ချိၭလၩ့ဆၧ ( ကိုမြို့တင်ခြင်း )

ထီးၦဂံၪ့ဒီၪ့ဖိၪလဂၩဂၩ အ့ၪစူၭဆၫဝ့ၫတၭႇ ဘၪချိၭလၩ့ဝ့ၫနီၪလီၫႉ ဘၪလ့ၩချိၭလၩ့ဝ့ၫလၧကလိၭ အဂ့ၩ လၧအမၩဆၧၩ့ပၧၩနီၪလီၫႉ (ကလိၭအီၪနံၫမံၩ့ အဂ့ၩဒဲအအၧၩ့) လၧပယၩ့ဆၧချဲၩ့နီၪ(နတ်ကောင်းနတ်မြတ် ထံပူဇော်ပသခြင်း) ဘၪအၪ့ဎွံလၫ့ဆၫ့ႇ လ့ၩန့ဂီၩ့ ပၠၪလၩ့ဒဲ ဘၪချိၭလၩ့လီၫႉ မၩဘဲၫနီၪဂီၩ့ဆရၫလၧ ဘၪကဲၪခိၪ ကဲၪနါ မၩန့ထဲၩ့ဆၫ့ဎွံ ဖ့ၪထဲၩ့ဂံၪ့ဆါဒဲ ဘၪအၪ့ဘၪအီၩဝ့ၫလီၫႉ ဆၧလၩ့ဆၫ့လမံၩ့ လၧဆၧချိၭလၩ့နီၪ ၦကိၭဝ့ၫလၧ ထးလၩ့ နီၪလီၫႉ ထးၡီၩ့လၩ့ (သရဲအစာကျွေးခြင်း (ခ) ခေါစာပစ်)ဘဲၫနီၪဆ့လီၫႉ ထီးမွဲ ပလ့ၩကစီၪ့စီၪ့တၭ ပလီၩ့ပခံၫၥၭဝ့ၫဒၪလီၫႉ မၩန့ဆၫ့ဒံၪအၥံၫ့ကဖျိၪ့ မ့ၩအဝီၩႇ အဘွၩႇအဘၩ့လဖၪဒဲ ဘၪထးလၩ့ (ခေါစာပစ်) ဖီၪ့ထၪ့ဆၫ့ဒံၪဂီၩ့ တၩ့လၩ့ဒဲ ဂါလၩ့ကဆံၭကဆံၭ လၧမ့ၩဖၫ့ခိၪနီၪ စံၭဝ့ၫႇ အၪ့လိၭလဂ့ၩ ထုၭထၪ့ခွံၬနၥၭႇ ဖျါထဲၩ့လၧ နအၪ့လီးထၬနီၪဆံၭႉ (ထးလၩ့ဝးလၩ့) ၦကိၭဘဲၫနီၪဆ့လီၫႉ
မၩ့ကၠီၫတ့ၫဖ့ၫ (ကၠိၫ့ပၠီၫ)