ပကဖီကၠၭလံၬကၠၧၫ့ကၠၧၫ့ (၈) ယံၩယံၩၡီၩ့ၡီၩ့

ၦဖျိၩ့ခိၪနါဒိၪအၪဂၩ

ပဒၪဘၪနီၪ ပပၭကၩ

ကျ့ၭစၨၭမၩဝ့ၫ ဖျိၩ့ဆၨၩဂး

ဘဲၫၦဖျိၩ့ ကန့အလး

လံၬလဲထၪ့ထီၫ ဆၨၩဎံၫဖျီၪ

ခိးဂဲးကွ့ၭဖီ လၧဖျိၩ့ခီၫ

ဆၧးဎံၫဆၧးလၩ ဖီၪ့ဂုးထၬ

ပမူၩဒၩအီၪမွဲတၡါ

ၦဖျိၩ့ဆၨၩယီၩ အ့ၪလၩ့မါ

လၧခဲၫ့လၥၭ ကဘျ့ၭခါ

ဆဲၫ့ဆၭကံၪဒဲ ၡၫ့ထဒီၩ့

ၥိၭထဲၩ့ကီၩ့ထဲၩ့ ယံၩယံၩၡီၩ့

နးၥံၫ့ၥံၫ့ၡူၪ

(ၥလၭခွၫ-ပၩ့တနီၫ) 

ဖျိၩ့ခိၪနါၥံၪအခိးအတၩ

---------------------------

လံၬလဲဆၧချိၩ့ဆၨၩအၥၭ

ဖျိၩ့ကိၭဂၩ ထီးနဲၪ့ထၬ

လံၬလဲဆၧးဎံၫဆၧန့ၥၫ

ဘဲၫၥိၭကထၪ့ထီၫလၧယၫ

နီၪႇ မဲႇ ကိၩ့ႇ ပၠီၫ ဖျိၩ့ခိၪနါ

ခိးဂဲးခိးဘၭ တၡါၡါ

မိလီၩၥ့ၪယၫ ဖျိၩ့လဖၪ

ဖျီၩ့ခိၪနါ အခိးတၩအၪ

ၥၭဘၪ့လဖၪ မၩလိၪဒီၩ့

လ့ၩထၪ့လၧယၫယံၩယံၩၡီၩ့

ဘဲၫၥိၭခိၪနါ ၥၭကထီၫ