ခ့ၫဘၩ့ဖိၪခွၫအီၪဒဲၥၭဒူၩ (၃)

ထၧၫ့မၫဝၩၥ့ၪယၫဆၧနးမံၩ့အ့ၬႉ မံၫနၩ့အီၪလၧၥံၪ့ထံၭဖၫ့လၬအထီႇထိၪကိၭ (အောက်ချင်းငှက်)ထၧၫ့မၫဝၩဆ့အီၪလၧထၭလခီၫ ချဲၩ့ဒုၪ့လိၬၥၭႇ

       အိၩနဲၪ အဝ့ၫၥံၪမံၫလနီၪ ၥ့ၪယၫလၩ့ၥၭကၥံၫအ့ၬႉ ၦလီးမုၪကိၫ့ၥံၪအ ဝ့ၫၥံၪၥၧၫ့ဘျၩ့နၥ့ၪယၫဧၪ

ခ့ၫဘၩ့ဖိၪခွၫနါဂၧၫ့တၭ နၪၥ့ၪထိၪကိၭအဆၧချဲၩ့ဂ့ၩဘၪစဲၪလီၫၥၨၩႉ ယီၩ ယက လီၩနၧၩ ဆၧချဲၩ့လၧ ပလီၩယီၩ ၦလၧအနါဂၧၫ့လဂၩနီၪ စံၭဆၧၫ့ဒုၭၥ့ၪယၫထဲၩ့ ဘၪ ၦထၧၫ့မၫဝၩနံၫဂၩအ့ၬႉ အ့ၪချဲၩ့ဒုၭၥ့ၪယၫကထံၫဎး အမိၡါကကဲၪထၪ့ ဘဲၫလိးဂၩ့ (ကျောက်ရုပ်) အၥိၭလီၫႉ

မုဆဲၫ့ထၪ့နံၩလ့ၩဆၧတၭ ဒၪစိၩၦလဂၩဂဲၫဆိၬန့ကျီၩ့ကခိၪလီၫႉ (ကျီၩ့ ယီၩဘၪဆၧလီးထၬဝ့ၫအကၠီၩ့ စဎွၩအဖိၪခွၫမၩန့နီၪ ကခၭၥံၫအဝ့ၫလီၫ) ခ့ၫဘၩ့အဖိၪခွၫဒၪစိၩတၭ မၩန့ကျီၩ့ဒဲ ဘိၭခါခွံၬဝ့ၫအကၠီၩ့ အဝဲစဎွၩအဖိၪခွၫ အၥၭထၪ့လီၫႉ  အၪ့စၪ့တၭႇ

နၥ့ၪယၫအ့ၬဘ့ၩ ဝဲစီၩဧၪ

လီၩဝ့ၫဘဲၫနီၪလီၫႉ စဎွၩအဖိၪခွၫအၥၭမံၫ့အ့ၬႉ အနီၪဂီၩ့ကကၠၪ လ့ၩဒီၭ လၧဖၧၩ့ၥၭ ၦၡၩလဂၩဂဲၫဖ့ၪကၥ့ၪလီၫႉ (ကၥ့ၪယီၩကထၧၫ့ၥံၪစဎွၩအဖိၪနီၪႇ ဆၧလီးထၬဝ့ၫအကၠီၩ့)  ခ့ၫဘၩ့ဖိၪခွၫနၪ့စဲၪ့ဖျိၭခွံၬ ၦၡၩဒဲအကၥ့ၪလီၫႉ အဝဲ အၪ့စၪ့ဒီၭႇ နမၩဆၧယီၩဘၪအ့ၬႉ နၥ့ၪယၫ အ့ၬဘ့ၩ ဝဲစီၩဧၪႉ  စံၭဒီၭကကၠၪ အကၠီၩ့ ဖီၩ့ဖျ့ၭထၪ့လၧ ဆၧၥံၫနံၫဘျၩ့ယူၭလီၫႉ အဝ့ၫလီၩဖျီၪထၪ့န့အ့ၬႉ အခၪ့ ထံၭကမံၩ့နီၪ အခၪ့နံၫခီၫ ကကဲၪဘဲၫလိးဂၩ့အၥိၭနီၪ ထိၪကိၭဆၧချဲၩ့နါဂၧၫ့ ထၬဝဲၩလီၫႉ

နံၫမီၫ့ကမီၫ့နီၪ အမိၡါကကဲၪဘဲၫလိးဂၩ့အၥိၭ (အီၪထးန့အခိၪဎွံၪ) ပနီၪလီၫႉ အဝ့ၫၥံၪထဲၩ့ထီၩ့လၧနီးယူၭႉ ဆၧကိၪ့ထၬအီၪကဘျၩ့ဒံၭႉ ထီးထၧၫ့ မၫဝၩၥံၪမံၫမၪအထီ ဆၧမိဎွါကဒုၩကဂဲၫနုၬလၩ့မၩၥံၫလီၫႉ အကၠီၩ့တၭ ခ့ၫဘၩ့ ဖိၪခွၫလဂၩ ဆၧပွံၭလါနၫ့မံၫဘၪအ့ၬႉ ဘၪအီၪခိၭ ဆၧမိဎွါလၧကဂဲၫမၩၥံၫ အဝဲထၧၫ့မၫဝၩလီၫႉ

ဖိၭဖၫ့မုလီးတၭ စမိဎွါဂဲၫလီၫႉ ခ့ၫဘၩ့ဖိၪခွၫဖီၪ့ထၪ့အဎ့ၬဖၭထီၫ့ဂီၩ့ ကျီၪ့ ၥံၫဆၧမိဎွါႇ ဖ့ၬထ့ၬကကုၭဂီၩ့ကကုၭႇ အီၪက့ၪထၬလၧခၬလးမံၫ(ခုတင်)ဖၫ့ လၬလီၫႉ ဆၧမိမံၫဖျီးလၨၪယူၭႉ ထဲၩ့နုၬလၩ့မံၫတၭ မံၫမၪဝ့ၫအကၠီၩ့ နၪ့အၥၭ လၧၩ့အ့ၬႉ