ၦဖျိၩ့ဆၨၩလဖၪ ဂဲၫထဲၩ့လၩ့ဆၨၩအလးဒဲ ၦဖျိၩ့အနံၪ့ဂဲၫကဲၪထၪ့အဂဲး

ၦဖျိၩ့ဆၨၩဖိၪၥံၪလဖၪ ဘၪထွ့ၫလၧ ဂဲၫထဲၩ့လၩ့ဆၨၩအီၪအလးနီၪ စီၩအီၪလၭ နဲၪဖျီၪထၪ့ထၭ ဘဲၫယီၩၥိၭလီၫ ႉ

ၦဖျိၩ့ဆၨၩဖိၪၥံၪလဖၪ ဘံၫစံၫ ၂၂၄၃နံၪ့နီၪ စၭထၪ့အီၪဂဲၫစဲၪ့လၫ့လၧ ဘ့ၫဘံၫလိၫ့ တၭ ဘံၫစံၫ ၂၁၉၇နံၪ့နီၪ ထီၩ့စိၩလၧ မိၫ့ဂိၫလံၩယၩလီၫ ႉ

ထီၩ့နီၪကဆၫ့ ဘံၫစံၫ ၂၀၁၇နံၪ့နီၪ စၭထၪ့ဂဲၫစဲၪ့လၫ့လၧ မိၫ့ဂိၫလံၩယၩဂီၩ့ ဘံၫစံၫ ၂၀၁၃နံၪ့နီၪ ထီၩ့စိၩလၧ အၡ့ၭတၫက့စတၫ့လီၫႉ

ဘံၫစံၫ ၁၈၆၄ နံၪ့နီၪ ထီၩ့စိၩလၧ တံဘဲၭဂီၩ့ ထီၩ့စိၩလၧ ယူၫနၪ့နီၪလၧ ဘံၫစံၫ ၁၃၈၈နံၪ့နီၪလီၫ ႉ

ဘံၫစံၫ ၁၁၂၅နံၪ့နီၪ ထီၩ့စိၩလၧ ခးပယၩ့အဆိၪထုၬလဘျၩ့ဒဲ ဘံၫစံၫ ၇၃၉နံၪ့နီၪ ပဂဲၫထီၩ့လၧ ခးပယၩ့ဖၧၩ့ နံၫဘျၩ့လဘျၩ့နီၪလီၫႉ

ၦဖီၪ့ထၪ့ဖံၭထၪ့ ဎရံၬဆၧအီၪကီၪ့လဖၪနီၪ လီၩ့ဝ့ၫဒၪ ၦဖျိၩ့ဆၨၩအခၪ့ထံၭခၪ့ဎၧၩ့နီၪ မွဲဝ့ၫ ဂၠူၩဆၨၩဆၬၥံၪလၧဖျိၩ့ဖျိၩ့အိၩနီၪလီၫႉ ၦဖျိၩ့ဆၧချဲၩ့ဖျိၪ့လနၩ့နၩ့နီၪ နဲၪဖျီၪ့ထၪ့ဝ့ၫဒၪ မိမီၪ့ဎီၩ့လၧ ဟံၫဘရူၩလၨဆၧချဲၩ့နီၪလီၫႉ ယွၩနီၪ လၧဖျိၩ့ခီၫ အခီၫပယီၫ အီၪဝ့ၫဒၪလၧ ကၠဲၬဒဲ မိမီၪ့ဎီၩ့ဝ့ၫဒၪ လၧဟံၫဘရူၩလၨ ယ့ၫဟိၩဝၩနီၪလီၫႉ လၧခးပယၩ့ဖၧၩ့ယီၩ ၦဖျိၩ့ဆၨၩဖိၪၥံၪလဖၪ လဂဲၫထီၩ့ဒံၭဘၪနီၪ ဂၠူၩဆၨၩဖိၪၥံၪလဖၪ အီၩဝဲၩလၧ ခးတရူၭနီၪလီၫႉ    ဆၨၩဆၬအနီၭ အထီဘဲၫယီၩ နဲၩ့ထၬဝ့ၫဒၪလၧ ခးပယၩ့ ပဲခူၩခိၪလီၩ့မုထၪ့ကကဲၩ့ဒဲ ထံၫထၪကျိၩ့ထံၫချိၬဝုၬဒၩႇ ရခဲၫ့ခိၪလီၩ့အခၪ့ထံၭ လံၩခံၫ ထီၩ့စိၩလၧ ဒိၩ့ပၥံၫ့ ဎံၩ့ဎီၩ့အီၪမၧၫ့ဝ့ၫဒၪၦဖျိၩ့ဆၨၩလဖၪနီၪလီၫႉ