ဖျိၩ့မုၪလၧ စီၪဆံၭအဆၨၩဆၬ

နၧၩနမွဲ ဖျိၩ့မုၪလါနၫ့ႇ နဆၨၩဖိၪ နဒၪလဎၧၩ့

နဆၨၩခွၫဖိၪ အီၪတမျၨၭႇ လါနၫ့ဂ့ၩ နဒၪလအိၭ

နဒၪရွံ့န့ နဂံၪ့ဒီၪ့ႇ လၧခးမုနုၬ ခိၪလၩၥၧၫ့

ခိၪလၩကနံၩ ထဲၩ့ဒၪနၧၩႇ နအီၪထးလၧ ဖိၪကဂၩ

ဖိၪကဂၩယီၩ လူၫဘီၩ့ထၪ့ႇ ဖါအမံၩ့ ဆၧဘၪအၪ့စၪ့

ဖိၪယီၩ ဒၪဒဲ လီၩ့ၥ့ၪအ့ၬႇ အနၫ့ဆါ ဘၪဒၪဆၧက့ၭ

ကနံၩလ့ၩကွ့ၩလၧထံၩၥိၭႇ ထံၫၥိၭဂူၫဂၩ လီၩစံၭစိၩ

ယဝ့ၫယၪဘွၩ ဖျီၪဎံၫလၩႇ နမွဲခိၪလၩ အၪဘၪနၧၩ

ဖိၪယီၩၥၭထၪ့ ဂဲၫထဲၩ့ဂၪ့ႇ လါနၫ့ လၧနဆၧဖ့ၪလၫ့

လၧနဆၧရွံ လထုၪဎးႇ နဖိၪမ့ၬထံၫ ဘၪယွၩလၩ့

လၧနအဲၪဒိၭ ထီၫ့ဒဲခွးႇ ဆၨၩဂူၫဂၩချံၫ လၩ့ထ့ၬထး

ၥၭဘၪ့မုၪခွၫ ဖုဒဲဝဲႇ စၪ့ထၪ့မ့ၬၥၪ မွဲအ့ၪလဲ

ပဆၨၩအတခ့ၭဖ၀ၭႇ အၪ့နၩ့ဘဲၩ့ဖၭ ထုၪ့လၩ့ၥၭ

Add new comment

11 + 6 =