ပအိၭဆၨၩအဂဲး

ထၧၫ့ဖုဝဲထံၭၥိၭဖျိၩ့ဖိၪၥံၪဧ့ႇ မုကနွ့ၫယီၩ ပဆၧဆၧးဎံၫဆၧးလၩအနိၪ့ဖၧၩ့ ယမိအဲၪဒိၭအၪ့နၩ့လီၩဖ့ၪနဲၪ ဘၪနၥံၪ ၦထၧၫ့ဖုဝဲဖျိၩ့ဆၨၩကဆၨၩမွဲဝ့ၫ လၩ့အဲၪဝ့ၫဒၪ ပအိၩဆၨၩအဂဲးကဆံၭကခ့ၭဖိၪနီၪလီၫႉ လၧဖျိၩ့ဖျိၩ့အိၩ အီၪထၬဝဲၩလၧ ၡါဖၧၩ့နီၪ ပအိၩဒဲ ဖျိၩ့ဆၨၩၥံၪနီၪ မွဲဝ့ၫထၧၫ့ဖုဝဲဒဲ စူၭကီၪ့အီၪကၠၭကၠၧၫ့ကၠၧၫ့လီၫစွါဘဲၫႉ ပအိၩဆၨၩဖိၪ ၥံၪနီၪ လၧဖျိၩ့ဖျိၩ့အိၩ ၦၡၩကိၭလၧ ၦမၩဆံၬဖိၪ ကနၩ့နၩ့ကိၭဒံၭဝ့ၫလၧ ဖျိၩ့လၧအီၪခိၪလီၩ့ခိၪနီၪလီၫႉ ပအိၩဆၨၩၥံၪနီၪ မွဲလၩ့ဆၨၩထဲၩ့လၧ ၦဖျိၩ့ၡိအကၠီၩ့ လၨၪကိၪ့ၥ့ၪ (ဘာသာဗေဒ ပညာရှင်) လဖၪ နဲၩ့ထၪ့ထၬဝ့ၫဒၪနီၪလီၫႉ ပထၧၫ့ဖုဝဲဖျိၩ့ဆၨၩ ပအိၩၥံၪနီၪ အီၪလၧ ၥဲၫ့ဆၨၩခးဒီၪ့ လံၩထံၭကကဲၩ့ခီၫ ညီၫ့ၡွ့ၫ မုထၪ့ကကဲၩ့ခီၫဒဲ တီၫ့ကၠံၩ ထီးထီၩ့စိၩ ပင်လုံ ကလီၩအနဲၩ့ ခိၪလီၩ့ဒၩ့ခိၪလးကျဲၩ့လဖၪနီၪလီၫႉ လကၭဒံၭဘၪ အီၪဒံၭလၧ ပခူၩခိၪလီၩ ႇ ၥထိၫ့ ႇ ဖၫအံဒဲ ၥၫမညလးကျဲၩ့လဖၪနီၪလီၫႉ ပအိၩဆၨၩၥံၪနီၪ မွဲဆၨၩလၧ အယူၭယၪ့နဲၩ့ ဘုၭဒၭဆၧဘိၪ့ဆၧဘၩၥံၪနီၪလီၫႉ
နံၪ့ ၁၈၆၀ ဖရၫ့စ့ၭမ့ၫဆၫ့ ထူၭထၪ့ထၭနီၪ ဆၧလၧပအိၩဆၨၩၥံၪနီၪ အမ့ၬပၫလဲ ႇ အနၫဖူၫ ပၠၫ ႇ အမ့ၬၥၪ အဲၪ့ ဒဲ အဂၩ့ ဖၧၫ့နီၪလီၫႉ ၦခွၫၥံၪလဖၪနီၪ ၥိၭကီၩ့ ၥဲၫ့အပလူၭအလၫၡၭဒဲ ဖျၪ့ခဲၫ့ အလွ့ အလၫနီၪလီၫႉ ၦမုၪၥံၪလဖၪနးဆ့ မီၪ့ဎီၩ့ဒၪၦခွၫၥံၪ ပလူၭအလၫ့ၡၭဒဲ ဖုၪ့ကၠဲၭ ခိၪဖုၪ့ၥံၪနီၪလီၫႉ ဒံၭကၠၭ နါဒံၩ့ နီၪလီၫႉ လၨၪဆၧချဲၩ့နီၪဘိၭ မွဲလၩ့ဂၬလၧနၭလၧ ဖျိၩ့အကၠီၩ့ အၪ့ဎၬၥ့ၪယၫထၪ့ဝ့ၫဒၪနီၪလီၫႉ နံၪ့ ၁၉၁၁နံၪ့နီၪ ဂၠ့ၫ ဂၠီၭစကီၭအဆၧထူၭထၪ့နီၪ ပအိၩ (ဖျိၩ့ၡိအဆၨၩ) လဖၪနီၪ အီၪလၧ ၥဲၫ့ထံၫခးႇ ကၫ့ဘီၩဒံၫယၩထံၫခး ဒဲ မဲခီၫဘံၩအဖၫ့လၬကကဲၩ့ခီၫနီၪလီၫႉ