အလူအဎွ့ၩ

လၧကကၠၪအိၩ ဖါလဂၩနီၪ အဝ့ၫလၥံၫဒံၭဘၪအထီ ခီၫလၧအဖူၫအစူၪဖၧၩ့လခီၩ့အိၩ အီၪက့ၪထၬထးနၩရံၩအလံၩကဖျိၪ့နီၪ ဖ့ၪလၪ့အ့ၪအဖိၪခွၫနီၪလီၫႉ နၩရံၩနီၪ အီၪဝ့ၫအနံၪ့ (၂၀၀) ဘျဲၪ့ယူၭႉ ဖါယီၩ အၪ့မၧၫ့အဖိၪခွၫလ့ၩအၪ့ဆၫယိစီၩနၩရံၩယီၩ လၧ ပအၪ့ဆၪနၩရံၩအလးလီၫႉ အဝ့ၫကဖ့ၪလၫ့နၧၩ အနံၪ့ဎွ့ပၥ့ၪလဲၪ ဂဲၫထဲၩ့ထိးန့ထၬ မၧၫ့လူၬထၬအဖိၪခွၫ ဘဲၫယီၩလီၫႉ ၦအၪ့ဆၫနၩရံၩအလးလဖၪ လီၩ့စိၩဖိၪခွၫနီၪ နနၩရံၩယီၩ လၩ့လံၩယူၭ ပဖ့ၪလၫ့နၧၩ ကနၧၩ့မွဲ ၅ ဒီၫလၫလီၫႉ ထီးနီၪ လ့ၩအၪ့ဆၫယိထဲၩ့ဝ့ၫလၧ ပအၪ့ဆၫကီဖံၫအလးအခၫ  စံၭဒီၭအဝ့ၫ ကဖ့ၪလၪ့ဝ့ၫနၧၩ့မွဲ ၅ဒီၫလၫဆ့လီၫႉ ထီးနီၪ ဖါယီၩ အၪ့မၧၫ့အဖိၪလ့ၩအၪ့ဆၫယိစိၩလၧ ဒူၭဒုၭနဲၪ (ပၠၭတဲၭ) အခၫ နၩရံၩယီၩ မွဲၡၩဝ့ၫဒၪ နၩရံၩလံၩကဖျိၪ့အကၠီၩ့ ကဖ့ၪလၪ့အ့ၪအဝ့ၫ ကခွးနီၪလီၫႉ

အနီၭအခၫ ဖါနီၪ စံၭအဖိၪ ကယဲဆၧနးမံၩ့ အီၪအလးဘၪမၬ အီၪက့ၪကၠၭဝ့ၫအလူအဎွ့ၩၥ့ၪလီၫႉ ပကဘၪအီၪလၧ ကျ့ၭပအီၪအလး ဒဲ ပၧၩအီၪက့ၪပၧၩ အလူအဎွ့ၩအလး လိၫဝ့ၫဒၪလီၫႉ စံၭမၬချၭ- လၧနဆၧမၩလးနီၪ အ့ၪဘၪလၧ ၦလအီၪက့ၪဘၪနၧၩအလူအဎွ့ၩအလးစွါဘဲၫ ဆၧဖံၭဆၧမၩ ကလ့ၩထၪ့လ့ၩထီၫအဂး နကျ့ၭစၨၭဂ့ၩဘၪစဲၪ့လါနၫ့ဂ့ၩ နၧၩနီၪ နကကဲၪ့ထၪ့ဒၪ ၦမၩဆၧဖိၪလၧ အလအိၭဘၪဆၧလဂၩအကၠီၩ့ ၥီၪ့ၥၫ့အဖိၪခွၫဘဲၫယီၩၥိၭလီၫႉ

            ဆၧလၧအလူအဎွ့ၩနီၪ အ့ၪအီၪလၧၦအီၪက့ၪအစူၪဖၧၩ့မၬ အလူအဎွ့ၩကအီၪလီၫႉ အ့ၪအီၪလၧ ၦလၧလအီၪက့ၪဘၪအလူအဎွ့ၩအစူၪဖၧၩ့စွါဘဲၫ နၧၩနီၪ နကကဲၪထၪ့ဒၪ ၦလၧအလူအဎွ့ၩလအီၪဘၪ ၦလၧလအိၭဘၪဆၧလဂၩလီၫႉ