မွဲဆၧဂဲၫကဲၪထၪ့လၧဆၧအဂ့ၩအဂး (၂)

စဎွၩဖၭဒိၪယီၩ ဖီၩ့ဖျ့ၭထၪ့လၧဆၧၥံၫဒဲ ထီးမွဲဂဲၫထဲၩ့ထီၩ့ ထဲၩ့လၧအနီးဖၧၩ့အခၫနီၪ လၧအစူၪနိၩ့ထ့ၬအကၠီၩ့ မွဲဆၧဂဲၫကဲၪ ထၪ့လၧ ဆၧအဂ့ၩအဂးလီၫႇ ၦလၧအလီၩဆၧ ခၩ့ဒိၪကိၪ့ၥ့ၪယီၩ အဂး စဎွၩဖၭဒိၪခၩလၩ့အလူ လၧကထုၭထၪ့ခွံၬ ခၩ့ဒိၪကိၪ့ၥ့ၪ ယီၩ လၧဖီၩ့ဖၧၩ့နီၪလီၫႉ

လၧခဲၫ့ကနံၩ စဎွၩဖၭဒိၪယီၩ ကိၭယူၭ ခၩ့ဒိၪကိၪ့ၥ့ၪဂီၩ့ႇ လၧ ယစူၪနိၩ့ထ့ၬအခၫအိၩ နလီၩယၧၩလၧ မွဲဆၧဂဲၫကဲၪထၪ့လၧ ဆၧအဂ့ၩအဂးလီၫနီၪ  မွဲအဘၪအတီၩလီၫႉ လၧယစူၪနိၩ့ယီၩ ထ့ၬခွံၬအကၠီၩ့ ယဖီၩ့ဖျ့ၭဘၪလၧ ဆၧၥံၫလီၫႉ လါနၫ့ယခွံၬလၩ့ ဘၪနၧၩ လၧဖီၩ့ဖၧၩ့အကၠီၩ့ ယၥၭလမုၬဘၪလီၫႉ

စံၭဆၧဘဲၫနီၪၥိၭအခၫတၭ ခၩ့ဒိၪကိၪ့ၥ့ၪစံၭဆၧၫ့ထဲၩ့ဝ့ၫ စဎွၩ ဖၭဒိၪဧ့ႇ ထီးၥုၪ့လမုၬၥၭလမုၬဘၪ လၧယဂးလဂ့ၩႉ လၧနခွံၬ လၩ့ယၧၩ လၧဖီၩ့ဖၧၩ့အကၠီၩ့ မွဲအဂဲၫကဲၪထၪ့လၧ ဆၧအဂ့ၩအဂး လီၫႉ

မွဲဘၪလဲၪနီၪ အ့ၪမွဲယလလၩ့ဘၪလၧ ဖီၩ့ဖၧၩ့တၭ ယက ဘၪလ့ၩဆၧလၧနၧၩ ကၠၧၫ့ကၠၧၫ့လီၫႉ အ့ၪမွဲနဘၪထိးဖီၪ့တၭ ယၧၩ ဆ့ ယကဘၪထိးဖီၪ့လၧနၧၩ ကၠၧၫ့ကၠၧၫ့လီၫႉ အ့ၪမွဲဘဲၫနီၪတၭ ၦလၧခံးဂၩ့ လလၧၫ့ဎွ့ၩထၪ့ဘၭဘၪ ဘဲၫနၧၩကဂၩနီၪ ဆၧက ဖျါဖျ့ၭခွံၬဂီၩ့ အ့ၪမွဲယၧၩဝ့ၫ လၧယခံးဂၩ့ လၧၫ့ဎွ့ၩထၪ့ဘၭအကၠီၩ့ ဆၧကလုထၪ့ယၧၩလီၫႉ

စဎွၩဖၭဒိၪဧ့ႇ မွဲလၧနခွံၬလၩ့ယၧၩ လၧဖီၩ့ဖၧၩ့အကၠီၩ့ ယဘၪ ထိးလုထၪ့ယၥၭအ့ၬႉ လၧဆၧနီၪအကၠီၩ့ စဎွၩဖၭဒိၪဧ့ႇ လၧယဂး ထီးၥုၪ့လမုၬၥၭလမုၬဘၪလဂ့ၩႉ ဆၧယီၩ မွဲဒၪဆၧဂဲၫကဲၪထၪ့ လၧ ဆၧအဂ့ၩအဂးလီၫႉ ဘဲၫနီၪၥိၭလီၫႉ