ခွဲၩကဘၩ့ခိၪလီၩ့ဒဲ ၦဖျိၩ့ထၧၫ့ဖုဝဲဖိၪနံၫဂၩ (၄)

အဖုမုၪဝ့ၫဒၪမွဲၥ့ၪယၪဆၧနးမံၩ့ဒံၭဘိၭ အဝဲခွၫဘၪယိထွ့ၫနီၪလီၫႉ ဒုၭလၩ့မါဝ့ၫလၧအမ့ၬယၫဘၧၫ့အ့ၬ နၪ့ထၪ့အဖါဖါ မီၪ့ဘၪအမိမိ အဝဲခွၫယီၩအၥၭခံဖၧၩ့ လမုၬဘၪနးဆ့ ထိးဆၧၫ့ထၬဝ့ၫဂ့ၩဘၪစဲၪ့လီၫႉ ဘၪယိထွ့ၫအဖုမုၪဆံၭဖိၪယီၩအကၠီၩ့ အဝ့ၫအၪ့ဘၪဆၧဘျဲၩ့နးကၠၪအ့ၬႉ

            ကနံၩနီၪတၭ အထၧၫ့ဖုဝဲနံၫဂၩယီၩ လ့ၩထီၩ့လၧ အဲၩ့ၥဲၭလဂၩအအီၪတၭ အဲၩ့ၥဲၭယၫ့ၥၭ ၦထၧၫ့ဖုဝဲနံၫဂၩယီၩ ဖ့ၪလၫ့ဝ့ၫၥံၪ့ဎွံၪ (၃) ဖျိၪ့ အၪ့မၧၫ့ဝ့ၫစဲၪ့လၩ့လၧ မ့ၪဖၧၩ့ဖၧၩ့တၭ ဂဲၫကဲၪထၪ့ထဲၩ့လၧ ၦမုၪနၩ့ဖိၪဒဲ ၦဖျဲဖိၪနံၫဂၩနီၪလီၫႉ အထၧၫ့ဖုဝဲနံၫဂၩယီၩ န့ဘၪစဎွၩဖ့ၪလၫ့အ့ၪအစီၩ့အမၩ့လဖၪၥံၪဂီၩ့ ဘဲၫအုၩ့လၩ့ထၬအၥၭလၧ အဲၩ့ၥဲၭအီၪအၥိၭ ကဘၪမၩဒိၪထၪ့ထီၫ့ထၪ့ကၠဲၬအဆၧအီၪကီၪ့ဒဲ ၦလၧဂဲၫဘၩကၠဲၠၬလၧ ခွဲၩကဘၩ့ခိၪလီၩ့လဖၪ မွဲအဝ့ၫၥံၪအခီၫ့ၡၩဒိၪထၪ့ အၪထၪ့ အီၪမုၬဆီၪ့ချဲၫ့ဒၪဝ့ၫအကၠီၩ့ အၪ့မၧၫ့ၦထၧၫ့ဖုဝဲနံၫဂၩယီၩ ယိထွ့ၫထးနီၪလီၫႉ         

            မွဲဆၧဘဲၫနီၪ လၧခွဲၩကဘၩ့ခၫ့ထံၭနီၪ လၧအဖီၩ့ခွံၬ နံၪ့ ၅၀ဒံၭဒၪအိၩ မၩ့နဲ အူၩက့ၫတု(ဉီးကေတု) လ့ၩခိၪလ့ၩနါဂီၩ့ ၥုၪ့ထၪ့ ဓာတ်နန်းရှင်ထၧၫ့ဖုဝဲ ဓာတ်နန်းရှင်စခန်းနီၪလီၫႉ ထီးနီၪ ခွဲၩကဘၩ့ မၩ့နဲ အူၩကဝံဒဇ (ဉီးကဝိဓဇ) ဆုးဖိၬလိၬထၪ့ထဲၩ့ ပၧၩလၧဂဲၫဘၩကၠဲၠၬလဖၪအီၪပွံၭအလးဒဲ မွဲကဲၪထၪ့ ဆၧနၪ့ထၪ့ၥၭယူအလး ဎံၫလၩဝ့ၫဒၪ လုဘနံၫကျိၭဒံၭနီၪလီၫႉ