ခွ့ၩ - ၁

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ ၦဖျိၩ့ဆၧဆၧးဎံၫဆၧးလၩအနိၪ့ ယမိအဲၪဒိၭလီၩအ့ၪဘၪနၥ့ၪ ၦဖျိၩ့ဆၧအူၪ ဆၧဒံၩ့ကမံၩ့ မွဲဝ့ၫ ဖျိၩ့ၡၩ့ၥံၪကိၭလၧ ကွဲၪ ၦဖျိၩ့ၡိမိထံၭဖိၪၥံၪကိၭလၧ ခွ့ၩအဂဲးနီၪလီၫႉ ဆၧအူၪဆၧဒံၩ့ယီၩ မွဲပဘၪအူၪလၧ အလူစဲၪ့ထၪ့ကိၭမံၩ့အဂး လမွဲဘၪဒဲ ပဘၪအူၪထၪ့လၧ ဖ့ၪဆၧနဲၪ့အလူ ဆၧအူၪဆၧဒံၩ့ကမံၩ့နီၪလီၫႉ ခွ့ၩယီၩ အ့ၪပအူၪထၪ့အခၫ အလူကစဲၪ့ထၪ့န့ နံၫမံၩ့နီၪလီၫႉ                                                                                                                                                                                                                                                                                                                                                                                                                                                                                                               ဆၧလၧခွ့ၩနီၪ ပဖိၬလိၬန့လၧ ဆၧဎီၩ့အနိၩ့ႇချီးအနိၩ့ႇ ကဆၫ့အမဲၪ ဒဲ ပနါအနိၩ့ၥံၪလဖၪနီၪလီၫႉ လၧဖျိၩ့ဖျိၩ့အိၩ ဖံၫဖူၫၥံၪလဖၪ ဖိၬလိၬၥိၩ့ယံၫယါဝ့ၫလၧ စဎီၩ့အနိၩ့ႇ ချီးအနိၩ့ ဒဲ ကဆၫ့အမဲၪၥံၪ လါနၫ့ဂ့ၩ ထီမုဆၫကနံၩယီၩ ပဒၪဘၪ ခွ့ၩလဖၪ ၦၡၩဖိၬလိၬထၪ့ဒၪလၧ ပနါအနိၩ့နီၪလီၫႉ ၦဖျိၩ့ဆၨၩဖိၪၥံၪလဖၪ အဆၧအူၪဆၧဒံၩ့လဖၪအဖၧၩ့ ခွ့ၩယီၩ ၦၡၩၥ့ၪယၫထၬအၪ ခီၫလၧဖျိၩ့ဖျိၩ့အိၩ အရ့ၩဒိၪဝ့ၫဒၪ ဆၧအူၪဆၧဒံၩ့ ကမံၩ့နီၪလီၫႉ

          ၦဖျိၩ့ဆၨၩဖိၪၥံၪ အဆၧအူၪဆၧဒံၩ့ကမံၩ့မွဲဝ့ၫ ခွ့ၩယီၩ ဘၪဖိၬလိၬထၪ့ဘဲၫၥ့ၪလဲၪစွါဘဲၫ ပအၪ့န့ ပနါနိၩ့ကဒုၩနီၪဂီၩ့ အခၪ့ထံၭနီၪ ဘဲၫကဎၩ့အဂး ပကဘၪဖ့ၬထ့ၬ နံၫစူၪမုနီၪလီၫႉ ခွ့ၩအခံၫကကဲၩ့ယီၩ ပအၪ့န့ဖိၬဘိၭ ၥၧၫ့ပိၩ့ကပိၩ့နီၪ ပကဘၪမၩဖိးအဖၧၩ့ လၧအလီးခီၫ နံၫစူၪမုဂီၩ့ ပကဘၪထံၭလၩ့အဖျ့ၩဂ့ၩဂ့ၩဘၪဘၪလၧ ၡၬဘွၩ (သွပ်) လမွဲဘၪ ထီး နီၪလီၫႉ