ပၥၭၡၪ့န့လါနၫ့ ပၥၭလၩ့လန့ဘၪလီၫ

ပကဲၪၦၡၩလဖၪယီၩ ပၥၭၡၪ့န့လါနၫ့ ပၥၭလၩ့လန့ဘၪလီၫႉ အ့ၪပၥၭၡၪ့နီၪၥံၪ့ဎွံၪအီၪလါနၫ့ အ့ၪပၥၭလၩ့နီၪ ၥံၪ့ဎွံၪ လအီၪဘၪလီၫႉ ဆၧနီၪအကၠီၩ့ ၦၡၩကနၩ့နၩ့မွဲလၧအၥၭလၩ့အကၠီၩ့ လခဲၫ့ထုၬမၩၥံၫလၩ့ကၠၭအၥၭဂီၩ့ ကဖီၩ့ဖျ့ၭလၧဆၧၥၭလၩ့အ ဂးနီၪ ရွံထၪ့ဆၧၥံၫအဖၧၩ့ၥၭနီၪလီၫႉ

ပၥၭၡၪ့ဒဲ ပၥၭလၩ့နီၪ မွဲလမီၪ့ဎီၩ့ဘၪလီၫႉ ဆၧအဂဲး ဎူၫထံၪယီၩ အ့ၪမွဲကဲၪထၪ့လၧပအီၪမၬ ပစံၭလၩ့ပၥၭလၧ ပၥၭလၩ့ န့နီၪလီၫႉ အ့ၪလမွဲဘၪနီၪဘိၭ မွဲဒၪပၥၭၡၪ့ယိၩယိၩနီၪလီၫႉ

၁ႉ ကိနံၩဒ့ၭ ဘဲၫပၥၭအုၭၥိၭမွဲဂ့ၩႇ ဘဲၫပလိၫဘၪကမံၩ့မံၩ့အၥိၭ ပကဲၪထၪ့ဝ့ၫဘဲၫနီၪလီၫႉ

၂ႉ လၧအဂုအိၩ ပဘၪပၥၭထၬဆၧလဖၪအဖၫ့ခိၪ ပၥၭဆုးလီၩ့လၩ့ၡၩခွံၬဝ့ၫဒၪ

၃ႉ ပစီၪလၩ့ဘၪလၥၭ ဘဲၫ ၦအစၪကဂၩအၥိၭ

၄ႉ ဆၧကမံၩ့မံၩ့အဖၫ့ခိၪ ပထိၪတွၭအၪ့ဎၬဆၧႇ ပၥၭဆုးလီၩ့ဆၧ လၩ့ၡၩဝ့ၫဒၪ

၅ႉ ပကမၩဘၪထံၭဘၪဆၫလၩ့ပၥၭအဂး ဆၧအၪ့ဎၬဂဲၫနုၬလၫ့လၧပၥၭအဖၧၩ့

၆ႉ ပမံၫလန့ဘၪ အ့ၪလမွဲဘၪဘိၭ ပမံၫဖျီးလၨၪကဲၪထၪ့ဝ့ၫဒၪ ကကဲၪထၪ့ဝ့ၫနီၪလီၫႉ

ဆၧအဂဲးဘဲၫယီၩၥိၭလဖၪနီၪ အ့ၪမွဲကဆုးထဲၩ့ကဲၪထၪ့လၧပအီၪ ဖိၭဘိၭ၁၄ၥၫ့ဘျဲၪစွါဘဲၫ အယီၩနီၪ ပစံၭလၩ့ပၥၭလၧ ပဘၪထိး ၥၭလၩ့ဆၧဆၫန့ယူၭနီၪလီၫႉ

ဆၧအဂဲး၆ထံၪယီၩ အ့ၪမွဲလကဲၪထၪ့ဘၪလၧပအီၪနီၪဘိၭ ဆၧအနီၪ မွဲဒၪပၥၭၡၪ့ယိၩယိၩနီၪလီၫႉ ပၥၭၡၪ့ယိၩယိၩနီၪ ထီးကဲၪထၪ့ပၥၭလၩ့လဂ့ၩအဂးနီၪ မွဲပကဘၪၥၭၡၪ့ဒၪ ကဆိကလးနီၪလီၫႉ အ့ၪမွဲပၥၭၡၪ့အီၪကမံၩ့မံၩ့စွါဘဲၫ ကျ့ၭစၨၭ ဖီလံၬအၪအၪႇ မၩထၪ့နးခီၫ့မိၡါဆၧဂဲၩဆၧဝၭႇ ပၥၭဘၪၡၪ့ဝ့ၫဒၪအဂဲးလဖၪနီၪ ကွ့ၭလၩ့ထၬလၧလံၬစီၩ့ဖၧၩ့ ဒဲ မၩထၪ့ဆၧမၩ အၪ အၪလါဆံၭႉ အနီၪစွါဘဲၫ ပၥၭၡၪ့ယီၩကလၩ့မါခွံၬထဲၩ့နီၪလီၫႉ အ့ၪမွဲပၥၭၡၪ့လအီၪလၧၩ့ဘၪနီၪ ပၥၭလၩ့ဆၧဆၫကဘၪပၧၩ အဂးဆ့ ပဘၪအၪ့ယိၫခဲၫ့ကံၭ မွဲလလိၪလၧၩ့ဘၪနီၪလီၫႉ

နးအဲၪဖီၫဘွၩ