မဘၪန့လဲၪ ဘၪမၩလၩမၩဖၩ့ၡီၩ့ထၪ့ ခဲးစူၪဆၧထံၫလၩ့ဒီၪလၩ့ယီၩ လၧလၩခူၭနီၪအဂဲး

ထၧၫ့ဖုဝဲမုၪခွၫၥံၪဧ့ မုကနွ့ၫယီၩ ပဆၧဆၧးဎံၫဆၧးလၩအနိၫ့ဖၧၩ့ ယမိအဲၪဒိၭလီၩ့အ့ၪဘၪနၥံၪ ဘၪထွ့ၫလၧလၩခူၭခဲးစူၪအဂဲး ကဆံၭကခ့ၭမွဲဝ့ၫ ဖံၫဖူၫၥံၪလၧဖျိၩ့ဖျိၩ့အိၩ မဘၪန့လဲၪ ဘၪမၩလၩမၩဖၩ့ၡီၩ့ထၪ့ ခဲးစူၪဆၧထံၫလၩ့ဒီၪလၩ့ယီၩ လၧလၩခူၭနီၪအဂဲး နီၪလီၫႉ

          ထၧၫ့ဖုဝဲမုၪခွၫၥံၪဧ့ႇ မဘၪန့လဲၪ ဖံၫဖူၫၥံၪလၧဖျိၩ့ဖျိၩ့အိၩ ဘၪမၩလၩမၩဖၩ့ၡီၩ့ထၪ့ ဆၧခဲးစူၪယီၩ လၧလၩခူၭနီၪ အခီၫပယီၫ အီၪဝ့ၫဘဲၫယီၩၥိၭလီၫႉ

          -လၩဎိၭလူၭဂီၩ့ ထီးစိၩလၧ လၩခူၭအခၫ တဝၫ့ဖၧၩ့ ဂံၪ့ဒီၪ့ၥံၪလဖၪ ဆၧအၪ့ဆၧအီၩ့လၩ့ၡၩဝ့ၫဒၪနီၪ ဘဲၫထုၪ့ၥုၪ့ထုၪ့ၥၭကန့အဂး

          -တဝၫ့ဖၧၩ့ဂံၪ့ဒီၪ့ၥံၪလဖၪ ဘုၪၥၫ့အဲၩၥၫ့လဖုၬလၪ့ဒံၭဘၪအကၠီၩ့ အဝ့ၫၥံၪအဆၧအၪ့ဆၧအီၩ့လဖၪ ဘဲၫၥိၭကထိးထီးထီၩ့ဘုၪၥၫ့ဖုၬလၫ့အထီနီၪ ထုၪ့ၥုၪ့ထုၪ့ၥၭကန့အဂး လကၭဒံၭဘၪ ဆၧဆၧၩ့ခၫအထီ လၩခူၭယီၩ ဆၧဆၧၩ့အၪန့လၩဂူၫဂၩအကၠီၩ့ ဆၧချံၫ့နၭထၪ့ႇ ထံၫလဖၪ ဎွ့ၩလၩ့ဝ့ၫလၧ ထံၫချိၭႇ ထံၫကၠီၪ့လဖၪဒဲ ထံၫဎိၩလၩ့ၥ့ၪဝ့ၫဒၪအကၠီၩ့ ဆၧချံၫ့နၭထၪ့ ဆၧဆူၭဆၧဆၫကဲၪထၪ့ၥ့ၪႇ ပအီၪလမုၬဆီၪ့လချဲၫ့ဘၪၥ့ၪဝ့ၫဒၪအကၠီၩ့ ဆၧလ့ၩဆၧထဲၩ့ႇ ဆၧအၪ့ဆၧအီၪႇ ဘဲၫၥိၭဖံၫဖူၫၥံၪလဖၪ ဖ့ၪလၪ့အ့ၪဖိၪလံၩၥံၪ ဆၧထုၪၥုၪ့ထုၪ့ၥၭကန့အဂး

          -လကၭဒံၭဘၪလၩခူၭယီၩမွဲလမီၪ့ဎီၩ့ဘၪ လၩအဂူၫဂၩဒဲ ဖံၫဖူၫၥံၪလၧဖျိၩ့ဖျိၩ့အိၩ နဲၩထၬဝ့ၫလၧ ဆၧလဂ့ၩဆၧလဘၪဘၪလဖၪဂၭဂီဝ့ၫဒၪလၩအကၠီၩ့ ဘဲၫၥိၭဆၧလဖၪၥံၪယီၩ မၩနိၫ့မၩနၭပၧၩလန့ဘၪအဂး ဖံၫဖူၫၥံၪလၧဖျိၩ့ဖျိၩ့အိၩ အဆၧထိစိၩအီၪဝ့ၫဘဲၫယီၩၥိၭအကၠီၩ့ မၩလၩမၩဖၩ့ၡီၩ့ထၪ့ ဆၧခဲးစူၪဘိၪ့မုနံၩယီၩလၧ လၩခူၭနီၪလီၫႉ