ဘီၪၦၡၩ (၂)

ထၧၫ့ဖုဝဲထံၩၥိၭ ၦလၧအဲၪဒိၭခိၭနၪၦဖျိၩ့ၡါဖိၪၥံၪဧ့ႇ အီၪဆီၪ့အီၪချဲၫ့ကိၭဂၩဒ့ၭနဲၪႉ လၧအဖီၩ့ခွံၬမုနွ့ၫဒံၭဒၪအိၩ ပၡါဖိၪယီၩ ထီၩ့ခလဲၪစွါဘဲၫ ဘီၪၦၡၩကဒုၩ လိၫလၫ့အၥၭလၧၦခွၫဎံၫလၩလဂၩဂီၩ့ ဂဲၫမၩဆၧၩ့ၦမုၪနၩ့ဖိၪနံၫဂၩဆၧမၩနီၪလီၫႉ

နးစ့ၩဒဲ နးထီၫ့နီၪ ၥၭမဲၪဆၧနၭလ့ၬတၭ ဖိၭဘံၭအမ့ၬ လၧအဝ့ၫၥံၪအစူၪ ကဒီၪ့ကဒီၪ့လၥၨၩႉ နးထီၫ့နီၪ မွဲၦလၧအဒူၩနၭန့ အဝဲဘိၭ ယိဂူၪဆၧ လၧအစူၪထါဖၧၩ့ အဝ့ၫဒၪဘၪၦၡၩနီၪ ဆၧအထီၩ့ဖျဲၩ့ၥံၪ ဖျီၪလၫ့လၧအလီၩ့တၭ လၧထၧၫ့ဖုဝဲမုၪနံၫဂၩ အဎ့ၬၥံၪနီၪ လီၩ့ဖ့ၬပျၩ့ၡိၬၥံၪနၪ့ၥံၪ လၧအစူၪနံၫခီၫလူၬနီၪ ဖျဲၪနၭလ့ၬဘိၩအ့ၬဧၪႉ ကဆိဖိၪအထးဖၧၩ့ ဎုၬလးထၧၫ့ဝၩ့ယၫ ပျၩ့လၫ့ခွံၬဝ့ၫႉ ဝ့ၩႉႉႉႉအယီၩမဘီၪၦၡၩနဲၪႉ (ဆၧလၧဘီၪၦၡၩနီၪ မွဲၦၡၩမၩထၬအၥၭ လၧဆၧယူၬဆၧဖျဲၩ့တၭ လိၫလၫ့အၥၭဘဲၫၦၡၩန့လီၫ)  ဘီၪၦၡၩလိၫလၫ့ထဲၩ့အၥၭ အခိၫၦၡၩတၭ အၪ့မၧၫ့အဝ့ၫၥံၪ ဝဲလၫ့ထဲၩ့အမ့ၬႉ

ဘီၪနီၪစံၭ နးစ့ၩဘယီၩ ယဖ့ၬပျၩ့အ့ၪနၧၩဆၧဂီၩ့လူၬယူၬႉ ဘဲၫနလီၩထၬအၥိၭ ဂဲၫဖိၭယခဲၫ့ ဘနီၪတၭ  နးစ့ၩ ဘဲၫ့လၫ့ဘီၪ့လၫ့အဖံၭအခီၫ အီၪလၧကၠၩ့ဖၧၩ့နီၪဂီၩ့ လ့ၩဖိၬလၫ့ဘီၪအခဲၫ့ လၧဆၧၥၭမဲၪခဲၫ့ကဲၭလီၫၥၨၩႉ အဝ့ၫၥံၪဂၭဖၭလၫ့နီၪ နးထီၫ့ ခိၭယိထးဖျုၩမ့ၬတၭ ကိၭစိၩဆၧ ဆၧကွၩ့ထီၩ့မ့ၬ ဆၧဘွၩထီၩ့နၫဧ့ အဲၪ့ၥံၫယဝဲလဂ့ၩ ဖျါလၩ့ထဲၩ့ ဖျဲၪဖျဲၪဘ့ၭ ဘနီၪႉ

နးစ့ၩနါဂၧၫ့အဖုအလူကျၩကျၩအ့ၬတၭ အၪ့စၪ့ဘီၪၦၡၩ ကဲၪယၥၭ ယဖုကိၭစိၩပၧၩနဲၪ တၭ ဘီၪစံၭထဲၩ့ မွဲအ့ၬဧီၪ မလံၩအူၪဘၪ ၥံၪ့ၥံၪဝၪၥံၪလီၫအ့ၬဧၪႉ နးထီၫ့နီၪဘိၭ ထဲၩ့စဲၪ့လၧဂံၪ့ မ့ၬခၨၭနၫတီၩ့တၭ လီၩထဲၩ့အမိအဖါၥံၪ တဝၫ့ဖိၪၥံၪ လၧဆၧအဂဲးၥံၪနီၪထီး အလူၬႉ အဝ့ၫၥံၪ အၥၭခိလၨၪတၭ ကိၪ့ဆၧဘၪနးမံၩ့အ့ၬႉ

ၦၡါဖိၪယီၩ ပကအီၪပထုၬထၬအလးထယီၩဂီၩ့ လၧခဲၫ့မုနွ့ၫမၬ ယကဆုးလီၩ့ဖ့ၪနဲၪဘၪနၥံၪနဲၪႉ