ၦဖျိၩ့နံၪ့ထၪ့ၥၫ့မုနံၩဒိၪ ဂဲၫကဲၪထၪ့အဂဲး

အဲၪကွံၩဘၪထၧၫ့ဖုဝဲထံၩၥိၭထီးလူၬၥံၪဧ့ႇ၂၇၆၂နံၪ့ ၦဖျိၩ့နံၪ့ထၪ့ၥၫ့မုနံၩဒိၪယီၩ  ယမိအဲၪဒိၭရၩလၩ့န့ ဘၪနၥံၪ ဘၪထွ့ၫလၧ ၦဖျိၩ့နံၪ့ထၪ့ၥၫ့မုနံၩဒိၪ ဂဲၫကဲၪထၪ့အဂဲး ကဆံၭကခ့ၭဖိၪနီၪလီၫႉ

    ၦဖျိၩ့နံၪ့ထၪ့ၥၫ့မုနံၩဒိၪယီၩ ကအီၪထၪ့အဂး ပမၩလၩမၩဖၩ့ၡီၩ့ထၪ့ကန့အဂးနီၪ ဒီၩကလုခရၧၫ့ ဘၪလ့ၩခိၪလ့ၩနါဝ့ၫဒၪလီၫႉ  ဒီၩကလုခရၧၫ့နီၪ စၭထၪ့ဖိၬလိၬထၪ့ဝ့ၫဒၪလၧ ၁၈၈၁နံၪ့နီၪလီၫႉ ဘဲၫထၧၫ့ဖုဝဲဖျိၩ့ဖိၪၥံၪ ၥ့ၪယၫထၬအၥိၭ ဒီၩကလုခရၧၫ့အဆိၪထုၬခိၪနါဒိၪနီၪ မွဲဝ့ၫ ဒီၭတၫ တံၫၥၫ့ပၠၫဒဲ  ၦဖျိၩ့နံၪ့ထၪ့ၥၫ့နီၪ အခွးန့ဝ့ၫဒၪလၧ ဆရၫစၫ့ဘီၫ အၪ့န့မူၩဒၩခိၪနါဒိၪလၧ ဒီၩကလူခရၧၫ့အခံၫ့နီၪလီၫႉ

ၦဖျိၩ့နံၪ့ထၪ့ၥၫ့နီၪ အခွးန့ဝ့ၫဒၪလၧ ဆရၫစၫ့ဘီၫ အၪ့န့မူၩဒၩခိၪနါဒိၪလၧ ဒီၩကလူခရၧၫ့အခံၫ့နီၪလီၫႉ ထၧၫ့ဖုဝဲမုၪခွၫၥံၪဧ့ ၦဖျိၩ့နံၪ့ထၪ့ၥၫ့မုနံၩဒိၪယီၩ ကန့အဂး ဘၪဆ့ၭစူၪမု ထၪ့အၪ့ကံၩ့ဝ့ၫ ဘျၪ့ဒိၪလၬ (၁၂) ဂၩနီၪ မွဲဝ့ၫ ၁ႉ စီၩဂၠိၫ့ဆ့ၫ ဒံၫဖိၩမ့ၩႇ ၂ႉ စီၩဆ့ဒနံၫလူၫနံၫႇ ၃ႉ မၩ့ဘၭခဲၫ့ႇ ၄ႉစီၩဖ့ၫၥၫႇ ၅ႉ မၩ့ကၫ့အ့ၩႇ ၆ႉ စီၩမၠၭၥံၩ့ႇ ၇ႉ မၩ့ထိၩ့ခ့ၫႇ ၈ႉ မၩ့ၡွ့ၫညိၭႇ ၉ႉ စီၩၥၫဒွ့ၩႇ ၁၀ႉ အူၩလၭဖ့ၫႇ ၁၁ႉအူၩဖိၩမၠ့ၫ ဒဲ စီၩဖိၩခၠ့ၭၥံၪနီၪလီၫႉ ထၧၫ့ဖုဝဲမုၪခွၫၥံၪဧ့ႇ ၦဖျိၩ့နံၪ့ထၪ့ၥၫ့ကန့အဂး ခိၪနါဒိၪၥံၪလၧ အကြၨၭစၨၭခိးဂဲးခိးဘၭထၪ့နီၪ မွဲဘျၪ့ဒိၪလၬ (၁၂) ဂၩယီၩလီၫ လကၭဘၪဒဲ ဘျၪ့ဒိၪထၬ (၃) ဂၩဆ့ မွဲကြၨၭစၨၭခိးဂဲးခိးဘၭထဲးဎုၬဆ့အကၠီၩ့ ဘျၪ့ဒိၪထၬ (၃) ဂၩနီၪမွဲဝ့ၫ (၁)  ဆၫစၫ့စံၫဖိၩ (၂)  မၩ့ၡွ့ၫဘၭ ဒဲ ဆရၫစၫ့ဘီၫၥံၪနီၪလီၫႉ

ထၧၫ့ဖုဝဲဖျိၩ့ဖိၪၥံၪဧ့ ၦဖျိၩ့နံၪ့ထၪ့ၥၫ့မုနံၩဒိၪယီၩ စၭထၪ့အၪ့ကံၩ့ထၪ့ဝ့ၫဒၪလၧ နံၪ့ ၁၉၃၇နံၪ့ လၩ အီၭဂုၭ ၂၃ၥၫ့ လါနၫ့ ၦဒိၪဖ့ၪလၫ့အ့ၪအခွး ဘဲၫ ၁၉၃၇နံၪ့ လၩ ဒံၫဇ့ၫဘၫနီၪလီၫႉ ဆၧနီၪအကၠီၩ့ ၦဖျိၩ့နံၪ့ထၪ့ၥၫ့မုနံၩဒိၪယီၩ အခွးန့ဝ့ၫလၧ ၁၉၃၇နံၪ့ လၩဒံၫဇ့ၫဘၫ လါနၫ့ဂ့ၩ စၭထၪ့မၩလၩမၩဖၩ့ၡီၩ့ထၪ့ဝ့ၫန့ဘဲၫ ၁၉၃၈နံၪ့ လၩထဲၫ့ခူၭဖိၪ ယိထၪ့ ၁ ၥၫ့လီၫအကၠီၩ့ အလးလနၩ့နၩ့နီၪ စၭထၪ့ဝံဝ့ၫဒၪလၧ ၁၉၃၈နံၪ့နီၪလီၫႉ ထၧၫ့ဖုဝဲဖျိၩ့ဖိၪၥံၪဧ့ စၭထၪ့လၧ အထီနီၪ ၦဖျိၩ့နံၪ့ထၪ့ၥၫ့မုနံၩဒိၪယီၩ ဂဲၫကဲၪထၪ့ဝ့ၫဒၪလီၫႉ

ကဲ ထၧၫ့ဖုဝဲမုၪခွၫၥံၪဧ့ႇ ယအဲၪဒိၭလီၩၥ့ၪယၫဘၪနၥံၪ ၦဖျိၩ့နံၪ့ထၪ့ၥၫ့မုနံၩဒိၪ ဂဲၫကဲၪထၪ့အဂဲးယီၩနီၪ မွဲဒၪ ထီးယီၩလီၫနဲၪႉထၧၫ့ဖုဝဲဖျိၩ့ဖိၪၥံၪထီးလူၬ မွဲကဒိၭန့ဘၪ ၦဖျိၩ့နံၪ့ၥၫ့ အဆၧဆိၪဂ့ၩဆိၪဘွၩႇ ဆၧမူၬဆၧၡူၪကိၭဂၩဒ့ၭလါဆံၭႉ