ဖျါနီၪ ဎိၩလၨ ချံၪဆိၬန့အ့ၬ

နံၫမံၩ့ကမံၩ့နီၪဘိၭ ဖျါနီၪ ဎိၩလၨ ချံၪဆိၬန့အ့ၬႉ ၦၡၩၥံၪတဲၩ့ဖျါနီၪ ဘၪအီၪလၧ အထိၪအဒီၩ့ဂ့ၩဘၩစဲၪ့လီၫႉ အ့ၪဎိၩလၨနီၪ အချံၫဆိၬလန့ဘၪအကၠီၩ့ ထီလၧၦၡၩတၩ့ လၪ့လၧချံၫ ခၬဝ့ၫဒၪထနီၭနီၪ ချံၪဆိၬဖျါလန့ဘၪအကၠီၩ့ ဘဲၫထိစိၩထၬဝ့ၫအၥိၭနီၪ ထူၬထၪ့ ထၪ့ဘၭအ့ၬႉ စံၭဒၪခလူၬ အ့ၪမွဲကခၬ ထိၪဒၪလ့ၬနီၪ ဖျါနီၪ ဎိၩလၨၪအကၠီၩ့ ထၪ့ဘၭအ့ၬ အကၠီၩ့တၭ အခီၫပယီၫနီၪဘၭ အိၭဆၧနၩ့မံၩ့အ့ၬႉ အနီၭနီၪ မိဒုၭၥ့ၪယၫပၧၩလၧ ၦၡၩအီၪဝ့ၫကနၩ့နၩ့ လၧအဆၧလု ဆၧချဲၩ့ ဆၧဆီၪ့မီၫ့ဆီၪ့မၬ အဆၧကိၪ့ဆၧတဲၩ့ဎိၩန့ အဝ့ၫမၩၥ့ၪအကၠီၩ့တၭ ကကၠၪကၠၪ ဆၧဘဲၫနီၪ အၥိၭနီၪ ကဲၪ့ထၪ့ကဲၪ့ထီၫ့ၥ့ၪအ့ၬႉ ထီးအ့ၪမွဲဆၧကဲၪ့ထၪ့ကဲၪ့ထီၫ့ အ့ၪလၥ့ၪဘၪတၭ ၦၡၩၥံၪစံၭဝ့ၫ အဖျါနီၪဎိၩလၨၪအကၠီၩ့တၭ အချံၫ့ဆိၬန့အ့ၬနီၪလီၫႉ

                                    ၥၧၫ့မံၩ့ကမံၩ့နီၪဘိၭ ဆၧချဲၩ့ မဖိၩဖျါဘၪဆ့ၭအၥိၭနီၪ မွဲဆၧလၧအဒုၭဖျီၪ့ထၪ့ ဆၧၥၭဘၪထံၭ ဆၧၥၭဆၫလၩ့ဘျ့ၭ ဆၧၥုၪ့လမုၬၥၭလမုၬဘၪ ကကၠၪကၠၪ ၦၡၩၥံၪ အဆၧဖံၭထံၩဖံၭၥိၭအဖၧၩ့ နါဂၧၫ့ဘၪ ဆၧလုဆၧချဲၩ့လမုၬဘၪအကၠီၩ့တၭ အၥုၪ့အၥၭလၩ့ဘျ့ၭ အၥုၪ့အၥၭဆၫ ထီၩ့ဒၪလၧ ဖျါဝ့ၫအဆၧမၪလန့ဘၪ မၩအၥၭမီၪ့ဎီၩ့ ဆၧဘၪဆ့ၭထၬတၭ ထူၭထၪ့ခွံၬဝ့ၫလန့ဘၪ ဘဲၫနီၪအၥိၭ အ့ၪအီၪထၪ့ကကၠၪကၠၪတၭ ဆၧချဲၩ့ဒီၩ့လၩ့ယီၩကဲၪထၪ့ဝ့ၫ မဖိၩဖျါဘၪဆ့ၭအၥိၭဆ့လီၫႉ ဆၧနီၪအကၠီၩ့တၭ ကဘျၩ့ဘျၩ့ လၧပဆၧဖံၭၥိၭအဖၧၩ့ ဆၧလူဆၧချဲၩ့နီၪ မွဲဝ့ၫလၧ ဆၧအကၧၩ့ဒိၪလီၫႉ