ဖံၫဖူၫဆၧချဲၩ့ဒီၩ့ဎံၫလၩ (၆)

မီးၥၪမၩဖိး မီးပၪႉ ၦဖျိၩ့ဖိၪၥံၪ မွဲၦၡၩလၧ အအၪ့ဆုၪ့အီၪဂုဆၫအကၠီၩ့တၭ အဝ့ၫၥံၪအၪ့ဆုၪ့အၪ့ဂုဆၫလၧ ဆုၪ့ႉ လမွဲဘၪလၧ မီးနီၪလီၫႉ မီးနီၪဘိၭ ဘဲၫပၥ့ၪယၫအၥိၭ မီးအၥၪနီၪ ဘၪဆုၪ့ဆံၭ မီးပၪႉ တၩ့လၩ့ဂုဆၫထနီၭႉ ယံၬယံၬ ယံၬယံၬ နံၪ့ဆံၫလၩယံၬတၭ မီးပၪနီၪဘိၭ ဖိးဝ့ၫဒၪလီၫႉ အနီၭအကၠီၩ့နီၪဘိၭ မီးပၪလၧအမွဲၥံၪ့ မီးၥၪလၧအမွဲၥံၪ့ ၥံၪ့ခီၫၥံၪ့ ဘၪစူၭလိၬၥၭ ယံၬယံၬတၭ လခဲၫထုၬ မီးပၪ ဘၪဂၭဂီၩ့နီၪလီၫႉ ထီးမွဲ ထံၩၥံၭ ထံးထံး မၩဆၫလိၬၥၭ ထီးအၥုၪ့အၥၭဂၭဂီၩ့ဂၭစၪ လၩ့ဘျ့ၭလၩ့နူၬမွဲဂ့ၩႇ ထၧၫ့ဖုဝဲထံးထံး အ့ၪမၩနၧၩ့မၩစၪလိၬၥၭ ထီးမၬလ့ၬ ဆၧလၩ့မုၬလၩ့ဖၬအီၪထၪ့မွဲဂ့ၩႇ ဂံၪ့ဒီၪ့ထံးထံး နၫ့ဆါထၧၫ့မၫဝၩနံၫဂၩ ထီးမွဲဆၧအဲၪလိၬဆိၬချဲၩ့ ထၪ့ဒုၪ့ထၪ့ဒၩ ၥၭဘၪထံၭ ဆၧဂၭဂီၩ့ဂၭစၪ အ့ၪအီၪအခၫထနီၭနီၪမွဲဂ့ၩႇ ၦဖျိၩ့ထၧၫ့ဆၨၩယၫဆၨၩခီၫဆၨၩ ဖျိၩ့ခီၫဖျိၩ့ ထီးမွဲမၩနၧၩ့မၩစၪလိၬၥၭ ထီၩ့စိၩလၧ ဆၧဂၭဂီၩ့ဂၭစၪ ဆၧမၩၥံၫမၩဆၫလိၬၥၭ ဆၧဒၪလိၬၥၭလၥ့ၪလၧၩ့ဘၪအထီမွဲဂ့ၩ ဆၧဘိၪ့ဆၧဘၩခီၫ ဆၧဘိၪ့ဆၧဘၩမီၪ့ဎီၩ့ ဆၧဆူၪဆၧနဲၩ့မီၪ့ဎီၩ့ ထီးမွဲ မၩနၧၩ့မၩစၪလိၬၥၭ လအိၭလဆၬလၧၩ့ ဘၪလိၬၥၭ ကဲၪထၪ့ထဲၩ့ဒုၪ့ဒၩ အထီနီၪ ၦဖျိၩ့ဖိၪၥံၪအဆၧချဲၩ့ဒီၩ့အီၪလၩ့ထးဝ့ၫလၧ မီးၥၪနီၪ မၩဖိးမီးပၪနီၪလီၫႉ ထၭခိၪကဆၧၫ့နီၪ စံၭဝ့ၫဘယီၩ မီးၥၪဆ့ၭဖိးမီးပၪတၭ မီးပၪအၥၭ ဘၪထ့ဖၭႉ