ထီးကဲၪထၪ့ ခၧၫ့လၧ ဎ့ၬအဂးလဂ့ၩ

ပၥ့ၪယၫထၬကိၭဂၩဒ့ၭ ခုၪ့နီၪ မွဲဆၧကမံၩ့လၧ ဎ့ၬကျီၫ့့လၩ့တၭ အနၫ့ဆါဘၪထိးဝ့ၫလီၫႉ ဆၧလၧပကဲၪခုၪ့နီၪ ယံၬယံၬ ယံၬယံၬတၭ ခုၪ့နီၪ ဂၭဂီၩ့ဝ့ၫ လခဲၫထုၬ ထီၩ့စိၩလၧ ၦၡၩဎုလၪ့ခွံၬလၧမ့ၪ ၦၡၩခွံၬၡိၬခွံၬ ၦၡၩၥိၩ့လၥ့ၪဘၪႉ ခုၪ့ဘၪထိးဆၧ ထီးအဂၭဂီၩ့ဂၭစၪႉ အနီၭမွဲဆၧကမံၩ့လၧ ပမိပဖါ ပဖံၫပဖူၫၥံၪ စံၭဝ့ၫထီးကဲၪထၪ့ ခုၪ့လၧဎ့ၬအလးလဂ့ၩႉ ဆၧလၧဎ့ၬဆ့ မွဲဆၧလၧ လဂ့ၩဘၪလီၫႉ ဎ့ၬနီၪဘိၭ ဒၪ့လၩ့ဆၧ လခဲၫခီၫ ဎ့ၬယီၩ အ့ၪမွဲလၩ့လံၬ ဆၧကျဲၩ့လၫ့ ဒၪ့ဆၧ ကျဲၩ့လၫ့ ဒၪ့ဆၧ ကျဲၩ့လၫ့ လခဲၫထုၬ ဎ့ၬဒၪလ့ၬနီၪ အနါမွဲလအီၪလၧၩ့ဘၪ ဘၪဆၧဎုလၫ့ထဲၩ့ ဘၪဆၧၥိၪလၬထဲၩ့ဝ့ၫ ဎ့ၬနီၪဆ့ မွဲဆၧလၧအလၩ့မ့ၬလဲၩ့ မွဲအမၩအၥၭမီၪ့ဎီၩ့ ဆၧအမၩနၧၩ့မၩစၪဆၧလီၫႉ ဝၪအ့ၪအၥၭအီၪကမ့ၬလဲၩ့ဎ့ၬ ၥံၪ့အ့ၪအၥၭအီၪ ကမ့ၬလဲၩ့ဎ့ၬ ဆၧဖိၪဆၧဎါလဖၪ ကမ့ၬလဲၩ့ဎ့ၬ မွဲလၧဎ့ၬဒၫ့အဝ့ၫၥံၪအကၠီၩ့တၭ အဝ့ၫၥံၪ ဘၪထိးၥံၫ ဘၪထိးဆၫ ဘၪထိးဂၭဂီၩ့နီၪလီၫႉ ဎ့ၬနီၪ မွဲအဝ့ၫအၥၭကဎွံၫလၧ ဆၧမၩနၧၩ့ကဆိကလးနီၪလီၫႉ ပကဲၪခုၪ့မွဲဂ့ၩ ပကဲၪဎ့ၬမွဲဂ့ၩနီၪ မွဲဆၧလၧလဂ့ၩဘၪအကၠီၩ့တၭ ပဖံၫပဖူၫၥံၪ စံၭထးဝ့ၫ ထီးကဲၪထၪ့ ခုၪ့လၧ ဎ့ၬအဂးလဂ့ၩလါဆံၭႉ