ခွ့ၩ - ၂

ပအူၪထၪ့ ခွ့ၩအခၫ ပကဘၪဖီၪ့ထၬ ပစူၪနံၫခီၫ စူၪကကဲၩ့နီၪ ကဘၪဖီၪ့ထၬလၧ အဖိးအီၪအလး အခံၫကကဲၩ့ခီၫ ပကဘၪဝဲလၫ့ ဖၭဘံၭလၧ ပစူၪမု လၧပကမိနါဂၧၫ့အလူနီၪလီၫႉ အ့ၪပအူၪထၪ့လၧ မုနၩခီၫစွါဘဲၫ အလူၥီၫထၪ့ ကထီၩ့စိၩလၧ အယဲၩကမဲၫ့ ့ နီၪလီၫႉ

          ဆၧအီၪဎုၬမုၬလဖၪ ကစၭထၪ့ထီအခံၫ့နီၪ ၦၡၩအူၪထၪ့ယံၫယါ ခွ့ၩနီၪလီၫႉ လၧဖျိၩ့ဖျိၩ့အိၩ ၦဖျိၩ့ဆၨၩဖိၪၥံၪ လဖၪ အၪဒၪဆၧ အီၪလၧ ခိၪလီၩ့လးကျဲၩ့တၭ အဝ့ၫၥံၪအ့ၪလ့ၩလၧ ၡိၬကျၩအခၫ ဘဲၫလဂၬဖျိၬဘၪ လဘၪမၪဘၪဖၧၩ့ၥၭအဂးဒဲ အလိၬၥၭ မလ့ၩထီၩ့ခလဲၪ ကဂၩဒဲကဂၩကၥ့ၪဝ့ၫအဂး အူၪထၪ့ ခွ့ၩယီၩဂီၩ့ လ့ၩယံၫယၩဝ့ၫဒၪနီၪလီၫႉ ၦလၧအီၪ တဝၫ့ဖၧၩ့လဖၪနးဆ့ လဂီၩ့နၭခုၬ ကလ့ၩထၪ့ လၧခိၪလီၩ့ဎုၭအဂး အူၪထၪ့ခွ့ၩဂီၩ့ ကိၭစူၭကီၪ့ထၪ့လိၬၥၭနီၪလီၫႉ

          ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ ၦဖျိၩ့ဆၨၩလဖၪ အီၪက့ၪဒိၪ ၦဖျိၩ့ဆၧအူၪဆၧဒံၩ့ကမံၩ့မွဲဝ့ၫ ခွ့ၩယီၩ မွဲဘၪအူၪထၪ့လၧ ဆၧၥၭအွံၪအဂးလမွဲဘၪဒဲ ဘၪအူၪထၪ့လၧ ဖ့ၪလၫ့ဆၧနဲၪ့အဂးနီၪလီၫႉ အ့ၪပကစူၭကီၪ့မၩ ဆၧမၩ ကမံၩ့မံၩ့စွါဘဲၫ အူၪထၪ့ခွ့ၩဂီၩ့ ၦလဖၪကဂဲၫစူၭကီၪ့အၥၭအဂး ဖ့ၪလၫ့စိၩဆၧနဲၪ့ကမံၩ့နီၪလီၫႉ ၦဖျိၩ့ဆၨၩဖိၪၥံၪလဖၪ အ့ၪကလ့ၩစဲၪ့လၫ့ ဒူၭၥုၭအခၫဆ့ အူၪလၫ့ခွ့ၩဂီၩ့ လ့ၩယံၫယါဝ့ၫနီၪလီၫႉ ၦဖျိၩ့တိၩ့ဆၧဂၭထလ့ၬ ကစၭထၪ့ထီအခၫ ဒိၪထၪ့ ကျိၪ အူၪထၪ့ ခွ့ၩ မၩဎွံၫထၪ့ ၦခမျၧးအၥုၪ့အၥၭနီၪလီၫႉ တိၩ့ဆၧဂၭထလ့ၬယီၩ အ့ၪဂီၩ့အခၫဆ့ အူၪထၪ့ခွ့ၩဂီၩ့ မွဲအီၪဖျါပထုၬယံၫယါဝ့ၫအကၠီၩ့ ပကဒၪဘၪနီၪလီၫႉ