့ဝ့ၫဒၪလၧ ဖျိၩ့ၡၩ့လံၬလဲခီၫနီၪလီၫႉ
နံၪ့ ၁၈၄၀နီၪ ဒီၭတၫ ဂၠိၫနၥၫ့ဝံၭ စၭထၪ့ဖိၬလိၬထၬဝဲၩ့ ဖျိၩ့ၡိလံၬလဲနီၪ ဆၧအီၪကီၪ့ဆရၫ ဒီၭတၫ ဘရ့ၫတၫ့ ဖိၬလိၬဂီၩ့ထဲၩ့လၧ နံၪ့ ၁၈၄၁နံၪ့နီၪလီၫႉ လခဲၫ လံၬဆံၫ့ဎံၪနီၪ ကွ့ၭဖျီၫ့ထၪ့ထဲၩ့ဝ့ၫလၧ ဖျိၩ့ၡိ ဒဲ ဖျိၩ့ၡၩ့ခီၫတၭ ထူၭထၪ့ဝ့ၫန့ နံၫမံၩ့လူၬနီၪလီၫႉ ၦဖျိၩ့ဖိၪၥံၪလဖၪ ၦဖျိၩ့လံၬလဲဂဲၫအီၪထၪ့အကၠီၩ့ ထီကဆၫ့ဘၪကဆၫ့ ဂဲၫထဲၩ့အီၪလၧ ဆၧကိၪ့ဘၪကိၪ့ၥ့ၪၡၩအဖၧၩ့တၭ လခဲၫ ဂဲၫဒိၪထၪ့ထီၫ့ထၪ့ ကဆံၭကဆံၭနီၪလီၫႉ
ထီးနီၪ ၁၈၅၂ နံၪ့ ကဲၪ့ထၪ့ဝ့ၫ ခိၪလၩဘွၩဒဲ ပယၩ့ ဆၧဒူၭၥုၭဖၭဒိၪနံၫဘျၩ့လဘျၩ့နီၪ ဆၨၩဒီၪ့ၥံၪလဖၪအဖၫ့ခိၪ ဖးဖီၩ့အီၪထးဝ့ၫဒၪ လၧပခိၩႇ ညီၫ့လ့ၩပ့ၫႇ ၡွၫကၠ့ၫႇ ကၠီၭကၠံၩ ဆၧဒုၭလးပဘၪကၪဘၪဂဲၩလဖၪ အမ့ၫရံၫကၫ့ဆၧအီၪကီၫ့ဆရၫလဖၪ ဂဲၫထဲၩ့ကိၭန့ဝ့ၫလၧ ဝံးတခိၩ့ဂီၩ့ ဖ့ၪလၫ့အ့ၪဝ့ၫအလးအကျဲၩ့ လခဲၫ ၦဖျိၩ့ကိၪ့ၥ့ၪဖိၪလဖၪ ဂဲၫအီၪထၪ့ ပကဒၪဘၪ ၦဖျိၩ့ဆၨၩခိၪနါဘဲၫ စီၩဆ့ၭဒနံၫလူၫနံၫအၥိၭနီၪလီၫႉ
Add new comment