ဖူၫထိၭထီၩ့ဒဲ ဆၫ့ဖိၪပံၭ (၃)

ဖူၫထိၭထီၩ့ထဲၩ့လၧဂံၪ့ ၥွံၫဝီၩ ၥံၪ့ဝီၩႉ ဖိၪၥၪၥံၪလၧအအီၪခိၬ အဝ့ၫကဂဲၫထဲၩ့ကဒီၪ့နီၪ ဒၪစိၩအဝ့ၫ လၧလၩဖၩ့ဖၩ့နီၪတၭ ဆၧမုၬအၥၭ ကိၭၡါလၪ့ဆၧကဒီၪ့ကဒီၪ့

          ဖါဂဲၫထဲၩ့န့ ဆၧဝီၩဝီၩ အၪ့ လၧဖုဒ့ၩဒဲဝဲစီၩ ဘနီၪႉ

အၪ့ဝိၫလိၭ ၥၪ့ၥဲၪဆၧႉ ဖူၫထိၭထီၩ့အမ့ၬၥဒၧၩ့ဖိၬ အၥွံၫလၩ့ဂီၩ့ဂီၩ့နီၪ စီၪဝ့ၫလၧ ဆၧအၪ့ဘိၭ

ထိၭထီၩ့နီၪဆ့ ကိၭထဲၩ့ဆၧလၧ ဆၧၥၭမဲၪအဖၧၩ့ အီၪကစုၩဘဲၫဖိၪၥံၪဧၨၪ ဒူၩလၫမိကနါဂၧၫ့ပၧၩႉ

ဖိၪၥၪၥံၪနါဂၧၫ့အနၫ့ဆါကဆိဧၪ ၥၪ့ၥဲၪထၪ့ဒၪအ ဖါဂဲၫထဲၩ့န့ ဆၧဝီၩဝီၩ နီၪ ၥူၭလၫ့ၥီၪလၩ့ဘနီၪလီၫႉ ထိၭထီၩ့နီၪဆ့ အၪ့ဂူၬကိၭဆၧၫ့ထဲၩ့ အီၪကစုၩဘီၪ ဖိၪၥံၪဧၨၪႉႉႉ နီၪလီၫႉဖိၪၥၪၥံၪအလူ ထိၭထီၩ့အလူၥံၪ ဘံၪဘူၪဆၭဎၬအၥၭမၬလီၫႉ

ဆၧမၩအၥၭဘနီၪတၭ ဒူၩလၫမိလၧၡိၬဖၧၩ့ နါဂၧၫ့ချုၬ န့ဝ့ၫကထုၪ့လီၫႉ အဝ့ၫၥံၪထီးလူၬ ကဲၫယူၩစိၩ ဝူၫဝူၫတၭ ဆုးလၩ့လၧ ဖူၫထိၭထီၩ့အမ့ၬၥဒၧၩ့လီၩ့နီၪ ဂီၩ့တၭ ဒံၪလၩ့အဒံၪၥံၪ အနီၪအလးခဲၫ လိၫ့ဖိၪၥံၪဂဲၫဖၭလၫ့ လိၫ့ဖိၪၥံၪ ဝၩ့အၪ့ခွံၬ ဖူထိၭထီၩ့ထၧၫ့ဂၩယၫတၭ အီၪထး မွဲန့ၫအဎွံၪဘွၩကၠၭဖိၪဒၪလီၫႉ