အဲၪဒၪနဆၨၩနဆၬ (၁)

ကကၠၪဒၪအိၩ လၧဎုၭလးကလးဖၧၩ့နီၪ ယူလဖၪအီၪဝ့ၫအၪမၬလီၫႉ ယူလဖၪနီၪ ကဘီၩ့ဒဲကဘီၩ့ အဲၪလိၬၥၭ ဖံၭထံၩဖံၭၥိၭလိၬၥၭ ဒဲ မၩဆၧၩ့လိၬၥၭလီၫႉ

ယူလဖၪနီၪ အီၪလၧ ဆၧယံၩဆၧၡီၩ့အကၠီၩ့ မံၫယီၩလဖၪ ဒၪလ့ၬမၩနၧၩ့အဝ့ၫၥံၪလဘုၪ့ဘၪလီၫႉ လၧယူလဖၪ အကျၩနီၪ ယူမိၡါက့ၭဒဲ အဖိၪမုၪဎံၫလၩမုၪ မွဲပၫဆ့လီၫႉ

အဖိၪမုၪဖိၪနီၪ ဂ့ၩလ့ၬအကၠီၩ့ ယူမိၡါက့ၭနီၪ ဖျိၬန့အဖိၪမုၪအမံၩ့လၧ နးဂ့ၩလူၬလီၫႉ နးဂ့ၩလူၬလၧ ဂဲၫလိၪဘီၩ့ထၪ့လဘီၩ့ယီၩ ဘဲၫအမိဖျိၬန့ထၬအမံၩ့လၧ နးဂ့ၩလူၬအၥိၭ ဎံၫလၩဝ့ၫဒိၪမၬလီၫႉ

နဂ့ၩလူၬအမိယူဖိၪလဒုၩ စီၪဆံၭအဆၨၩနၬလ့ၬ ကမိဒုၭအီၪဎုၬအဖိၪနီၪလၧယူအ့ၬဂီၩ့ ကမိဒုၭအီၪဎုၬအဖိၪမုၪနီၪလၧ မုမ့ၬ လခဲၫ မုမ့ၬနီၪ စံၭအဝ့ၫၥံၪ အဝ့ၫနီၪ ၦလၧစီၩ့မၩ့ဎိၩဒိၪထုၬမွဲအ့ၬ ၦလၧစီၩ့မၩ့ဎိၩဒိၪနၬန့အဝ့ၫနီၪ မွဲဆၧဆၧၩ့အကၠီၩ့ ယူထၧၫ့ဖိၪမိနံၫဂၩ လ့ၩစိၩလၧ ဆၧဆၧၩ့စဎွၩအီၪဂီၩ့ ၡါဖိၪယီၩ ကဆုးကဲၪထၪ့ဘဲၫၥ့ၪလဲၪဒံၭလဲၪနီၪ ယကဆုးလီၩ့ဖ့ၪနဲၪဘၪနၥံၪလခဲၫ အဆ ၫ့ (၂)  နီၪလီၫႉ