လၩခူၭခဲးစူၪအဆၧထိစိၩလဖၪအဂဲး

ထၧၫ့ဖုဝဲမုၪခွၫၥံၪဧ့ ဘၪထွ့ၫလၧ လၩခူၭခဲးစူၪဆၧထံၫလၩ့ဒီၪလၩ့ယီၩ ဖံၫဖူၫၥံၪလၧဖျိၩ့ဖျိၩ့အိၩ အဆၧထိစိၩအီၪဝ့ၫဒၪ

အဆိၪထုၬကထုၪ့နီၪ-

• ဘဲၫၦထၧၫ့ဖုဝဲဖျိၩ့ဖိၪၥံၪလဖၪ ကစူၭကီၪ့ဒၪဎီၩ့ထဲၩ့လိၬၥၭအဂး
• ဂံၪ့ဒီၪ့ၥံၪလဖၪနးဆ့ ဘဲၫၥိၭဂံၪ့ဒီၪ့ဖိၪၥံၪလဖၪ ကဂဲၫထဲၩ့ဒၪဎီၩ့ထဲၩ့လိၬၥၭလၧဂံၪ့အဂး
• ၦကဲၪထၧၫ့ဖုဝဲဖျိၩ့ဖိၪၥံၪလဖၪ ကဂၩဒဲကဂၩ ဘဲၫၥိၭကဂုးခၧၫ့လၧ ဆၧအဲၪဆၧကွံၩအဂး
• ၦဖျိၩ့ဆၨၩဖိၪၥံၪလဖၪ ကဂၩဒဲကဂၩ ဘဲၫကအီၪလၧဆၧယံၩဆၧၡီၩ့အဖၧၩ့ဒဲ ပကဘၪမၩဆၧၫ့လိၬၥၭႇ ဘၪအီၪယဲၩ့ဝ့ၫဒၪ အရွဲအၥၪလဖၪ ဘဲၫၥိၭကဂဲၫထဲၩ့စူၭကီၪ့ဒၪခီၩ့ထဲၩ့လိၬၥၭလၧ ဆၧမူၭဆၧရူၪအဖၧၩ့အဂး
• ဖျိၩ့ၥၭဘၪ့ဖိၪၥံၪလဖၪ ဘဲၫဖံၫဖူၫၥၭၡါၥံၪလဖၪ ၥီၪ့ချဲၩ့ကန့အဂး
• ဆၧလၧအဂဲၫမၩလၩ့ဖါပၧၩဆၧလဂ့ၩဆၧလဘၪဘၪလဖၪ အဆၧလုဆၧချဲၩ့နီၪ ဘဲၫပလခိၭနၪဘၪအဂး
• ၦဆၧဆၧးဎံၫဆၧလၩ ယဲမံၩ့မွဲဝ့ၫ ဆၧချဲၩ့ႇ လံၬလဲႇ ဆၧကီၩ့ဆၧၥိၭႇ လုၫလါထူၫရူၫဒဲ ဆၧအူၪဆၧဒံၩ့လဖၪ ဘဲၫၥိၭလလၩ့မါဘၪအဂး
• လခဲၫထုၬ ဆၧဆၧးဎံၫဆၧးလၩလၧၫ့ဎွ့ၩဎိၩဒိၪဝ့ၫ ဆၨၩဆၬႇ ဆၧအီၪၥၭမၧၫ့ဂ့ၩဒိၪဝ့ၫဆၨၩဆၬႇ ၦဆၧဆၧးဎံၫဆၧးလၩလုၫလါထူၫရူၫလဖၪ ဘဲၫၥိၭပကအီၪက့ၪဒိၪဖီၪ့ဂုးထၬ ဆၧကိၪ့ဘၪကိၪ့ၥ့ၪႇ ဆၧကိၪ့ၥ့ၪကိၪ့ဘၪထီၪ့ထၪ့ဝ့ၫဆၨၩဆၬ ဆၧလဖၪၥံၪယီၩ ကအီၪဂုးခၧၫ့တၡါအဂး ဖံၫဖူၫၥံၪလၧ ဖျိၩ့ဖျိၩ့အိၩ အဆၧထိစိၩအီၪဝ့ၫဘဲၫၥိၭယီၩအကၠီၩ့ မၩလၩမၩဖၩ့ၡီၩ့ထၪ့ လၩခူၭခဲးစူၪဘိၪ့မုနံၩယီၩနီၪလီၫႉ