ဖံၫဖူၫဆၧချဲၩ့ဒီၩ့ဎံၫလၩ (၃)

လခဲၫကမံၩ့နီၪဘိၭ ဖျါအၪ့လီၫ့ဆၧႉ ဖျိၩ့ၥံၪတၩ့လၪ့ဖျါလၧချံၫလီၩ့ဂီၩ့ ခၬဝ့ၫဒၪလီၫႉ ဆၧထိစိၩနီၪဘိၭ ဘဲၫၥိၭကဘၪစိၩဆၧကမံၩ့မံၩ့အဂး လါနၫ့ဂ့ၩ ဖျါနီၪယူၩအခၫတၭ  အ့ၪလမွဲဘၪယူၩဘျံၪ အ့ၪလမွဲဘၪ စီၩ့ခိၪ လမွဲဘၪ လၩ့ယွါအကၠီၩ့တၭ အဆၧထိစိၩ ထီၩ့လၪ့ထၪ့ဘၭအ့ၬနီၪလီၫႉ ဆၧမၩအၥၭယံၩယါ ဘဲၫယီၩအၥိၭၥ့ၪဝ့ၫလီၫႉ ကကၠၪကၠၪ လၧပဆၧဖံၭ ဆၧမၩဖၧၩ့ ဆၧကဲၪထၪ့ကဲၪ့ထီၫ့အ့ၬႉ အ့ၪလမွဲဘၪဘိၭ ပဘၪဆၧအီၪလီၫ့န့ပၧၩ အ့ၪလမွဲဘၪဘိၭ ပဘၪဆၧအၪ့လွ့ၫန့ပၧၩ လမွဲဘၪဘိၭ ပဘၪဆၧမၩနၧၩ့မၩစၪတၭ ထီးမွဲပမၩဆၧကမံၩ့မံၩ့ ပဆၧကိၪ့ဆၧတဲၩ့ကမံၩ့မံၩ့ အ့ၪလကဲၪ့ထၪ့ကဲၪ့ထီၪ့ဘၪနီၪ လမွဲဘၪလၧပဆၧမၪတၭ လၧဂူၫဂၩအဆၧမၫအကၠီၩ့နီၪ ဆၧချဲၩ့ဒီၩ့ယီၩအီၪလၩ့ထးဝ့ၫ ဖျါအၪ့လီၫ့ဆၧ ဖျါနီၪကဘၪမၩဖိၬထွ့ၫအနၫ့ဆါ အဆၧထိစိၩ လါနၫ့ဂ့့ၩ  ဆၧလၧထိးထၪ့ထၪ့ဘၭအကၠီၩ့တၭ လကဲၪ့ထၪ့ကဲၪ့ထီၫ့လၧၩ့ဘၪႉ လၩ့ဆၫ့ဒၪဆၧ ထယီၩနီၪ ဒုၭၥ့ၪယၫပၧၩလၧ ဆၧအၪ့လီၫ့န့ဆၧအဂးနီၪလီၫႉ ၦဖျိၩ့ၥံၪဘၪထိးအၪ့လီၫ့ လၧဆၧအဂဲးအၪမံၩ့အၪမၠိၩ့အကၠီၩ့တၭ ဆၧချဲၩ့ဘဲၫယီၩၥိၭ အီၪလၩ့ထးဝ့ၫလီၫႉ

                 လခဲၫကမံၩ့နီၪမွဲ ထိၪအဒုၩနီၪ ယူၩန့ဖျါႉ ထိၪလၧအဒူၩနီၪ ယူၩန့ဖျါႉ  လၩ့ဆၫ့ဒၪဆၧအယီၩ မိစံၭဝ့ၫလၧ ၦၡၩလၧအနါကဲၪ့ ၦၡၩလၧလခိၭနၪဘၪဆၧ ၦၡၩလၧလထိးဆၧၫ့ဘၪဆၧၥီၪ့ဆၧၥၫ့လဖၪနီၪ ထီးမွဲ လပၭကၩလၧၩ့ဘၪဆၧအခၫတၭ ဆၧကၪဆၧဂဲၩ့လီၩ့ဆီးန့နီၪလီၫႉ ကဘျၩ့ဘျၩ့ ပခၬဆၧဖိၪၥံၪ လ့ၩထိၪယိဖျါတီၩတီၩ လၧထိၪကဘံၪ့လၧအအီၪလၧၥံၪ့ခံၫနီၪလီၫႉ ထိၪနီၪဒၪလၩ့ဆၧဂ့ၩဘၪဆဲၪ့လါနၫ့ဂ့ၩ မၩအၥၭမီၪ့ဎီၩ့လပၭကၩဘၪဝ့ၫ အကၠီၩ့တၭ ထီးမွဲဆၧခၬဘၪလၧဖျါနီၪ အဝ့ၫၥံၪ မၩအၥၭမီၪ့ဎီၩ့ ယူၩလါနၫ့ဂ့ၩ ဖျါဘၪအနၫ့ဆါအကၠီၩ့တၭ ထိၪလဘံၪ့ယီၩ ၥံၫခွံၬဝ့ၫနီၪလီၫႉ အကၠီၩ့နီၪ မွဲဆၧချဲၩ့ဒီၩ့လၩ့လၧအီၪလၩ့ထးဝ့ၫ ထိၪအဒူၩနီၪယူၩန့ဖျါႉ ၦၡၩ အအၧၩ့အၥၫ့လၧလပၭကၩဘၪဆၧ လခိၭနိၩ့ခိၭနၪဆၧလၥ့ၪဘၪ မိဖါဆရၫၥမၩၥီၪ့လိၪနဲၪဂၧၩ့လန့ဘၪနီၪ ကကၠၪကၠၪဒၪဎီၩ့ထဲၩ့ဆၧကၪဆၧဂဲၩ့ ထီၩ့စိၩလၧမၩလၩ့အၥၭလၥ့ၪအဖၧၩ့ဘၪ လၧဖျါအဘၪဆ့ၭထိၪဒဲ ထိၪၥံၫခွံၬဝ့ၫအၥိၭနီၪလီၫႉ